السلام عليكم ورحمة الله وبركاته
دي بعض المعلومات الى أعرفها عنها
3008 تعتبر من السيارات الكروس أوفر و ليست سيدان
جودة تقفيل و خامات لا يعلى عليها
مساحتها من الداخل واسعه و تلبى احتياجات أى أسره (أوسع من الأوكتافيا)
عربية عالية عن الأرض و دى نقطه مهمه جداً فى بلدنا
الى أعرفه أنها أفضل فى السحب و التجميع من سيارات كتير مثل الأوكتافيا على سبيل المثال من نفس فئة 1600 سي سي
العربيه ثباتها على سرعه 140 فوق الممتاز (لحجمها و لكونها هاتشباك طبعاً و أرتفاعها المناسب)
و تقريبا كعيب فى معظم البيجو ,, السحب بيقل بشكل ملحوظ مع التكييف
مشهوره بقوة فراملها بشكل ملحوظ
فى المطبات ممتازه و ناعمه جداً
أما عزل الصوت فصوتها عالى نوعاً ما و ممكن ده يرجع للتيربو
من ناحية سؤالك أكيد التيربو بيفرق شوية فى البنزين و أعتقد بنزينها 95
بالنسبة لأسعار الصيانه فهى عاديه يعنى تعتبر من الفئات المتوسطه فى السيارات الأوربيه
يعنى بالتأكيد أأقل من الألمانى (بي أم - فولكس فاجن - مرسيدس - أودى)
موضوع الأمبير ده مش عارف سبب معين
بس عربيتى 408 و برضو أخر العداد 220
دى المعلومات الى أعرفها
المفضلات