قررت الانضمام لعائله الاسد و ارجو المساعده

**MSL** · 13-11-2012 02:58 PM

المشاركة الأصلية كتبت بواسطة ahmed_adham

حد عنده جدول صيانات البيجو يا جماعه؟ أعتقد ده هيكون من عوامل اتخاذ القرار برضه عشان أنا شاكك بصراحه فى كلام الأخ enas007 ان صيانه ال 10 تلاف ب 800 جنيه مع انها بتبقى تغيير زيت وفلتر زيت وبس ف 800 جنيه كتير جدا.

صيانة ال 10,000
حوالى 650 جنيه

390 جنيه الزيت تقريباً
90 الفلتر تقريباً
150 مصنعيه تقريباً

دي تقسيمة من عندي للأسعار و لكن فى التوكيل قالى أعمل حسابك من 600 الى 700

**ehab78** · 13-11-2012 05:03 PM

المشاركة الأصلية كتبت بواسطة mtak

الاخوة الاعزاء

بمشيئه الله استقريت بعد عناء من التفكير انى انضم الى عائله البيجو

انا معى تيدا و كنت عاوز اركب حاجه عاليه شويه ففكرت فى القاشقاى و السبورتاج و صرفت نظر عنهم

بعد الاوفربرايس الذى ارفضه تماما كما ان الكيا حاسس انها غاليه على الفاضى

نقلت العطا على سيدان و خلاص , قولت اركب استرا او الفورد الفوكس الجديده - بصراحه تحفه-

لى صديق اشار على طالما ناوى ادخل فى هذا الرينج من السيارات فليه لا انظر على البيجو 3008

و فعلا اتفرجت عليها على النت و رحت شوفتها فى معرض و احسست بعدها انى راكب 127

بصراحه تحفه و فخامه و تابلوه غير عادى و حجم يضاهى الكيا و القاشقاى

فقولت اخذ رأى اخوانى فى قسم البيجو و كمان اسئل كام سؤال لم افهمه عندما شاهدت السياره
--------------

معلوماتى عن السيارة انها تربو 156 حصان و استغربت لما لقيت العداد اخره 210 و rpm مقفول على 5

انا طبعا عارف انى مش هاجيب حتى 200 بس مستغرب ان معظم عربيات اليومين دوول عدادهم 240 و كمان 260 فأنا مش فاهم بصراحه ليه كده

كمان حكايه التربو دى هل هاتفرق فى استهلاك البنزين

كمان سمعت ان صيانات البيجو غاليه و كمان العربيه حساسه لاى شئ

فما رأيكم ادام الله فضلكم

بسم الله الرحمن الرحيم
ازي حضرتك ياباشمهندس00يارب تكون في اتم الصحة وبخير دايما
كنت عاوز اسأل حضرتك00هوانت هتبيع التيدا ولا ايه؟؟؟؟
هو حصل فيها حاجة زعلتك لا قدر الله؟؟؟ ولا لمجرد التغيير؟؟
أصل بصراحة مواضيعك القديمة التفصيلية كانت من اهم الاسباب اللي خليتني مقتنع بالتيدا وربنا كرمني بيها الحمد لله00
ياريت تطمنا عليك وعليها
تحياتي لسيادتك
اخوك000ايهاب محمد
اخصائي طب وجراحة العيون

**Formulator** · 13-11-2012 05:26 PM

الفوكاس برضه -المفروض 95
لكن الـ3008 (وأى موتور تربو فـ الجديد) أساسى 95

بالنسبة لجزئية العداد (انه 210 كم/س):
- الموتور ده prince 1.6 THP بيجيب 220+ فـ الـ308 تربو (ده عـ الورق)
فـ الـreal-life ممكن تكسر الـ230 كم/س!!

لكن الـ3008:
- أثقل وزن
- أعلى عن الأرض (كـ إرتفاع بودى و ground-clearance)
- + طبعا الـAerodynamics مش زى الكومباكت:
الـdrag-coefficient و والـfrontal-area أكبر
وده ممكن يقلل الثبات والتحكم ويزود إستهلاك البنزين عـ السرعات العالية 200+ مثلا!

btw: مفيش حاجة إسمها يقفل الـrpm على 5000؟؟!!!
هو بيـlimit ضغط التربو الـboost على الغيارين 1st-2nd (فتيسها EGS)

سيبك بقى من كل الكلام اللى فوق ده:
أنا واحد صاحبى معاه 3008 الخنزيرة.. عربية جراية فحت فـ الطلعة و الـmid-range
وأنا شوفتها كذا مرة عـ الصحراوى بتجرى -غرز وملفات- فوق الـ160-170+ كم/س!!
ما شاء الله.. بمنتهى الرشاقة والثبات؟؟!!! رغم حجمها وإرتفاعها.. بس
Rgds،

**MTAK** · 13-11-2012 11:48 PM

المشاركة الأصلية كتبت بواسطة ehab78

بسم الله الرحمن الرحيم
ازي حضرتك ياباشمهندس00يارب تكون في اتم الصحة وبخير دايما
كنت عاوز اسأل حضرتك00هوانت هتبيع التيدا ولا ايه؟؟؟؟
هو حصل فيها حاجة زعلتك لا قدر الله؟؟؟ ولا لمجرد التغيير؟؟
أصل بصراحة مواضيعك القديمة التفصيلية كانت من اهم الاسباب اللي خليتني مقتنع بالتيدا وربنا كرمني بيها الحمد لله00
ياريت تطمنا عليك وعليها
تحياتي لسيادتك
اخوك000ايهاب محمد
اخصائي طب وجراحة العيون

ازى حضرتك يا دكتور

لا و الله مش ناوى ابيع التيدا و لا افرط فيها فهى عربيه لا غبار عليها بسم الله ما شاء الله و مستريح فيها جدا و لم اشتكى و الحمد لله منها الى الان بعد مرور 5 سنوات و 150 الف كيلو

انا بفكر فى البيجو لغرض تانى خاص بعملى و ربنا ييسرلما فيه الخير

**MTAK** · 13-11-2012 11:55 PM

طبعا يا جماعه انا اشكركم جزيل الشكر على تلك الرود المشجعه

و النهارده كنت فى معرض بيجو - صلاح سالم اتفرج على موديلات مختلفه

طبعا لسه 3008 واخده عقلى بس حكاية بنزين 95 و احتمالات وصوله الى 6 جنيه طبعا لا يشجع بالمرة على اقتناء تلك التحفه

لانى احسست حتى لو ماغليش النهارده اكيد هايغلى بكره و طالما وصلت انى باشوف هاصرف على بنزين العربيه اد ايه فيبقى بلاش منها احسن

و بالصدفه لقيت عندهم 308 sw و كنت شفتها قبل كده

هى طبعا اقل من 3008 بس حسيت برضه انها مش وحشه خالص
بالعكس شنطتها كبيره و فيها ميزة عجبتنى اوى

ان ممكن اخر كرسيين يتفكوا و يتركبوا فى الشنطه و الكرسى اللى فى النصف ما بينهم يبقى ترابيزة و يبقى الصالون عامل زى صالون العربيات الفان
-----------------------
سألتهم عن السيارات الجديده اللى هاتبقى رخيصه
قالولى هو موديل صغير تم وقف انتاجه و هاينزل بدلا منه موديل شكله باسم جديد - بس بصراحه مش فاكر الارقام