الموضوع: لا حول ولا قوة إلا بالله..عملت حادثة بالعربية النهارده

الحمد لله عملت حادثة بالعربية النهارده

النهارده على الساعة 2ونص الظهر كدا ماشي في أمان الله بالعربية على سرعة 60-70ك تقريبا ورا العربيات عادي, لقيت مرة واحدة عربية قدامي كانت سايقها واحدة تيييييييييييييييييييت راحت كاسرة يمين جااامد مرة واحدة كدا بدون اشارات ولا حتى بدون ماتهدي ولا اي حاجة قومت دايس فرامل جامد وكسرت يمين على الآخر وكان بيني وبينها يجي 6 متر المهم ولا كأني دايس فرامل أصلا والعربية فضلت بردو مكانها (في نفس الإتجاه) بردو يعني مراحتش يمين زي منا عايز يجي حتة بسيطة كدا, المهم كل دا حصل ثواني كدا مرة واحدة وبدون أي مقدمات لقيت نفسي لا شعوريا دايس فرامل جامد وقومت بوووووووووووووم خابط فيها وصاحبي كان معايا,المهم أنا خبطها في الجنب اليمين كله وعربيتها كانت كيا بيكانتو تقريبا مش فاكر بصراحة المهم نزلت من العرية وقعدت ازعق معاها وكنت متغاظ أوي وهي قال ايه بتقولي انا كنت مديا اشارة يمين وكنت واقفة ومستنياك قولتلها والله العظيم ماحصل انتي حدفتي يمين مرة واحدة بدون اشارة ولا اي مقدمات وعلى فكرة كانت هتطلعني على الرصيف كمان والحمد لله ربنا ستر ومطلعتش على الرصيف كان زماني شلت الناس اللي واقفين عليه والله أعلم كان ايه اللي هيحصل ساعتها.(وعلى فكرة العربية اللي كانت سايقها كمان مش بتاعتها بدليل أنا قالت استنى بقى عشان أكلم صاحب العربية)

وشوية الناس بقى اتلمو وحكيت لهم اللي حصل المهم قام طالع واحد منهم وقال خلاص ياجماعة الحمد لله انها جات في العربيات ومجاتش فيكو وكل واحد يصلح الخبطة اللي عندي واتوكلو على اللع وحصل خير والكلمتين دول, ركبنا العربية أنا وصاحبي ومشينا.

المهم هي الإكصدام عندها اتخلع من مكانه يجي 3 أرباعه وفاضل حتة بسيطة ويقع والفانوس اليمين وقع خالص من مكانه والرفرف اتطبق حتة بسيطة.

وأنا الرفرف الشمال اتطبق جامد والبوية طلعت من مكانها الفانوس الشمال اتعوج سنة والباغة اللي تحتيه طالعة من مكانها خالص.

عموما انا صورت كام صورة كدا ياريت تشوفوهم وتقوليلي ايه العمل دلوقتي:









مش عارف بقى الرفرف هيترد على السخن وعلى البارد وهيترش الحتة دي ولا لازم يترش كله والباغة اللي تحت الفانوس دي لازم واحدة جديدة ولا ايه.

وحسبي الله ونعم الوكيل في سواقة الستات

قدر الله وما شاء فعل
ربنا يعوض عليك