الموضوع: استفسار هام لخبراء الفلوانس .. محتاج مساعدتكم

المشاركة الأصلية كتبت بواسطة ahmed a.maksoud

يا فندم الله يكرمك

بص هى كل المؤشرات لحد دلوقتي بتقول أن الفليونس ماسكة سعر عن الميجان اللى موجودة فى المثال اللى فوق...........بس أنا مكنتش حابب أني أقول كده......خلينا فى أسواء الفروض.

الفرق بين الأتنين هيكون حوالي 5000 جم فى سعر إعادة البيع بعد 6 سنين تقريباً......هل ال 5000 الزيادة يستاهلوا أنك تحرم نفسك من كماليات زيادة....ثبات أعلى....ركوبة أحسن ؟

دى حاجة ترجعلك.

و الفيس ليفت متعارف عليه فى كل الشركات......بس اعتقد بتاع الكورولا نزل خلاص.....بس الفليونس لسه طبعاً......لو عندك أمكانية تصبر أعتقد هيكون أفضل.....لأنك لو جبت الفئة اللى ب 150 دلوقتي.....بعد سنة هتجيب ما بين 120 ل 130 او 135 حسب الحالة.....بس مع نزول الشكل الجديد فى أحسن الأحوال هتجيب من 110 ل 120 بالكتير.....ممكن ساعتها تحس بالندم أنك أتسرعت.

اااااااه مشكلتك انك صريح بس فى الجووووون وما ينفعش اهرب من كلامك واوهم نفسى :(
طيب ماهو الكورولا فى شكل جديد فى 2014 وحتى الفلوانس برضة هينزل فى 2014

ممكن افهم من كلام حضرتك ودى الخلاصة انى لو هاجيب فلوانس يبقى انسى البيع بعد كام سنة تقريبا 5 علشان تحاول تعوض فرق اعادة البيع بينها وبين الكورولا .. ولو الخلاصة دى تمام يبقى رسالتك وصلت .. ولو لا يبقى مستنى جوابك :)

والف الف الف شكر بجد وجزاك الله كل خير :)

تحياتى لشخصكم الرائع :)

المشاركة الأصلية كتبت بواسطة ahmed a.maksoud

تمام كده.......الله ينور

و ممكن برضه تأخد بأقتراح المهندس فهمي أنك تشوف حاجة كسر زيرو.

تحياتي ليك يا باشا

يا باشا شاكر جدا لحضراتكم .. وبجد والله رجاله بما تعنية الكلمة ويااارب يجعله فى ميزان حسناتكم ان شاء الله .. شكرا شكرا لمجهودكم واهتمامكم ولردكم .. ربنا يجازيكم كل خير :)

تحياتى :)

المشاركة الأصلية كتبت بواسطة ahmed a.maksoud

مقارنة محيرة جداً و تخللى راس الواحد تلف بصراحة :)

بص أنا لو مكانك هستبعد السوبارو ل 3 أسباب هما التوكيل و قطع الغيار و سعر إعادة البيع.......مش لأن العربية وحشة خالص.

يبقى الإختيار بين الفليونس و الأسترا

خلينى أبص بصة كويسة على إمكانيات الأسترا و أرجعلك.




يا باشا أخجلتم تواضعنا.

يا باشا والله ما عارف اشكركم ازاى انتم عقولكم وتفكيركم ما شاء الله بجد رووعة .. بس هو ليه حضرتك بتقول كده على السوبارو رغم انها نفس اسعار قطع غيار كورولا ولانسر بل وفى حاجات فيها ارخص منهم الإثنين .. ودفع رباعى ويابانى .. وكمان كان فيه حاجه غريبة وانا فى التوكيل كان فيه حد بيبع لهم عربية موديل 2009 كان شريها ب 135000 وباعها لهم ب 90000 .. ايه رأى حضرتك غريبة صح ولا انا اللى فى حاجة مش فاهمها !!

وشكرا لجضرتك وتحياتى لشخصكم الكريم دائماً :)

المشاركة الأصلية كتبت بواسطة ahmed a.maksoud

صراحة أنا قريت فى أكتر موضوع أن قطع الغيار ملهاش حل غير التوكيل......و أسعاره عالية

مش عارف هل أنت تقصد أسعار التوكيل ولا فيه مصدر تاني بره التوكيل ممكن تجيب منه ؟

بالنسبة لموضوع بيع العربية للتوكيل.......عادة التوكيل بياخد العربية بسعر أقل من سعرها فى السوق بحوالي 5000 على الأقل علشان يكسب فيها.

أنا عارف أن سعر 2009 فى السوق بيعمل حوالي 80 85 الف.......كون أن التوكيل اشتراها منه ب 90 ده معناه غالباً أن حالة العربية شاذة.....ماشية كم قليل قوى مثلاً.

هو عموماً أسعارها فى المستعمل زى أسعار الميجان تقريباً.......بس القصة أن لحد دلوقتي الفليونس متفوقة عليهم فى الحتة دى شوية........الأمبريزا الجديدة لسه مش باين هتاخد طريق مين فيهم.

بس مما لا شك فيه أنها عربية هايلة.

بصراحة مقدرش أنكر ان الشكل الخارجى للإمبريزا عاجبنى جدااااا .. اما قطع الغيار فهى توكيل ومفيش غيره بس الأسعار عندة زى الكورولا وساعات زى اللانسر وساعات اقل منهم اللى اتنين حتى كان عندهم ورقة فيها مقارنة بين اسعار قطع الغيار وان شاء الله هجيبها وارفعها هنا فالمنتدى قريب ..

أما الفلوانس فبصراحة انا بدأت بشكل كبير اقتنع بيها من خلال كلامكم المقنع جدا .. وان شاء الله اقدر استقر عليها ..

والف الف الف الف الف شكر لحضرتك ويارب يجعله فى ميزان حسناتك .. وجزاك الله كل خير ..

تحياتى :)