ليييييييييييييييه كل ده هو انا هتجوز فاتن حماده
^_^
عرض للطباعة
ليييييييييييييييه كل ده هو انا هتجوز فاتن حماده
^_^
مسأله الجواز إتحولت لصفقه ماديه بالدرجه الأولى
من وجهة نظر البنت وأهلها إزاى تأمنى مستقبلك مع الزوج السعيد
بالشقه التمليك اللى فى مكان كويس
والعربيه اللى هتيجى على نفسها لو مش موديل السنه ماشى ممكن تكون موديل السنه اللى قبلها .
وطبعا الشبكه المحترمه اللى تليق بيها وبعيلتها وكمان مينفعش تكون أقل من أختها ولا صاحبتها ولا بنت خالتها وعمتها .
والفرح أكيد لازم يكون فى فندق 5 نجوم زى بعضه بلاش 7 تقدير لظروف الراجل وطبعا ماينفعش دار من دور القوات المسلحه ليه يا هانم علشان بقت بلدى وبيئه وبتلم .
وكمان إشتراك النادى علشان تقدر تريح أعصابها وتفطر الصبح مع الصديقات فى جزيرة الشاى .
ومن وجهه نظر الراجل طبعا لازم حضرتك تكون مجهز قائمه الطلبات الطويله دى وتعمل حسابك هتشتغل زى المكنه لأنك بعد دة كله مش هترتاح ؟ ليه بقى ؟
علشان لازم تحارب وتجتهد علشان تعيش البرنسيسه فى نفس المستوى اللى كانت عايشه فيه فى بيت عيلتها . ايوه انت فاكر بنات الناس لعبه .
طبعا دة نموذج للواقع المؤسف اللى عايشينه دلوقتى مع إختلاف المستوى المادى والإجتماعى للبنت من مكان إلى مكان .
لكن الصورة مش سودا قوى كدة أكيد فى ناس محترمين وبيحسبوها حسابات تانيه غير الماديه وأكيد فى بنات كويسه وشباب كو يسين .
لكن الموضوع بقى صعب جدا والشباب معزور من اللى بيشوفه وبيسمعه و الأهل كمان عند هم عذرهم .
لازم الجواز يكون مبنى على التكافئ الاحتماعى والعلمى والمادى ولازم نرجع الموضوع لأصله إن الزواج مودة ورحمه مش صفقه ماديه .
وهختم بحديثين لرسولنا الكريم صلى الله عليه وسلم
الأول : " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
الثانى : روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك".
وفق الله شبابنا وبناتنا لما فيه خيرهم جميعا بإذن الله وهداهم بفضله للزواج السليم .
تقبلوا تحياتى .
لايمكن يكون هناك اناس يؤمنون بالله واليوم الاخر يفكرون بهذه الطريقة ابدا؟ وهل ضمان هذه الاشياء ابتداء فى بداية الجواز يعنى بقاءها الى الابد ؟
هل ستبقى السيارة الزيرو اكثر من 10 سنوات على اكثر تقدير ؟
هل ستدوم الحياة جميلة وناعمة ولن يحتاج الانسان فى وقت صعب الى اقتراض مبلغ من المال او بيع الشبكة؟
وهل سيبقى الجمال والصحة لست الحسن والجمال اكثر من 10 الى 15 سنة على اكثر تقدير؟
وفى المجمل هل سيبقى الانسان على قيد الحياة اصلا لمدة كام عام وفى النهاية كل نفس ذائقة الموت وانما توفون اجوركم يوم القيامة
والله لو يعلم المقبلون على الزواج اين تكمن السعادة الحقيقية فى الزواج وانها ليست فى متاع زائل لا قيمة له فى العلاقات الانسانية ما فكروا بهذه الطريقة ابدا
اكبر عقاب لهؤلاء الذين يفكرون بهذه الطريقة ان يعيشوا حياتهم بهذه المعتقدات التافهة لينالوا جزاءهم فى الدنيا والاخرة
الجواز بقى صفقه وفصال كأنى حشترى تلاجه وانا لما حد بيبتدى يفاصلنى فى فلوس بقلب الموضوع على طول مش ناقصه وجع قلب زى كنت متقدم لواحده فجينا نتكلم على الشبكه قعد يحورلى بقى ويقولى ديه هديه ومش حنتكلم فيها قولتله انا بقى مقدرتى المبلغ ده قالى هما دول يجيبوا ايه دلوقتى نرفزنى فى الكلام قمت قلبتهم وش
ممكن انقل الموضوع ده مع حفظ الحقوق؟؟
بصراحة الجواز أصبح مشكلة لكل شاب فى مصر للأسف
إحنا هنشتري راجل
:)
معنديش أي مشكلة مع التشيبه اللي بيتقال
بس خلينا ننفذه صح
انت شاري ياعم الحج؟ أيوة؟ ادفع انت بقى
شخلل جيبك يا أستاذ وهات لبنتك كل اللي نفسها فيه
واياك واوعى تقول الحاجة غالية! هي هتغلى على بنتك برضه؟!
شقة وعربية وشبكة وفرح وعفش بالمواصفات التفصيل وكـــــــــــــل اللي نفسها فيه
هي هتتجوز كام مرة يا ناس بس!
ليه يا عم هو احنا كفـــــــــــــــــــــــ ـــــــــــــــــــار !
كلامك للاسف بيحصل. ونادر اوي لما تلاقي ناس بتشتري راجل بجد وبكل ما تحمله الكلمه من معنى
هو انا متفق معاااااك ان فى ناس بتعمل كده فعلا بس مش كلهم يعنى صحابى لما توكلو على الله كنت بجيبلهم الشبكه لا تتعدى 10 جنيه وفى والله كان اقل كتييييييييييييييير وشوفت كمان والد العروسه كان بيساعد الشاب وبيقوله انت زى ابنى والحاجه ديه ليكم انتم الاتنين وفى ناس بنت ...............ههههههههههههههه
غير الى حضرتك قولته يقولولك كل سنه تصيف فى شرم او الغردقه على اساس انها متجوزه حرامى
غير كده وكده الدهب غلى دلوقتى ووصل 290 جنيه وفى عائلات تقولك مش بالفلوس لا بالجرام ههههههههههههههه يعنى ياخراب بيتك ياعبد المعطى ممكن تقولك 100 جرام وممكن ازيد وتحياتى ليييييك