وأنت كملت الجوازة على كده بعد الكلام ده يا باشا؟؟؟؟؟ :wound09:
عرض للطباعة
مش بقول عيب انها تبقى ناجحة
بس هل تتوقع ان بنت تتنازل وترتبط بواحد مرتبه اقل منها ..؟؟؟؟؟؟
هتفضل تدور على احسن واحد طول عمرها لحد ما قطر الجواز يختفى فجأه وهى لسه مفاقتش من احلامها
البنات فى مصر أغلبهم بيبص لفوق اوووى وفاكرين الشباب تجار مخدرات مثلا
وعلى ايه يعنى مش عارف
اخلاق طين الطين و مفيش ادب فى التعامل مع الناس وحاجة تقرف ! ,, دا انا شفت بلاوى فى الكلية وفى الشغل كلاكيع وعقد متلتله
جبيب قلبي ..... المصيبة السودة انها بتبقى عادية جدا و اهلها عاديين جدا و زيك و زي اهلك و ساكنين في مكان عادي و عفشهم و عربيتهم عادي و كل حاجة عادي و عايزة تتعامل معاملة الاميرة كيت ميدلتون !!!
ابويا كان عايزني اتجوز بنت صاحبه المليونير اللي عربية E Class بسواق بتوديها و تجيبها قلت له و لا هافكر اعتب بيتهم
بس ما ينفعش ابقى ابويا موظف و امي موظفة و راكبين لانسر و اروح لواحدة ابوها موظف و امها ست بيت و نفس المستوى تقريبا و يطلبوا حاجات هبلة زي اللي مكتوبة في الموضوع
تصدق بالله ياحمد باشا
انا بنت معاى فى الكليه رحنا فرح اختها
كان معمول فى moevenpick و 2 مغنيين وباند و قاعه متشفش آخرها والله اكبر قاعه شفتها فى حياتى تقريبا
و جالها شبكة الماس و شقتها تقريبا على ما اتذكر قالت انها مش عارف 270 ولا 350 متر فى 6 اكتوبر
بتقول انها لازم تبقى مش اقل من اختها
طب دا الى هيتقدم ليها دا هيبعمل ايه
دا الفرح لوحده مش اقل من 80 الف جنية
والشقه 750 الف لو على الطوب !
يعنى شاب مين دا الى هيبجيب الاماكنيات دى
وفوق كل دا مش هتاخد البنت الفظيعه يعنى
هتلاقيها فيها بلاوى برده لاننا مش ملايكة ,, فليه نطلب طلبات الشيطاين نفسهم ميعرفوش يعملوها!!!!!
ده بيسموه raising the bar
عشان بنت في العيلة اتجوزت جوازة من مستوى معين
يبقى خلاص كل البنات التانية لازم مش اقل من كده
عشان الغل و النفسنة (حتى بين الاخوات و بعض) و المعايرة و التنطيط
ما افتكرش انك ممكن تنفسن على صاحبك او اخوك لو اشتغل في شغلانة احسن منك او مرتبه اعلى منك
او تقول اما اتخرج مش هاشتغل في اقل من كده
بس للاسف البنات كده
و خليها بقى تقعد تستنى ........ يا ربنا يرزقها باللي معاه شوال فلوس و جاي يشيل البضاعة (و هي اللي خلت نفسها بضاعة و خلت الموضوع اهم ما فيه ان الماديات ما تقلش عن كذا بغض النظر عن الشخص) ......... يا اما تعنس .......... يا اما طموحاتها بعد كام سنة تتحطم على صخرة الواقع و ساعتها تقبل بأي شخصية تقابلها و خلاص و ترجع بعد الجواز تطلع تربنتين اهله لانها مش طايقاه اساسا و متجوزاه و هي عاصرة على روحها لمونة ..........