طبعا المقارنة دي صعبة جدا لأن العربيتين بجد محترمين والفروق بينهم بسيطة جدا لكن انا طبعا برشحلك الفوكاس وده طبعا مش عشان انا من ملاكها انما عشان هي تتفوق في بعض النقاط منها مثلا الوكيل هو افضل بكتير من منصور وكمان اسعار قطع الغيار ارخص بفرق واضح وده لينك بالاسعار كلها

http://www.nilemotors.net/Nile/309717-2012.html

طبعا انا ما جربتش الاسترا السيدان انما ركبت الهاتش باك 2011 عربية طبعا محترمة انما عفشة الفورد انعم وموتور الفورد اقوى طبعا انا بتكلم عن الاسترا العادية مش التربو انما هما بعد كده زي بعض في حاجات كتير منها الفرامل والعزل والامان والقعدة المريحة وقوة الصاج والثبات وان كانت الفورد اثبت شوية

في النهاية احب اقولك انك لازم لازم تجرب العربيتين الموضوع ده ضروري جدا جدا لأن العربيتين قريبين جدا من بعض وانا بعتبرهم افضل عربيتين في الفئة السعرية دي بدل ما تجيب واحدة منهم على السمع وبعدين تركب التانية فتحس بالندم وربنا يوفقك ان اشاء الله للاختيار السليم