التاكيد النهائي لمقابله اسكندريه 16/11/2012 (لحاضري المقابله فقط)

**Samah AbdAllah** · 17-11-2012 10:54 PM

حمدالله على سلامة اهل القاهرة
احنا لسة واصلين
حتى لما نعمل مقابلة فى اليكس برضوا نوصل متاخر بعدكم :-)
مقابلة مميزة بوجودكم وعقبال كل مرة
واتشرفنا بكل الاعضاء اللى حضروا المقابلة واللى بينورونا فى كل مقابلة
وسعدنا اكتر واكتر باعضاء اول مرة نشوفهم وخصوصا زوجات الاعضاء المميزات وان شاء الله متكونش اخر مرة
كل مقابلة بتكون احلى من اللى قبلها وبيكون فيها شئ مميز ومكسب جديد
المكسب بيكون التعرف باعضاء جدد
بجد بجد مهما اتكلمنا مش هنقدر نوفى نايل موتورز حقه
لانه كان سبب فى معرفة ناس بالاخلاق والاحترام ده

انا شوفت ناس كتير لاول مرة بس محصلش بينى وبينهم اى حوار وده ميمنعش ان سماهم على وجوههم زى احمد موجة وكريم فرحات واحمد حلمى
ومحمد عبدالله وزوجته وبنته تحياتى ليهم وعلى موبايلات بقا :-)وناس كتير ممكن اكون معرفتش اسماءهم لكن كلهم ما شاء الله على خلق
خالد ابو عمر سعدنا بسهرتك معانا وبالتعرف عالمدام والاولاد وعمر كده خلاص اخد مناعة لمدة 20 سنة قدام :-)
معتز حبيب ربنا يكرمك يارب ويبارك فيك وفى اخلاقك وفى القمر الصغيرة وتعيش وتطلع وتنزل سلالم تحياتى للمدام
احمد امين او نو كومنت وفعلا نو كومنت ما شاء الله نايل موتورز متميز ومستمر بفضل وجود اعضاء زيك بجد ربنا يبارك فيك ويعزك يارب
سمير الشهاوى ياريت كل الناس زيك تتمتع بحضور مميز واحترام فاق تمنيات البشر
حقيقى بارك الله فيك ونشوفك قريب على استفراد عشان نعرف نقعد معاك :)

بدرى انت جالك برد منين ؟
ده الجو كان رائع :-)
شنورى بقا مفيش كلام ينفع يتقال
ولا تقولى راس سدر ولا فنادق ولا مطاعم
نحن نختلف عن الاخرون :-)
حقيقى مفيش حد بيعمل كده
ده الواحد كان نفسه يحس ان نفسه رايحة لحاجة
معرفتش اكل عشان مش لاقية حاجة نفسى فيها ومش موجودة :-)
ده انا حتى لما نفسى راحت لساندويتش جبنة لقيت الجبنة بانواعها
طيب نعمل ايه فيك بقا
طبعا مجهود طنط ولمساتها فى كل حاجة منقدرش نتكلم عليها
اصل انا متعودة منها على كده
ده انا روحت معاكم وكان فاضل ننام عندكم :-)
ميرسى جدا على تعبك وعقبال كل مرة
وربنا يبارك فيك ويجازيك خير على تعبك ومجهودك

لكن للاسف روحت عشان اعرف الاخبار الاليمة
وعرفت اننا كنا فى نعمة بعيد عن الانترنت والتليفزيون

كريم منير قلب نايل موتورز النابض
عقل نايل موتورز المفكر فى التطوير وصاحب فكرة هذا الصرح العظيم
قائد التجمع العائلى والاسرى الدافئ
لا يوجد حتى الان من الكلمات ما يعبر عن امتناننا وشكرنا على تهيئتك هذا المكان
الذى تم بفضل الله ورعايته وهدايته لك بفكرة انشاؤه واستمرارك فيه رغم كل المعوقات التى نتعرض لها
لولاك بفضل الله ما سنحت لنا فرصة معرفة هذا الكم من الاشخاص بهذا الكم من الاخلاق والصفات الرائعة
التى قلما تجمعت بمثل هذا العدد بهذا الشكل فى مكان واحد
شكرا ليك على تعبك وان شاء الله ربنا يجازيك خير على كل اللى عملته وبتعمله واللى لسة هتعمله ان شاء الله

**Motaz.Habib** · 17-11-2012 11:07 PM

بجد انا دى اول مرة احضر مقابلة مع المنتدى و عرفت اننا كان فايتنى كتير انا بقالى معاكم سنتين متفرج بس و دى اول مرة اشارك فعلا كان يوم من احسن الايام و الواحد بيشكر الناس كلها بجد ربنا يجمعنا دايما على خير

**alaa74** · 18-11-2012 11:07 AM

الحمد لله على عودة كل الأعضاء بسلامه الله سالمين وبخير .
كعادة مقابلات نايل موتورز كان يوم جميل ومميز.
مميز بالحضور مميز بالناس المحترمه .
حاله جميله بنعيشها فى المقابلات توافق غريب وعجيب بين كل الأعضاء .
مش هتمل أبدا لأنك هتلاقى حاجه تعملها.
كلام فى العربيات هتلاقى.
كلام فى السياسه هتلاقى .
كلام فى الرياضه أكيد هتلاقى .
كلام فى تجارب الحياة المختلفه لازم تلاقى .
ود ودفء غريب بين عائله نايل موتورز حتى الأعضاء الجدد على المقابلات بيحسوا دة.
سعيد جدا إنى قابلت ناس كتير واحشنى جدا.
إتشرفت بمعرفه ناس محترمه لأول مرة ودة إمتداد طبيعى لكل المقابلات .

شكر جزيل لمحمد شنورى لمجهودة الكبير وتعبه وحرصه على أن يخرج اليوم يالشكل دة
ربنا يكرمك يا محمد ويجازيك خير انت فعلا مفيش حاجه كنا ممكن نطلبها وملقينهاش .
فعلا خدمه 5 نجوم واقامه فول بورد وكل حاجه كانت فى وقتها وفى ميعادها .
ودة مش جديد عليك يا محمد انت دايما ناجح فى تنظيم المقابلات .

حضور مميز ودائم لوالدتنا العزيزة والدة محمد شنورى ( وبقولها المقابلات من غيرك متنفعش أبدا إنتى أم المنتدى الحنون ) ربنا يبارك فيكى ويخليكى لمحمد ولينا كلنا .

مدام سما شكرا جزيلا على حفاوة الإستقبال ودة مش جديد على الإسكندرانيه الجدعان .
أستاذ/ جمال ... سعدت بمعرفتك المقابله دى عن قرب وربنا يبارك فى حضرتك وفى مريم وكريم (وشكرا على تعبك ومدام سما معانا فى المقابله وتعبناك جدا معانا والله انت حسستنا أننا فى بيتنا وبالرغم من إنك لسه عامل عمليه لكن تواجدت معانا وكنت بتخدم علينا ومش هنسى ذوقك العالى وإحنا بنتغدى وكنت واقف جنبك وانت قاعد وبالرغم تعبك وقفت وتغديت وانت واقف لمشاركتى انا والزملاء اللى كانوا بياكلوا واقفين ).

بشكر كل أصدقائى وأخوانى اللى قابلتهم فى اليوم الجميل دة واليوم كان جميل ومميز
بكل الحضور ومش عاوز اكتب اسماء علشان منساش اى حد منهم .
لكن تحيه خاصه جدا لأخى وصديقى العزيز أحمد أمين لتشريفه المقابله ولتشريفى شخصيا بمرافقتى فى الرحله فى سيارتى وكان حيث ممتع وشيق جدا جدا .

مش هنسى أعضاء محترمين جدا من صفوة نايل موتور وعدونا بالحضور إن سمحت ظروفهم لكن للأسف منعتهم ظروفهم من الحضور وكانوا ولا زالوا واحشينا جدا
ومع إنهم أصدقائى جميعا لكن هذكرهم بالألقاب وبدون ترتيب :
دكتور احمد بحرى
مهندس إسلام جلال
مهندس أشرف عزت
مهندس أحمد علاء
مهندس محمد غازى
أستاذ أبو هاشم
أستاذ أحمد حسن
أستاذ أحمد مصطفى
أستاذ محمد عزت (ابو اياد )

وأخيرا أستاذ أشرف فتحى اللى حاولت الإتصال بيه ولكن معرفتش اوصله وبقوله وحشتنا كتير يا أشرف وعاوزين نشوفك .

أخيرا فى إنتظار صور المقابله حصريا سواء من كريم منير او من محمد شنورى
ودايما نتقابل على خير
وبعتذر للإطاله
تقبلوا تحياتى ...........

**alaa74** · 18-11-2012 11:23 AM

عذرا نسيت أضيف إن المقابله كانت ناقصه فرد أساسى فى مقابلات الأسكندريه
وهو خالد أبو رقيه
وكنا فى سيرته بالخير وكنا بنتكلم عن مقابله العجمى من سنتين وعن المندى اللى أكلناة اليوم دة وكان هو وأشرف فتحى القائمين على تجهيز وليمه المندى .
مفتقدينك بشدة يا خالد بيه وترجع بألف سلامه .

**Karim_Monir** · 18-11-2012 03:01 PM

سلام عليكم يا شعب
انا جيت :-)
منك لله يا شنوري
حد يدفع رشوة قدام 50 فرد :-)
يعني اشمعني انا اللي كنت جايبله كيلو ونص جمبري :-)
وخالد طلعت ذنبه ايه في الموضوع :-)
الحمد لله اني روحت لوحدي :-)

اليوم كان اكثر من رائع بداية من اني كنت بايت هناك وصحيت لقيت البحر زي البسين وهادي تماما وده طبعا كان معناه اني بتلدع ناموس طول الليل :-( لدرجة الي شافني افتكر عندي حساسية في وشي من كتر ما الناموس كلني
وصل البشر وعلى راس القافله شنوري
حقيقي مش عارف اقولك كلام يوفيك حقك عن مجهود يوم زي ده ووعارف انه قد ايه انه مرهق ومكلف جدا
الف الف شكرا ليك على تعبك ومجهودك ومجهود والدتك اللي فعلا تعبت جدا جدا وشفنا بعنينا

حابب اشكر كل واحد حضر المقابلة بداية من استاذة سما مديرة المنتدي لاجدد عضو فينا
اعضاء كتير جدا اتشرفت بمقابلتهم لاول مرة وما شاء الله المكان بزيد ويكبر كل يوم
نفس الحاجة اللي بلاقيها كل مرة في المقابلات
نفس روح نايل موتورز اللي بتخللي اعضاء قديمة وجديدة تتعامل بنفس الشكل والاسلوب والروح الطيبة
اللهم ديمها نعمه المحبة والاخاء في الله

تحياتي الخالصة لكل الاعضاء
تنبيه زعيماوي مهم
اي صور هاتطلع للي حصل بعد الاكل هابنن صاحبها مدي الحياة :-)

**الغزالى** · 18-11-2012 03:28 PM

المشاركة الأصلية كتبت بواسطة karim_monir

سلام عليكم يا شعب
انا جيت :-)
منك لله يا شنوري
حد يدفع رشوة قدام 50 فرد :-)
يعني اشمعني انا اللي كنت جايبله كيلو ونص جمبري :-)
وخالد طلعت ذنبه ايه في الموضوع :-)
الحمد لله اني روحت لوحدي :-)

اليوم كان اكثر من رائع بداية من اني كنت بايت هناك وصحيت لقيت البحر زي البسين وهادي تماما وده طبعا كان معناه اني بتلدع ناموس طول الليل :-( لدرجة الي شافني افتكر عندي حساسية في وشي من كتر ما الناموس كلني
وصل البشر وعلى راس القافله شنوري
حقيقي مش عارف اقولك كلام يوفيك حقك عن مجهود يوم زي ده ووعارف انه قد ايه انه مرهق ومكلف جدا
الف الف شكرا ليك على تعبك ومجهودك ومجهود والدتك اللي فعلا تعبت جدا جدا وشفنا بعنينا

حابب اشكر كل واحد حضر المقابلة بداية من استاذة سما مديرة المنتدي لاجدد عضو فينا
اعضاء كتير جدا اتشرفت بمقابلتهم لاول مرة وما شاء الله المكان بزيد ويكبر كل يوم
نفس الحاجة اللي بلاقيها كل مرة في المقابلات
نفس روح نايل موتورز اللي بتخللي اعضاء قديمة وجديدة تتعامل بنفس الشكل والاسلوب والروح الطيبة
اللهم ديمها نعمه المحبة والاخاء في الله

تحياتي الخالصة لكل الاعضاء
تنبيه زعيماوي مهم
اي صور هاتطلع للي حصل بعد الاكل هابنن صاحبها مدي الحياة :-)

طيب ارد عليك اقول ايه انت الى عندك الصور انت وشنورى ...

**SonaSteel** · 18-11-2012 05:05 PM

انا بحب هاتفتحوا موضوع تاني منفصل ........ كنت هارد هناك مرة واحده :)))

كان يومين جمال جدا والله ..... وانا اتبسطت اني شوفت ناس اول مرة اشوفها و شوفت اصدقائي اللي مش بشوف الا من المقابلة للمقابلة

الف شكر ياشنر علي اليوم الظريف ده وتعبك رايح جاي للاكل و معرفتش تاكل حتي والاكل كان فوق الرائع انا اتبسطت..... وتسلم ايد والدتك علي تعبها ووقفتها في المطبخ وهي اصلا مش المفروض تتعب كده

والف شكر ياكيمو علي تفصيص الكابوريا هههههههههههههه ........ انا اول مرة اشوف لها لحمة البتاعه ديه :))

وعلي معلومة ان الbm مفيهاش كبالن هاهاهاها

سما شكرا علي الصور الجميلة اللي اتصورناها ومشوفنهاش هههههههههههههههه

و الف شكر لاخي وحبيبي في الله معتز حبيب ..... ابو عروستي الصغنونة ههههههههههههه ربنا يباركله فيها يارب علي اليومين الجمال دول و تعبه معانا .... ربنا يعزك يا معتز ويديم المعروف يارب العالمين :))

والله سعدت بيكم كلكم وان شاء الله اشوفكم علي خير

سامحوني بس انا مشيت علشان الحق اروح اجيب اهلي وارجع امشي معاكم علشان ممشيش لوحدي
بس لقيت ناس مروحة علي الطريق فمشيت معاهم علشان اتاخرت ووصلت 11 بااليل علشان الشغل الصبح :))

-

-

-

الموضوع: التاكيد النهائي لمقابله اسكندريه 16/11/2012 (لحاضري المقابله فقط)

LinkBack

أدوات الموضوع

عرض

-

-

-

-

-

-

-

المواضيع المتشابهه

تأكيد حضور مقابله اسكندريه 14/12/2012 (للحاضرين فقط)

التأكيد النهائي لمقابله راس سدر 5 اكتوبر 2012

التاكيد النهائي وطرق الدفع لمقابله عيد ميلاد المنتدي يوم 23-4-2010

التاكيد النهائي وطرق الدفع لمقابله اسكندريه يوم 19 فبراير

الكلمات الدلالية لهذا الموضوع

المفضلات

المفضلات

ضوابط المشاركة