الموضوع: أفيدوني في القرطبة، اصلي بفكر اجيبها او اجيب ألنترا؟؟؟؟

حضرتك بتقارن بين عربيتين بيبتدوا بنفس السعر اللي هو 98 الف جنيه رغم ان الانترا 1600 121 حصان و كوردوبا 1400 85 حصان الفرق ده ليه اولا كوردوبا الماني تقفيل و تجميع اسباني علي اعلي مستوي خامات داخلية متينة و تستحمل الشمس و متقولش لا و عمرها ما تشقق منك زي التابلوه البلاستيك بتاع الانترا موتور و عفشة وشاسيه و فتيس الماني و الانترا كوري بالكامل اظن مفيش وجه مقارنة بين الالماني و الكوري حضرتك لو بتدور علي العمر الطويل و الاعتمادية الجبارة و توكيل بيفهم بس غالي شوية لكن مش حرامية زي غبور و الدليل علي كده انهم طردوا 3 مهندسين عشان كانوا بينصبوا علي ناس في قطع الغيار اطردوا مع اول شكوة من العملاء انما غبور انت عارف سمعته مسمعه مش هتكلم انا عموما لو انت بتدور علي الاداء فقط يبقي اتجه للانترا لكن هتكسب حاجة و تفقد حاجات الانترا شكل مختلف لكن مش جريء زي كوردوبا هتخسر جودة الخامات الداخلية المعمرة خامات اسباني هتخسر 4 نجوم للكوردوبا في اختبارات الامان هتخسر توكيل احسن بكتير من غبور هتخسر الالماني و اعتماديته الجبارة اللي يأهلك انك تطلع بالعربية في اي وقت و اي حته و انت مطمن تضمن انك لما تكبر دماغك من الصيانات و تهملها شوية العربية متقولش اي منك و تتعب الانترا هتاخد اداء اعلي بس للعلم ال 121 حصان دول مش صافي القدرة الحصانية للالانترا كعادة كوريا و اليابان انما 85 حصان بتوع الكوردوبا صافي كعادة الالمان بيجيبوا مواتيرهم من الاخر الانترا ثباتها حلو لكن الكوردوبا تقيلة علي الارض اكتر منها بتجربة ناس كتير شوف ما يناسب احتياجاتك و قرر و اختار اللي انت عايزو الكوردوبا الماني تحت اي ظروف استخدام العربية هتسد معاك انما الانترا في ظروف الاستخدام الشاقة مش هتسد معاك زي الكوردوبا فرق خامات و تصنيع

س سؤال للاستاذ مصطفي لما رحت التوكيل كان في ابيزا 2008 ولا اخر دفعة خلصت و كان في ليون ولا برضه خلصت؟؟؟

انا بميل للالنترا علشان توافر قطع الغيار وكمان رخيصه وركبتها كانت جمده جدا ثبات واتزان وسحب وكماليات لو جبتها خليجي
بس عمري ما قرنتها بقرطبه لكن العربيه مش في شهرة الالنترا علاشان كده قطع الغيار هاتغلبك
وكمان توكيل غبور 10\10