لو انا مكانك كنت عملتها في انضف سمكري و بتاع دوكو في مصر بعيد عن التوكيل و انا واثق هتطلع احسن
لو انا مكانك كنت عملتها في انضف سمكري و بتاع دوكو في مصر بعيد عن التوكيل و انا واثق هتطلع احسن
اقتباس:
المشاركة الأصلية كتبت بواسطة fbiahmed
من المشاركات دى وامشاركات تانية واضح ان شغل السمكرة فى اى توكيل مبيكونش على مستوى الجودة المطلوبة. وبالتالى ذى ماحمد بيقول اعملها برة احسن وريح دماغك.
اقتباس:
المشاركة الأصلية كتبت بواسطة fbiahmed
طب ما تقولونا يا جماعة عن احسن سمكري وبتاع دوكو في مصر لو حد يعرف حد بعينة كويس وأمين وشغلة ميخرش المية
روح لورشه كريم منير
((نايل موتورز)) على الاقل هتتعامل مع واحد بيخاف ربنا وفاهم كويس وهيدلك على الصح .
طبعا الكلام ده لو حصل معاك واكيد .. يبقا فى تقصير من اوتو .. وحوصل الموضوع للادارة باذن الله عشان يتابعوه .. ومشاكلك تتحل على خير
===
بتفق مع كلام دكتور يوسف وبيشوى فى ان التوكيلات عموما مفيش حد فيهم بيصلح .. والاغلب انهم بيغيروا بجديد على طول
اضافة الى ان الصناعية بره التوكيل شاطرين فى موضوع السمكرة .. وان كان ينقصهم الالات اللى يستغلوا بيها ومع ذلك بيعملوا شغل ممتاز .. لان التوكيل لما بيجيب صنايعى فى السمكرة والدهان مش بيكون دارس زى الفنى او المهندس فى الميكانيكا او الكهرباء .. ودى بتيجى مع الخبرة
وبخصوص كلام الناس المناقض من الاعضاء المتعاطفين .. واحنا كمان منهم .. لانى متعاطف مع صاحب الموضوع .. لان كلامى مش دفاع عن حد .. ومش تشهير لحد على حساب حد .. ان مش مشكلة او اتنين حنحكم حكم كلى على توكيل نيسان عموما .. ومش مشكلة فى عربيتى يبقا اخد انطباع سيئ والا مكنش حد عمل خدمة ما بعد البيع .. والكل بيخطئ .. واكبر التوكيلات العالمية بتخطئ
وبشهادة احد الاعضاء فى هذا الموضوع بالمعاملة مع توكيلات اخرى منافسة .. قال ان ممكن كنت ضربتهم لو بتتعامل معاهم
اما مراكز خدمة نيسان فى اغلب المشاكل الميكانيكية بيحلوها .. ولو عجزوا فى اول مرة بيحاولوا اكثر من مرة لغاية ما بيجدوا الحل .. وعمرهم ما بيتعاملوا مع العملاء بقلة ادب .. مع ان فى عملاء ومش كلهم بيكونوا مستفزين والمهندس بيكلمهم بزوق .. وهما يردوا باسلوب خارج .. وحصل ده امام عينى فى احد مراكز الخدمة .. والله مهندس قدامى ومركز اتشتم عشان مش فاهم ان عربيته فيها من ناحية الاكصدام خبطة خفيفة بسببه ممكن تأدى الى تاشير باقى الاكصدام من اى مياه تيجى عليها .. وبصراحة كان كلامهم صحيح .. لان عربيتى فيها نفس الحالة .. وعشان اهمالى فى عدم رش الجزء اللى فيه الحكة .. فكل ما اغسل العربية المكان ده يقشر
المهم فى النهاية كل ده مش يعفى من الخطا اللى حصل مع صاحب الموضوع .. انا كلامى كان عام .. للاعضاء اللى بتحكى ..
واحنا فى عالم الانترنت وفى المنتدى عالم افتراضى .. لكن فى قسم نيسان مش عالم افتراضى .. بسبب
طالما بيتحل مشاكل اعضاء فى قسم نيسان .. وطالما بنجيب عروض وخصومات .. وطالما بنساعد فى تلافى سلبيات مراكز الخدمة .. وبنساعدهم على التطوير وحل المشاكل ومساندتهم لصالح العملاء والاعضاء عندنا
اعتقد ان كدا قسم نيسان مش خيالى او افتراضى .. واصبح القسم واعضاء عليهم مسئولية تجاه بعضنا البعض
وتجاه مراكز الخدمة من اجل تطوير هذه المراكز لصالحنا
ومش موضوع او عشرة .. حيخلى الناس مش تروح تعمل صيانة .. اخد الحق حرفنة
وانا لو مكانك .. وطالما معايا حق .. بمنتهى العقل طالما الحق معايا .. وفيه مهندسين فى المركز اقرو ان كان ليك حق .. يبقا اطلب اقابل المسئول عن المركز .. عشان تتحل مشكلتى .. لان لو مش اتحلت .. وليك حق
تقدر تقدم شكوى فى نيسان او تروح حماية المستهلك
والموضوع اخد بيه علم العضو المنتدب لشركة اوتو ايجيبت .. وبكل الملاحظات والسلبيات سواء معاك او مع غيرك .. وباذن الله حيكلموك قريب
وان شاء الله تتحل مشكلتك على خير .. وباذن الله اوتو ايجيبت يتلافى كل السلبيات .. خصوصا انه لسه لم يتم افتتاحه رسميا الى الان .. والافتتتاح الرسمى فى اول يناير باذن الله .. يكون وضع ايده على المميزات اللى عنده ويطورها ويزودها .. والسلبيات يتلافها ويحد منها .. ومع ذلك ياما حنشوف حتى لو عندهم مميزات وخبرة سنين اكيد وارد ان حيكون فيه حد من العملاء مش راضى .. لان مفيش حاجة كاملة .. المهم انهم زى ما قولت .. يدركوا الخطا اللى وقعوا فيه .. ومحدش يكابر .. ويعلموا لصالح العميل دايما
تحياتى ليك .. وان شاء الله نطمن عليك
مشكورا أ/ أحمد على مجهودك و توصيلك مشاكل الأعضاء لأصحاب القرار وده مش جديد عليك بارك الله فيك وجزاك الله خيرا عنا :018a1d~146:اقتباس:
المشاركة الأصلية كتبت بواسطة ahmed.tv
ا.احمداقتباس:
المشاركة الأصلية كتبت بواسطة Ahmed.TV
مش عارف هتتقبل كلامي ولا لأ لكني هكون صريح معاك شويه .
مش عارف ليه بحس من كلامك ((على مدار متابعتي لردودك المختلفه)) ان احنا كشعب مصري مش قادرين نتعامل بحياديه ونتقبل الراي والراي الاخر . دايما بنتحزب ضد بعض . بدايه من مصري واجنبي - شرقاوي ومنوفي - مسلم ومسيحي - اهلاوي وزمالكاوي - فودافون ولا موبينيل - لحد نوع العربيه . اللي مالك عربيه من هوندا بتشعر لما تناقشه ان هوندا احد قرايبه . حضرتك واخد الموضوع جد زياده عن اللازم (( انا اسف بجد متزعلش مني)) الحكايه وجهات نظر وفي الاخر فيه عيوب ومزايا في كل حاجه حوالينا , وارد ان يطلع عيب في احد مراكز الخدمه مش لازم نطلع ونقول لا مستحيل اكيد فيه غلط ونحاول نوصل احساس للناس ان التوكيل مافيهوش هفوه لان احنا كلنا مصريين وعارفين مستوى ومفهوم خدمه مابعد البيع في مصر .
احنا بجد مجتمعين علشان نوصل لبعض نتائج خبراتنا بحياديه انت تقولي عجبك كذا وقابلت موقف كذا وحليته بالطريقه الفلانيه وانا اقولك قابلت كذا ومعجبنيش كذا , وطالما انا وانت بنقيم سلعه المفروض مانختلفش ونطلع في النهايه بثمره التجربه المشتركه , مش يتحول الموضوع لدفاع مستميت عن منتج لدرجه التدليس (( ارجوك ارجوك ماتزعلش مني )) وانا ما اقصدكش بالكلمه الاخيره لكن فعلا فيه اعضاء بيحصل لهم تدليس من تصوير الموضوع بصوره ورديه زياده عن اللازم .
احنا فعلا في عالم افتراضي والعالم ده بينتهي بمجرد ما نتقابل . يعني سيادتك منسق قسم وشخص اخر مشرف بس لما نتقابل في الشارع بنبقى كلنا واحد وبتزول ابعاد العالم اللي عايشين فيه وساعتها بتبقى قوانينه وبروتوكولاته وحتى مشاكله في طي النسيان . وعلشان كده الموضوع لا يستدعي الاختلاف والدفاع المستميت والشد والجذب لان في النهايه كل ده هيختفي بمجرد ما تعمل Shut Down .
بجد انا مش عايزك انت او اي شخص تاني يزعل وياخد الامور بحساسيه , انا فعلا بستفيد وبحب افيد وكنت بشارك في المنتديات من حوالي 10 سنين وكنت في مجلس اداره منتدى الدي في دي العربي ((اكبر منتدى على الانترنت)) , وبتمنى ان احنا كشعب ننمى ثقافه الاختلاف والنقاش بحياديه ونبذ التعصب والتحزب وخصوصا لو كانت اركانه وهميه هتزول بمجرد ما تغير عربيتك :36_3_10[1]:
تقبل تحياتي .
مفيش زعل ولا حاجة .. من حقك زى ما من حقى انك تتكلم بمنطلق الحرية وتعبر عن رائيك طالما الحمد لله بنوصل راينا لبعض وللجميع بمنتهى الرقى
طيب فى حد اتكلم على مركز خدمة قبل كدا وقال انه غير حاجات فيه فى الضمان بعد انتهائه بسنتين فوق ال3 سنين !! .. فى حد اتكلم على ان مركز خدمة حل مشكلة كانت مجننة العميل ومش عارف يحلها بعد ما لف السبع دوخات .. كل ده شوفته بعينى وحصل مع عملاء سمعت منهم .. بس للاسف مش حكوا واتكلموا وكتبوا الكلام ده على النت ..فيعنى زى ما فيه مميزات فيه عيوب .. ومش معنى ان فيه عيوب اننا نسكت
لو حضرتك تلاحظ .. فى كلامى السابق انى متعاطف مع صاحب الموضوع .. مش المفروض ادخل انا كمان وكل الناس فى مصر اننا ندخل ندبح اللى غلطان .. وندخل نغلط .. او ندبح .. اللبلد نفسها بحكومتها ورائيسها فى عندهم اخطاء ..وبنعرفهم الخطا وبنقولهم انتوا غلطانين فى ايه .. وفى نفس الوقت بنوجهم ولازم ناخد بايدهم عشان يقدروا يطورا اذا كانوا لسه جداد فى الموضوع ده .. والحمد لله ده بنقوله فى كلامنا دايما وبنقول احنا متعاطفين مع مشكلتك .. وان فى خطا .. وبنوصل المشكلة على قد ما بنقدر من قدراتنا الى المكان اللى حصل عنده الخطا
سواء من مركز خدمة او توكيل .. والحمد لله اللى بيلاحظ الموضوع ده الاعضاء اللى فى القسم والاعضاء الدائمين لقراءة موضوعاته باستمرار .. والاعضاء اللى بتشوفنا وبتجتمع معانا فى الاجتماعات اللى بنتناقش فيها مع مراكز الخدمة او التوكيل نفسه
وكمان يشهد على كلامى اعضاء مثل حسين جمال وبيشوى ويوسف وغيرهم كتير اللى عارفين وشافوا نسخ من الايمالات اللى ببعتها دايما الى مراكز الخدمة لحل شكوى العملاء وكمان الى التوكيل اذا مركز الخدمة مستجبش للحل
غير ان الاعضاء هنا على علم ان كل فترة بنجمع سلبيات ومشاكل القسم فى صورة اقتراحات للتطوير والتحويل من سلبيات التوكيل او مركز الخدمة الى ايجابيات .. بالاضافة الى اقتراحات افكار .. احيانا بيقبلها توكيل نيسان ومراكز خدمته اذا لاقت الاعجاب
وبصراحة نجن كملاك لنيسان وليس متحيزين .. لاننا بنتعامل مع التوكيلات دايما وعلى اتصال ساخن معاهم باستمرار .. وجدنا اننا فى نعمة ومع وكيل محترم ومراكز خدمة محترمة .. لان مفيش وكيل او مركز خدمة فى اى براند سيارات اخرى منافس بيعمل كدا مع عملائه .. فعشان كدا بنوصل المعلومة والمشاكل دايما باسلوب بناء لحل المشكلة بهدوء وثانيا للتطوير من اجل مركز الخدمة
لاننا مش حنكتفى بدورنا على اساس اننا كملاك فقط .. وبعدين مش بيعطى اى تحيز .. لان الحمد لله النظام ده ناحج .. ونجحنا بيه .. وليس لنا علاقة باى منتدى اخر .. ومش حقول اننا ليس لانها علاقة باقسام اخرى فىا لمنتدى .. لاننا نتبع كيان واحد بفكر واحد .. لكن اجتهدنا فى قسمنا اكثر من الاقسام الاخرى مش فى التنسيق فقط .. ولكن فى توصيل صوتنا والاخذ بيه .. وهو ده الاهم .. ان تخلى القسم واعضائه لهم دور مع التوكيل ومراكز الخدمة .. وتقدر تلفت نظر التوكيل ومراكز خدمته لقراءة الموضوعات .. والاستجابة لمطابلنا قدر المستطاع
فى موضوعات كثيرة فى القسم كانت من اجل المواجهة ومعاجلة الاخطاء .. وحضراتكم تقدروا تدخلوا وتبحروا فى مكتبة القسم حتلاقوا موضوعات كثيرة من عمل جاد وتحركات خارج القسم على مدار 3 سنين شغل فعلى مع التوكيلات والاعضاء بتثبت كلامنا
واعتقد الاعضاء فى اخر زيارة لينا لمصنع نيسان فى 6 اكتوبر لمسوا اهتمام التوكيل بعملائه وبالاخص اعضاء قسم نيسان
غير الاعضاء اللى تم حل مشاكلها بفضل الله وبفضل نايل موتورز وبفضل الادرات الوعية اللى بنتعامل معاها
ومع ذلك قولت فى كلامى ان فى خطا .. بس مش معنى الخطا يبقا عام وحكم كلى .. المهم حنتعامل معاه ازاى
لان زى ما وضحت القسم غير اى منتدى اخر على الانترنت .. لان بيوصل وبيحقق خدمات فعلية على ارض الواقع للاعضاء
واعتقد كثير من ملاك نيسان واعضائهفى القسم بتعمل على قلب واحد ..ويهمها القسم واعضائه .. لان دول اللى فى وشنا مش اى مركز خدمة او توكيل
وفى النهاية .. مش عيب انى اخد الموضوع بحساسية لمصلحة الاعضاء وحل مشاكلهم وكمان لتطوير وتحويل اى سلبية فى اى مكان يهمنا الى ايجابية .. طالما فى النهاية .. حناخد دعوة كريمة تنفعنا فى النهاية .. لان ده بالنسبالى متعة
المتعة الحقيقة انك تحل مشاكل الناس سواء على الانترنت او فى الخارج
والموضوع خارج الانرنت طلعنا منه بصداقات الاعضاء والمهندسين وبخيرات كثيرة مالهاش علاقة بمنسق او بصفة داخل الموقع
وكل الصفات الادارية فى الموقع ليس اكتر من انها لتحديد مهام تطوعية للعمل على الرقى بالموقع وتنسيق موضوعاته .. وده كنت بعمله قبل ما ينزلى لقب من اول ما اشتريت سيارة نيسان ومن قبل ما اعمل علاقات مع احد فى التوكيل .. لحبى لهذا المكان .. وعشان اسد الدين اللى فى رقبتى له ولاعضائه .. الى الحمد لله .. اعضاء القسم موجودين وياكدوا كلامى .. ويقولولك احنا وصلنا الى ايه الان
وزى ما قولت لحضرتك الموضوع ابسط من كل ده .. لان فيه متعة .. بس حضرتك من وجهة نظرك شايفها تعصب وحساسية منى انى اهتم بحل المشاكل سواء الاعضاء او التوكيل فدى حاجة ترجعلك .. وعذرك فيها .. لان الموضوع جديد .. ولا يتقبله غير الشخص المالك للسيارة اللى تعامل معنا ولمس اللى بنعمله على ارض الواقع .. وشاف فى عنينا الحب له .. وعمرنا ما نتعصب ونمسك شوم عشان متعصبين لسياراتنا .. لان فى الاخر صاج
اسف على الاطالة
تحياتى بيك واهلا بيك
أ.احمداقتباس:
المشاركة الأصلية كتبت بواسطة Ahmed.TV
كل كلامك على عيني وراسي بس الجزئيه اللي انا اقتبستها حضرتك فهمتها غلط . انا مش بقولك كلامي علشان شايفك مهتم بمشاكل الاعضاء بالعكس ده شئ يستحق الشكر والتقدير . بس كلامي كان لان حضرتك بتسبق بالدفاع عن مركز الخدمه او بتلتمس له عذر .
عموما الموضوع مش جديد ولا حاجه و وكل المنتديات هدفها الاساسي الخدمه وتبادل الخبرات واي شخص مالك لسياره نيسان هيكون سعيد بوجود وباللي بتقدمه وده طبعا كرم اخلاق ومجهود ربنا يكرمك عليه باذن الله , لكن ارجع واقولك عتابي عليك هو انك واخد جانب اكتر ناحيه مركز الخدمه ...:E_braces[1]:
تقبل كلامي ووافر تحياتي
اخوك
د.احمد
انا ردودى مش خبرة منتديات .. انا ردودى من خبرة احتكاك مع الاعضاء ومع مراكز الخدمة
وحضرتك مش بتقلب فى موضوعات القسم ومش متواجد فى قسم نيسان ومحتك مع الاعضاء ومع المواضعات ومشاكلهم وحلولها ومع مراكز الخدمة لان مش مالك ومش متعامل مع نيسان ومراكز الخدمة
وبعدين احنا فى بداية كلامنا نصحنا من ناحية النصيحة .. سواء انا والاعضاء .. وقولنا ان السمكرة فى التوكيلات مش بتم كما يجب .. وفى التوكيل دايما بيفكوا ويركبوا جديد ..
وقولنا بردوا اننا متعاطفين معاه .. والدليل انى بنفسى بلغت مركز الخدمة وبالمشكلة وبلغت خدمة العملاء .. وكمان وصلت الموضوع للعضو المنتدب عشان يقراه .. عشان يشوف ايه المشكلة اللى عندهم لو فى مشكلة فعلا عشان تتحل لصالح العميل
حضرتك مش عايز تقراء الكلام ده اللى قولته .. وحضرتك حاطط فى دماغك وجهة نظر .. يبقا دى حاجة ترجعلك .. لكن معلش .. هنا لازم اقف واقول لحضرتك كلامك لى مش صحيح .. ووجهة نظر مقبلهاش
واحنا بنسمع المشكلة .. وبنسال ورا العضو وبنشوف المشكلة فين .. لان كان في موضوعات كتير فى القسم الاعضاء اتعاطفوا ورا صاحب المشكلة .. وطلع فى الاخر الغلط عنده ..
مثل
واحد اتهم مركز خدمة اخر غير اوتو .. وكان له مشكلة .. وبردوا ردينا بهدوء .. وطلع المشكلة كانت عند صاحب الموضوع مش عند المركز .. والموضوع عمل مشاهدة كبيرة .. وفى الاخر الغلط كان عند العميل
ولما اتعمل تكذيب وتصحيح للمشكلة .. محدش دخل قرا الموضوع اللى صاحبه وجه فيه شكر للمركز
لاننا شعب بيحب يتعاطف وخلاص من غير ما يتاكد من الاسباب .. وبيحب يشمر ايده وخلاص !!
http://www.nilemotors.net/Nile/302859-a.html
وده موضوع اخر .. كان فيه سوء تفاهم ووضحنا فى مشاركة رقم 12
http://www.nilemotors.net/Nile/314076-a.html
احنا بنقرا الموضوعات .. وبنحكم بالعقل .. لان الطرف الاخر مش موجود .. لاننا فى قسم نيسان نختلف عن اى منتدى حضرتك اتعاملت معاه .. لاننا بنقدم خدمة جيدة وحقيقة .. مش عندنا تصفية حسابات مع حد
وصاحب المشكلة نفسه ممكن يكون عمل شكوى فى نيسان او حماية المستهلك .. لكن هنا لما يقدم شكوته .. بنساعده اسرع من اى مكان .. والدليل الاعضاء كلهم موجودين
وحتى محمد عفيفى .. صاحب التيدا بعضوية باسم togo كان له مشكلة .. وحاولنا نساعده بقدر الامكان
واعضاء كثيرين كان لهم مشكلة .. والحاجات اللى عندهم من مشاكل خارج الضمان .. ومركز الخدمة اتحملنا عليه عشان يدخلها ضمان .. وبالفعل عمل كدا .. عشان يرضى الاعضاء وعملائه .. مع انهم مش عملاء عنده باستمرار .. لان فى عملاء بيعملوا صيانة مرة فى اوتو ومرة فى مودرن ومرة فى السبع .. واى مركز لما بيتحامل على نفسه .. لصالح عميله اللى مستمر معاه .. وكان من ضمن الاعضاء دول احمد اف بى اى .. ومحمد حسين .. وحسين جمال .. واعضاء كثيرين .. فاى مركز خدمة زى ما لهم عيوب لهم مميزات .. ومش معقول ناخد مميزاتهم وندبحهم لما يكون عندهم عيوب .. وخصوصا ان كل مراكز خدمة نيسان .. بتعتبرنا جزء منهم .. فلازم نساعدهم فى تلافى العيوب .. ونساعدهم على التطوير
فا احنا بنهدى صاحب المشكلة .. عشان نفهمه ان زى ما فى حاجات مش كويسة .. بيكون فى حاجات كويسة .. ومش معنى اللى حصل معاك .. بيحصل مع كل العملاء .. وبنوضحه له ولكل اعضاء نيسان اللى يهمونا
وبرغم اننا بنهديه .. لكن قولنا ان فى مشاكل .. وقولنا اننا بنحاول على تطويرها
وصاحب الموضوع والمشكلة .. يهمنى شخصيا فى المقام الاول .. ويهم قسمنا نيسان ويهم منتدانا .. اللى اصبح بيحل مشاكل اعضاء وبتهمه فى المقام الاول .. لاننا بنسعى على رضا الاعضاء .. وشم بناخد مصلحة لسمح الله من مكان عشان ندافع عنه
فكل الكلام اعتقد انى وضحته فى كل مشاركاتى بالنسبة لحضرتك .. ومعنديش حاجة تانية اوضحها .. واسيب الاعضاء هما اللى يوضحوا .. اسلوبنا وخدماتنا وطريقة تعاملنا بتكون ازاى معاهم .. وفى قسم نيسان .. ودافعنا الاساسى بيكون لصالح مين
اما صاحب الموضوع .. قريب باذن الله .. تتحل مشكلته على خير باذن الله ..
تحياتى للجميع