مهنتوش عليا اسيبكم لوحيدكم ياحبايبي ياحلوييييييييييييييين
عرض للطباعة
اقولكم على خبر لسه عارفه من نص ساعه
ابن عمى اللى ما اتجوزشى كان راح و زار عروسه تبقى اخت واحد صاحبه
و كانت الزياره التانيه من اهل العروسه امبارح باليل فى بيت عمى
المهم ان العماره تبقى بتاعت عمى و هو كان بيبنى دورين منهم ددور حيبقى شقه ابن عمى اللى حيتجوز فيها و هى دلوقتى خرسانه من غير طوب
فالظاهر هما كانو بيفرجو اهل العروسه على الشقه حتبقى ازاى و كده - و هما طالعين ابو العروسه اتكعبل و لا داخ المهم وقع من الدور الخامس على الارض
وجاله نزيف فى المخ و لا حاجه زى كده دلوقتى
و دلوقتى عمى فى النيابه بيستجوبوه لحسن تكون فى شبهه جنائيه
سبحان الموضوع كان بادى بجوازه - و ربنا يستر و مايقلبشى بجنازه
قطع الجواز على سنينه على اللى عاوزين يتجوزو
عمى بخير و طلع من النيابه
لأن "ام العروسه" قالت ان الراجل اصلا طلع بيشوف بعين واحده و عنده عين مابيشوفشى بيها
فلما طلعو فوق السطوح كان عاوز يسند على السور - المشكله ان مافيش سور اصلا !!!!
وهو ماشفهوش علشان عينه الواحده دى
و الراجل لغاية دلوقتى فى الانعاش و ربنا يستر
بس بصراحه كل لما افتكر الموضوع بتجيلى كريزة دحك معرفشى ليه رغم ان الموضوع مإسوى