عداد الحرارة بيعلق

**kar!m** · 11-11-2012 02:42 PM

السلام عليكم و رحمة الله

طبعا انتوا عارفين اني بعت عربيتي الفيكترا .. قبل ما أبيعها لاحظت حاجه رخمه في عداد الحراره.

لما بتكون العربيه بارده و أدور و أمشي .. بتمشي كويس جدا .. لحد ما الحراره توصل 90 تقريبا .. و تفضل حوالين 90 حسب سواقتك لو ماشي بسرعه تقل .. و لو وقفت توصل ل 92 تقريبا.

لو وقفت بالعربيه و نزلت أشتري حاجه من سوبر ماركت مثلا .. و رجعت دورت الاقي مؤشر الحراره وصل ل 90 مثلا و الموضوع ماشي طبيعي.

المشكلة بتحصل لما أقف و أنزل من العربية أقل من 5 دقايق أرجع و أدور العربية الاقي عداد الحرارة على صفر .. لازم أخبط عليه أو على التابلوم من فوق عشان يرجع واحده واحده لمكانه .. الموضوع ده مبيحصلش الا لو وقفت أقل من 5 دقايق.

أنا كنت سألت منصور الكهربائي اللي شغال عند صابر و قال لي ان الملف بتاعه وحش .. لما بيسخن بيعمل كده.

أنا طبعا قلت للي اشترى العربية على الموضوع ده قبل ما أبيعها .. و هو كلمني من كام يوم بيسألني يعمله فين .. أنا دلوقتي عاوز اعرف الاتي:

1. هل دي مشكلة ملف فعلا؟

2. أجيب ملف لوحده ولا لوحة عدادات كامله؟

3. عاوز حد محترم يفك التابلوه من غير ما يكسر الهوايات .. عشان انتوا عارفين ان اللي كان شغال مع صابر كسر هوايه قبل كده و اشتريت واحده تانيه.

4. يعمل له كام الملف ده تقريبا؟

**Amrgamal1** · 11-11-2012 05:14 PM

كريم بيه ازيك
انا عندي تقريبا نفس المشكله بس في عداد السرعه
لما ببقي لسه خارج بالعربيه وهي بارده العداد بيشتغل عادي
اول ما تبتدي تسخن شويه المؤشر يفضل يترعش او يفصل خالص
بضم مشكلتي لمشكلتك حد يحلهلنا بقي :)

**amrosaroukh** · 12-11-2012 01:54 PM

متابععععععععععععععععععععع عععععععععععع نفس المشكله عندي :s

**tananybasha** · 12-11-2012 03:02 PM

بيعتها امتى
و بكام

**ULTRA** · 13-11-2012 10:53 AM

نفس المشكلة بالضبط بالضبط عندي في عداد الحرارة و غيرت حساس الحرارة اللى في الكوعة اللى عند سير الكاتينه و اشتغل شوية كويس و رجعت ريمة لعادتها القايمة يشتغل كويس و اول ما ابطل العربية و اشغلها تاني يفضل علي الصفر

**kar!m** · 13-11-2012 12:18 PM

المشاركة الأصلية كتبت بواسطة ultra

نفس المشكلة بالضبط بالضبط عندي في عداد الحرارة و غيرت حساس الحرارة اللى في الكوعة اللى عند سير الكاتينه و اشتغل شوية كويس و رجعت ريمة لعادتها القايمة يشتغل كويس و اول ما ابطل العربية و اشغلها تاني يفضل علي الصفر

دي مشكلة معروفه بأه .. طيب انت مين قال لك انه عيب حساس حرارة .. أنا بيتهيألي عيب ملف.

**sunsonson** · 14-11-2012 08:41 PM

أعتقد ده عيب ملف عشان العدادات بتسخن جدا في الاوبل فيه واحد متخصص في العدادات بيخلع العداد ويكشف عليه و يقولك الحل بس مشكلتو زحمه وممكن يقولك بكره . ولو عيب ملف بيغيرو

**kar!m** · 14-11-2012 10:59 PM

المشاركة الأصلية كتبت بواسطة sunsonson

أعتقد ده عيب ملف عشان العدادات بتسخن جدا في الاوبل فيه واحد متخصص في العدادات بيخلع العداد ويكشف عليه و يقولك الحل بس مشكلتو زحمه وممكن يقولك بكره . ولو عيب ملف بيغيرو

طيب عنوانه فين ده؟

**sunsonson** · 15-11-2012 08:01 AM

بص هو في إلوكاله بس بره علي الكرنيش متهيئلي اسمه هيثم اسأل عليه في الوكاله هيدلوك . لو عايز تنجز اخلع العدادات وحل الملف وانزل بيه لقطع افغيار وهات زيه لأن غالبا العيب منه .

-

الموضوع: عداد الحرارة بيعلق

LinkBack

أدوات الموضوع

عرض

عداد الحرارة بيعلق - انشر الموضوع فى :

-

-

-

-

المواضيع المتشابهه

عداد السرعة بيعلق

عداد أو امبير السرعة بيعلق

مؤشر الحرارة بيعلق ياريت المساعدة

مؤشر الحرارة بيعلق

عداد الكيلو فى التابلوه بيعلق

الكلمات الدلالية لهذا الموضوع

المفضلات

المفضلات

ضوابط المشاركة