اقتباس المشاركة الأصلية كتبت بواسطة mero100 مشاهدة المشاركة
غيرت البطاريه من يومين ...... و نسيت خالص موضوع الايدل ليرن ...... و اول ما ركبت البطاريه الجديده لقيت العربيه بترجرج جامد و السلانسيه مش مظبوط .....مشيت بيها كده و انا ناسي خالص موضوع الايدل ليرن .

و طلعت مشوار في ساعتها للمطار و لقيت العربيه مش مظبوطه خالص ..... طبعا 100 حاجه جت في دماغي .

و افتكرت الايدل ليرن و ركنت علي جنب و عملته .... و الحمد لله العربيه فرقت كتير ....السلانسيه اتظبط و السحب .

لذلك حبيت انصح و افكر الاعضاء بأهميه عمل ايدل ليرن بعد فصل البطاريه .

و طريقته للأعضاء اللي ميعرفوش :
1- فتح الكونتاكت و غلقه 3 مرات متتاليه و كل مره في الفتح او الغلق ننتظر لمده 5 ثواني
2- بعد غلق الكونتاكت في المره الثالته لمده 5 ثواني ...يتم تدوير السياره و تركها لمده 3 دقائق دايره .
3- بعد مرور 3 دقائق علي التدوير يتم فتح التكييف و النور لمده 2 دقيقه .
4 - بعد مرور الدقيقتين ...يتم فصل ابطال التكييف و النور و ابطال الموتور
5 - تم عمل ايدل ليرن بنجاح :-)

انا مكنتش مدرك اهميته الا لما اتحطيت في موقف لوحدي .

عارف ان اغلبيه الاعضاء عارفين الموضوع و خبره عني ...بس قلت أذكر بيه للي مش عارف .


موضوع مفيد