اللهم اصلح حالهم يا رب
ليس هناك اكثر يقال
ومعلهش يا اخي الغالي
عرض للطباعة
اللهم اصلح حالهم يا رب
ليس هناك اكثر يقال
ومعلهش يا اخي الغالي
معلشى ... ربنا يسهلك بمركز صيانة او ورشة محترمة بره التوكيل ... وان شاء الله ترتاح ... مافيش فايدة فى الناس دى
إخوانى الكرام
أشكركم على مشاركاتكم القيمة وأحب أوضح لكم رد شركة الأمل على هذا التقرير (من باب الأمانة وليس تغيير المواقف)
إمبارح إتصلت بيا الآنسة داليا ومعاها مهندس إسمة محمود للإستفسار عن الشكوى (وأنا وضحت إنها مش شكوى هى نقل تجربة) وطلبوا منى أروح لهم فى أى وقت وهم هيخلصوا المشكلة وللحقيقة أنا مش فاضى أروح ولأن دى السياسة المعتمده للشركة فأنا لم أحسم أمرى حتى الآن لكنى أميل إلى متابعة تقارير حضراتكم حتى موعد الصيانة القادمة لو حالهم إتصلح أروح وأقولهم على المشكله لو زى ماهم يبقى أنا أولى بوقتى وفلوسى وأحب أنوه لما يلى
أنا لم أكتب الموضوع ده لتحقيق مصلحة شخصية ولكن لتحقيق مصلحة عامة لجميع العملاء يعنى هشكر الآنسة داليا والمهندس محمود وهفضل أنتقد أى حاجة وحشة فى التوكيل حتى ينصلح أمرة أو ابيع سيارتى وأجيب غيرها (بمجرد فك حظر البيع)
شكوى لحمايه المستهلك
شكوى رسميه الى الشركه الام و معاها ايميلك و تليفونك
تتحل ان شاء الله...
معلش مش فاهم تقصد أيه في الجزئية اللي تحتيها خط دي ؟!اقتباس:
إمبارح إتصلت بيا الآنسة داليا ومعاها مهندس إسمة محمود للإستفسار عن الشكوى (وأنا وضحت إنها مش شكوى هى نقل تجربة) وطلبوا منى أروح لهم فى أى وقت وهم هيخلصوا المشكلة وللحقيقة أنا مش فاضى أروح ولأن دى السياسة المعتمده للشركة فأنا لم أحسم أمرى حتى الآن لكنى أميل إلى متابعة تقارير حضراتكم حتى موعد الصيانة القادمة لو حالهم إتصلح أروح وأقولهم على المشكله لو زى ماهم يبقى أنا أولى بوقتى وفلوسى وأحب أنوه لما يلى
من المستحيل ان تظن اخى الكريم ان مايحدث فى توكيل القطامية هو امر متعمد او سياسة مقصودة من شركة الامل بل هى قضية مترتبة على سوء اختيار الشركة للقائمين على مركز الصيانة لا اكثر ولا اقل
قارن بين ادارة مركز صيانة اسكندرية بالرغم من صغر حجمه و افتقادة للكثير من الامكانيات اذا ما قورن بمركز القطامية لكن رضاء العملاء عنه وما يقدم من خدمة جيدة جدا مختلف تماما بسبب حسن اختيار الفنيين وعلى راسهم المهندس اسامة مبروك الرجل الفاضل صاحب الاخلاق العالية والامانة والضمير اليقظ
سيدى الفاضل انها مسالة اخلاقية لا اكثر ولا اقل واذا لم ينتبه اصحاب الشركة الى هذه الفوضى الموجودة فى المركز وسوء مستوى الفنيين سواء الفنى او الاخلاقى وعدم رضاء العملاء عن هذا الوضع سيخسرون الكثير بعد ان حققت السيارة نجاحا غير مسبوق وكسبت احترام المستهلك المصرى
اتمنى ان تصل الرسالة وان تجد من يستمع لها
أقصد يا أستاذ باسم إن محدش بيحاول يحل مشكله قبل حدوثها بتغيير النظام والسياسة جذريا ولكن كل حالة على حده يعنى الراجل ده هيقرفنا وصوته هيوصل نجيبة ونشوف حكايته إيه .. وممكن فى نفس الوقت إللى مشكلتك بتتحل فيه واحد تانى يكون واقف يهلل على نفس المشكلة ومحدش هيبصله برضه غير لو صوته وصل
يعنى بمعنى أدق حلول فرديه لناس عملت مشاكل وده لو أنا قبلت بيه معناه إنى بضيع حقى فى المشكله الجاية مقدما إلا لو جيت وكتبت تقرير زى ده وبعدها جالى التليفون إياه ورحت يوم تانى وهكذا (ومحدش فاضى بقى عشان كل مشكله يحلها بمشوارين وتقرير)
السلام عليكم
كالعادة كل مره على كده !!!!!! يعملولك بلوه فى السيارة وبعدين يتصلوا بيك ...( اوعه تكون زعلت !!! احنا كنا بنهزر !!!!!)
مفيش فايدة ..مفيش فايدة................... اسوا توكيل فيكى يا مصر !!!!!!!!
شركة الامل كتبت شهادة وفاتها ....
انا عندى اقتراح ممتاز كل لما ييجى موعد الصيانة بدل ما الواحد يروح مباشرة يكتب شكوى الاول على المنتدى وبالتالى هيتصلوا بيه ويقولوا له حقك علينا ويعطوله موعد مخصوص ويعاملوه معاملة خاصة وكدة يعنى يقوم يعمل صيانة عربيته كويس
تقبلوا تحياتى
كلامي اللي جاي ليس دفاعاً عن التوكيل إنما من منطلق أننا جميعاً أخوة في القسم ويجمعنا النقاش الهادي والكثير مننا يعرف بعضه البعض بصفة شخصية من خلال المقابلات التي توضح طبيعة شخصية كل عضو بعكس ما هو ظاهر من خلال الانترنت .
وكذلك كلامي إرساء لحقائق يجب وضعها في الاعتبار .. وقد يكون رسم للعلاقة بين العميل والتوكيل .. فأرجو أن تتقبلوها بصدر رحب .
بص يا أستاذ / محمد أنا متضامن معاك قلباً وقالباً في المقام الأول .. وخاصة في جزئية طريقة تعامل وكلام الصنايعية .
ولكن أنا عاوز أوصل لحضرتك حاجة ممكن تكون غايبة عن بالك .. وهي فكرة المنتدى اللي أحنا فيه .. وهي متمثلة في التناقش بين الأعضاء في مشاكل عربياتهم ومميزاتها وعيوبها وفنياتها وكيفية التغلب عليها .. ومن ضمن النقاشات دي بيكون فيه مندوبين أو مسئولين عن التوكيل في بعض الأقسام بيوصلوا صورة رد الفعل للعملاء عن مستوى الخدمة .. ولو فيها قصور بيقوموا بالاتصال بالعملاء لمعالجة القصور ده زي ما حصل معاك ومع غيرك قبل كدة .. وأنا بصراحة شايف أن ده شيء كويس لأنه نوع من أنواع الـ feed back بينهم وبين العميل من خلال المنتدى (اللي لولاه أو غيره من المنتديات ما كان وصل استيائك وتضررك منهم) .
واتصالهم ده شيء من وجهة نظري أنه ايجابي وليس سلبي .. ولا من المفروض أنهم لا يبالوا أدنى أهتمام بمشاركتك .. وسوري في اللفظ يسيبوك ولا أكنهم شافوا مشاركتك وهما مش مضرورين .. وفي حالة الشكوى في حماية المستهلك حيجبهم .. وحيكون ردهم والله دي مش عيوب صناعة والعميل هو اللي رفض يجي يتابع معانا بعد كدة .. وحنحل المشكلة إن شاء الله .. وتتحل المشكلة .. فأي الطريقين أسهل .. أنهم يتصلوا بيك ويشوفوا الموضوع أيه .. ولا يطنشوا وتروح حماية المستهلك ويكلموهم ويحلوا المشكلة برضه .
وفي النهاية أنا من رأيي أنك تتمسك بحقك في الضمان والمتابعة معاهم حتى إتمام كافة الإصلاحات اللي أنت عاوزها .. ومتخرجش من التوكيل إلا وأنت مبسوط 24 قيراط .
أما بالنسبة لمقولتك أنك محدش فاضي يحل مشاكله بمشوارين وتقرير .. عاوز أسألك هل القصور ده اتعمل معاك قبل كدة في الصيانات السابقة .. ولا دي أول مرة ؟! .. باقي وجهة نظري حيكون من خلال المشاركات التالية .
د. شريف .. ممكن يكون فعلاً فيه فنيين مستواهم ضعيف أو معندهمش ضمير .. وده مش في توكيل الأمل فقط .. لا في كل التوكيلات من كبيرها لصغيرها .. أنا شخصياً الميكانيكي بتاعي اشتغل فترة في توكيل سكودا علشان ياخد خبرة ويشوف العربيات دي بتتصلح ازاي .. وبعد كدة سابهم .. إذن هو رايح لهدف معين أنه يتعلم فقط مش يشتغل .. وكان بيحكيلي بلاوي بتحصل جوة التوكيل سواء منه أو من غيرة نابعة من قلة الخبرة أو ضعف المستوى .
بالنسبة لتوكيل إسكندرية .. فطبعاً من خلال مشاركات الأعضاء م/ أسامة مبروك من الناس المشهود لهم بالخلق الرفيع والفهم الفني العالي للسيارة .. وكذلك الفنيين العاملين هناك .. ولكن السؤال هنا .. هل الاهتمام ناتج من قلة الضغط على مركز اسكندرية وبالتالي إعطاء كل سيارة حقها .. أم من كفاءة الإدارة هناك ؟! أعتقد أن الإجابة هي الاتنين معاً .. ولو واحدة فيهم حصل فيها اخفاقات المنظومة كلها حتقع ووجهة النظر حتتغير .
لا والله يا أستاذ علاء أنا أتعاملت مع توكيلات كتير .. وللأسف ده الحال في معظم التوكيلات .. إلا القليل منها .. وبزيارة منك لأقسام المنتدى المختلفة حتعرف أن كلامي صح .
هههههههههههههههه .. فكرة برضه
نيجي بقى نتناقش بدون انفعالات في الموضوع ده :
http://www.nilemotors.net/Nile/313646-a.html
ومحدش يضرب لحد ما نروح هناك :untitled:
وأسف على الإطالة .. وأرجو أن تكون وجهة نظري وصلت