البنزين80 هل من حق السيارات الاجرة

**ahmed1981** · 30-11-2008 12:31 AM

المشاركة الأصلية كتبت بواسطة hashem1999

انا علشان كده من رايى ان البنزينات كلها تمنع ان التاكسى يفول 80 لانه هو رفع سعر البنديره مع ارتفاع البنزين وفى نفس القت اصبح بنزين 80 مدعم السعر يعنى من حق الملاكى بس وكده كمان مش هيبقى فى زحمه خالص على اى بنزينه

ولماذا التفرقة العنصرية
التكاسي فعلاً رفعوا البنديرة ولكن من أنفسهم لأن الدولة تريد من الناس التخبط في هذا الأمر
والبنديرة القديمة التي لم ترفع منذ أكثر من 15 سنة

والبنديرة ليست مرتبطة بسعر البنزين كما يفكر الكثير من الناس وأغلبهم سطحيوا التفكير

البنديرة مرتبطة بغلاء الأسعار ومستوى المعيشة وأسعار البنزين وقطع الغيار والصيانة ومصاريف التعليم والصحة والسكن وغيره ..

بعض الناس يظن أن سائق التاكسي هو آلة خلقت داخل التاكسي وهي جزء منها وبالتالي لا يتأثر إلا بالبنزين وكأنه آله !!!!!!!!!!!!!!!

بدلاً من أن نطلب من الحكومة منع الناس من إستعمال وقود رخيص عليناا أن نطالبها بتشغيل العداد الذي أصبح تمثالاً أصم أبكم وهي سعيدة بذلك لإستهلاك طاقات المواطنين في المشاكل في التاكسي

راجع الموضوع التالي بخصوص عداد التاكسي:
مقترح لعداد التاكسي المعطل

**ahmed1981** · 30-11-2008 12:32 AM

المشاركة الأصلية كتبت بواسطة K-Lotfy

أصلا معظمهم بيبقوا محولين لغاز اللي أرخص وأوفر من بنزين 80 ويقعد يقولك البنزين غلي والنصب ده كله عشان ياخد أجرة مضاعفة
عالم نصابة وحرامية واستغلالية.
و من رأي أن المفروض يبقى اجباري على التاكسيات انهم يمشوا بالغاز أو السولار مثلا و يبقى في بنديرة موحده ويشغلوا العداد اللي حاطينه منظر ده ويبطلوا استغلال و يبعدوا عن البنزين و ميقرفوناش في عيشتنا

يا باشا المطلوب من الحكومة النظام وخلاص
وملناش دعوة حتى لو كانوا هيمونوا العربية عصير قصب

إنت تركب التاكسي بينك وبينه عداد
الحكومة مش عايزة تعمل العداد
فلازم نعرف نوجه النقد للمتسبب في المشكلة وليس لأحد ضحاياها

**ahmed1981** · 30-11-2008 12:33 AM

المشاركة الأصلية كتبت بواسطة elassar2010

ياباشا دول تلاميذ فى مدرسة الحكومة الحاجة تغلى هما معاهم الحاجة ترخص يقولك واحنا مالنا

طيب لو إفترضنا أني مرتبي زاد مع زيادة الأسعار الماضية
هل بعد إنخفاض الأسعار يستطيع أحد أن يسلب مني هذه الزيادة (لا طبعاً)
أكيد سائق التاكسي بشر مثل حضرتك ومثلي وعنده أسره ولها مصاريفها ومن حقه الإحتفاظ بزيادته مثلي ومثلك

ولكن على الحكومة تنظيم ذلك فقط وهي لا تفعل منذ 15 سنة

يبقى مين المجرم

وأتفق معك أن هناك سائقي تاكسي طماعين ومجرمين ولكن تذكر أن هناك مهندسين وأطباء ومدرسين ومحامين و و و وبرضه طماعين وحرامية

ماينفعش نعمم وناخد العاطل والباطل

**ahmed1981** · 30-11-2008 12:34 AM

المشاركة الأصلية كتبت بواسطة moudy88

وطبعا زي كل حاجه عندنا اللي مش عاجبه

يا باشا حالياً إتفق مع سائق التاكسي قبل أن تركب
واللي أوله شرط آخره نور

**ahmed1981** · 30-11-2008 12:37 AM

مشكلة التاكسي = العداد

لذلك أنا راسلت وزارة الداخلية بالموضوع التالي:
مقترح لعداد التاكسي المعطل

وبالطبع تم الطناش
ولكن مستعيناً بالله لن أسكت حتى يصل الموضوع بإذن الله إلى المسئولين

وهذا هو دورنا كرأي عام
أنا عارف إن الأمل ضعيف جداً منهم لكن الأمل من عند ربنا كبير

**شريف** · 30-11-2008 12:38 AM

لمشكلة مش هم بيحطوا بنزين كام
المشكلة فى العداد اللى مش محترم و دة بسبب المرور اللى سايبنهم على الشعب يسرقوهم

**mrbond88** · 30-11-2008 12:52 AM

والله انا شايف ان بنزين 80 ده مايستحقش يتحط في حنطور
السعودية بنزين 95 ب 45 هللة يعني 70 قرش مصري
هنقول السعودية بلد اللبترول
طيب انا عندي سؤال ؟؟
لما برميل البترول وصل 154 دولار غلله البنزين
دلوقتي البرميل ب 54 دولار
ده كده الحكومة مش مدعمة البنزين ده كده بيكسبوا فيه

حسبي الله ونعم الوكيل