الموضوع: استفسار هام لخبراء الفلوانس .. محتاج مساعدتكم

المشاركة الأصلية كتبت بواسطة karemof

السلام عليكم
أنا جايب 2013 و في أكثر من عضو تاني أستلمها قريب و مفيش فرق في الموتور عن اللي قبلها

اولا : شاكر لحضرتك على اهتمامك وردك .. جزاك الله كل خير ..

ثانيا : ممكن تكون هتنزل فى 2014 وده الموضوع اللى بيتكلم عنها :
http://www.nilemotors.net/Nile/316746-2013.html

ثالثا : ياريت حضرتك تحكى عن تجربتك معاها وهل تنصحنى بشرائها واى فئة افضل وهل فعلا فى فئة ب 167000 ولو فيه ايه الزيادة فيها وهل فعلا سعر اعادة البيع فى الضيااااع .

وشكرا جدا لحضرتك

عزيزى elsayed mohame

ايوة فعلاً فى فئة ب 167 الف و الزيادة اللى موجودة فيها عن الفئة اللى قبلها اللى هى اللى ب 150 التالى:

1-فيها 6 ايرباكس لاكن اللى ب 150 فيها 2 ايرباكس

2-فيها باركنج سينسور و الفئات اللى قبلها مفيش

3-المصابيح زينون و باقى الفئات مصابيح هالوجين

وبالنسبة انك محتار تجيب اية

انا كنت زيك محتار مابين عربيات كتير منا الكروز و المازدا و الكورولا و الهوندا و بعد بحث و دراسة قررت احجز الفلوانس :)

فانت دور و ابحث و شوف المناسب ليك و ان شاء الله توصل لقرار :)

تحياتى

الفيلوانس عربيه ممتازه بس منصحكش بيها لو حتبيع بعد 2 او3 سنين لان سعر اعاده البيع مش كويس ليس لعيب فيها و لكن لطبيعه السوق المصرى . و بالنسبه لفئه 167000 مش عارف لسه بتنزل و لا لأ و بتزيد عن اللى قبلها الزينون و air bags فقط على فكره الفئه اللى ب 150000 فيها parking sensor و فعلا حيتغير الشكل السنه اللى جايه .
حاليا ارشحلك الاسترا السيدان الجديده cosmo 168000 و فيها كل ماتتمناه و ربنا يوفقك فى الاختيار

المشاركة الأصلية كتبت بواسطة gladiator2012

عزيزى elsayed mohame

ايوة فعلاً فى فئة ب 167 الف و الزيادة اللى موجودة فيها عن الفئة اللى قبلها اللى هى اللى ب 150 التالى:

1-فيها 6 ايرباكس لاكن اللى ب 150 فيها 2 ايرباكس

2-فيها باركنج سينسور و الفئات اللى قبلها مفيش

3-المصابيح زينون و باقى الفئات مصابيح هالوجين

وبالنسبة انك محتار تجيب اية

انا كنت زيك محتار مابين عربيات كتير منا الكروز و المازدا و الكورولا و الهوندا و بعد بحث و دراسة قررت احجز الفلوانس :)

فانت دور و ابحث و شوف المناسب ليك و ان شاء الله توصل لقرار :)

تحياتى

أولا : جزاك الله كل خير وشكرا جزيلا على اهتمامك وردك .

ثانيا : مع الإثارة الشديدة فى كلامك " وبعد بحث ودراسة قررت .. " ايوه ايه الأسباب .. أو بناء على ايه ؟ قررت .. ياريت تقولى يمكن تزيد اقتناعى بالفلورانس ..

تحياتى لشخصك الكريم :)

المشاركة الأصلية كتبت بواسطة dozo

الفيلوانس عربيه ممتازه بس منصحكش بيها لو حتبيع بعد 2 او3 سنين لان سعر اعاده البيع مش كويس ليس لعيب فيها و لكن لطبيعه السوق المصرى . و بالنسبه لفئه 167000 مش عارف لسه بتنزل و لا لأ و بتزيد عن اللى قبلها الزينون و air bags فقط على فكره الفئه اللى ب 150000 فيها parking sensor و فعلا حيتغير الشكل السنه اللى جايه .
حاليا ارشحلك الاسترا السيدان الجديده cosmo 168000 و فيها كل ماتتمناه و ربنا يوفقك فى الاختيار

جزاك الله كل خير .. وشكرا جزيلا لحضرتك .. انا بالنسبة ليا استرا صعب اجيب منها غير الفئة الأولى اللى ب 155000 فلو دخلت فى مقارنة مع مثلا فلوانس 142000 أو حتى 150000 حضرتك ترشحلى ايه .. اما بيع الفلوانس انا بس القصة بالنسبة ليا مع انى شايف ان الشكل الحالى افضل من الجديد بس حاسس ان ده هيوقع الشكل الحالى فى اعادة البيع اكثر واكثر .. لكن الأهم هو هل حضرتك شايف انها عربية تستاهل ثمنها .. هل هى ثابته .. قطع غيارها .. بتصرف كتير ولا قليلة الأعطال .. دى أول عربية اشتريها خاصة بيا فعاوز حاجة تكون تستاهل فعلا .. وعلى فكرة فى الشهرين اللى فاتو انا شوفتها كتيير قوى مش عارف مجرد صدفة ولا بدأت تنتشر أكتر .. ياااارب ..


شكرا لحضرتك وتحياتى لشخصك الكريم :)

انا بدات ادور على مقارنات فى المنتديات عشان مفيش اكتر من الواحد يشوف خبرات اللى قبله
فقعدت اشوف مقارناتمابين مثلا الفلوانس و الكورولا , و مثلا الكورولا و الهوندا يعنى من الاخر اى مقارنه بتيجى على بالى بشوفها لغاية ماكتسبت خبرة شوية فى الفروق ما بين العربيات
انا فى الاول خالص كنت مقرر كورولا 2013 و بعدين حسيت ان الكورولا غالية على الامكانيات اللى فيها و قولت اشوف انواع تانى فقررت اروح لنفس البلد و هى اليابانى و عجبتنى المازدا نوعا ما بس المازدا مش موجودة فى مصر اصلا و شكلها مش اوى بس مش دة السبب اللى منعنى من شرائها لاكن كمان محدش بيفهم فيها كتير و اسعار قطع الغيار ناار
بعد كدة شوفت الهوندا بس لقيتها واطيه عن الارض و الناس مش بتشكر فيها قوى طبعا فى الاول و الاخر الدنيا ازواق و هتلاقى ناس بتشكر فى عربية بقوة و ناس تانى بتقول كلام عن نفس العربية و تحس انه بيتكلم عن عربية صنع مصرى :d

المهم انا بقى الرينو مكنتش فى دماغى خالص لغاية مشوفت الفلوانس على النت و عجبتنى جدا مبدئياُ من حيث التصميم الخارجى و الاوبشنز اللى فيها حاجة جميلةجداً
بعد معجبنى شكلها بدات ادور على الثبات و السيفتى و برضو المشاكل اللى بتحصل و لقيت فى كان مشكلة فى الفتيس بس حاليا حسب كلام ناس كتير تقريبا مختفيه و برضو حسب خبراتهم انها حسب استخدام الناس .
خلى بالك انا بقولك حسب خبراتهم عشان انا لسه مستلمتش العربية لغاية دلوقتى .
بس نيجى لنقطة التوكيل و قطع الغيار فانا دورت و شوفت اسعارهم حلوة و التوكيلات محترمه .

تعتبر العيب الوحيد اللى انا شايفه موضوع سعر اعادة البيع و دى مشكلة عشان ثقافة المجتمع المصرى اللى مش بيعترف غير بانواع معينه من العربيات و دة مش عيب بالنسبة ليا عشان انا معنديش نية البيع لفترة كبيرة مثلا 6 او 7 سنين .

بس يا سيدى فانت شوف انت عايز اية برضو و حط نقط معينه عشان تدور علىها فى العربية اللى عايز تجيبها و ابحث على النت و شوف كل الانواع و العربيات عشان يكون عندك خلفية كويسة و ان شاء الله تختار المناسب لييك :)

تحياتى ليك :)