عايز اشترى راوتر wireless

**A.Saad** · 19-11-2012 07:46 PM

يعنى ايه بريدج وكلاينت واكسس واخواتهم دول ويفيدوا فى ايه

**A.Saad** · 19-11-2012 09:11 PM

حضرتك شرحت كل حاجة وأسلوبك سهل وجميل خللى ابو حميد فى حاجة تانية

**mr_safwt** · 20-11-2012 12:09 AM

انا مهندس اتصالات وتخصصى فى الواى فاى بس للشركات طبعا الاكسس بوينت الاوت دور تمنها بيعدى 10 الاف ودية بتبقى اكسس بوينت خرافة بس من خبرتى لو عايز اكسس بوينت للبيت هات ruckus وعمرك ما هتشوف اكسس بوينت زيها

**naser_56** · 20-11-2012 12:34 AM

المشاركة الأصلية كتبت بواسطة mr_safwt

انا مهندس اتصالات وتخصصى فى الواى فاى بس للشركات طبعا الاكسس بوينت الاوت دور تمنها بيعدى 10 الاف ودية بتبقى اكسس بوينت خرافة بس من خبرتى لو عايز اكسس بوينت للبيت هات ruckus وعمرك ما هتشوف اكسس بوينت زيها

طيب كده بصراحه تبقي جيت في وقتك وعندي استفسار لو سمحت بعد اذن الاستاذ a.saad طبعا

انا عندي البيت ٤ ادوار ولما بطلع علي السطح واعمل سكان بشوف شبكات كتير وطبعا لما بنزل تحت ما بشوفش ولا شبكه فكرت في البولت 2h مع انتينا هايبر لينك ١٥ db وطبعا دي هتكون محطه استقبال لا يعلي عليها وطبعا الكلام ده لما اركب سلك الشبكه في الكمبيوتر ولكن انا عاوز اركب سلك الشبكه الي نازل من البوليت في اكسس تانيه تكون داخل الشقه فهل ينفع الموضوع ده

بمعني اخر انا عاوز لما اعمل سكان داخل الشقه يجيبلي نفس الشبكات الي بشوفها وانا علي السطوح فا أيه المعدات الي انا محتاجها لتنفيذ الموضوع ده

**amdd** · 20-11-2012 03:48 PM

نفسى حد يعرفنى بس الطريقة اعتقد انها سهله لكن مش عارف اوصلها
انا عايز اطول الانتنه لبره البيت من الاكسس لان اخويا فى الدور التانى مش بيشوفها غير شرطه واوقات بتقطع ايه السلك والادوات المطلوبه علشان اطول الانتنه؟

**naser_56** · 20-11-2012 04:10 PM

المشاركة الأصلية كتبت بواسطة amdd

نفسى حد يعرفنى بس الطريقة اعتقد انها سهله لكن مش عارف اوصلها
انا عايز اطول الانتنه لبره البيت من الاكسس لان اخويا فى الدور التانى مش بيشوفها غير شرطه واوقات بتقطع ايه السلك والادوات المطلوبه علشان اطول الانتنه؟

في سلك بيتباع خاص بالانتنا في منه ٥ متر وفي ١٠ متر لو عملت بحث علي جوجل وكتبت سلك تطويل الانتا هتشوفه هو عموما شبه سلك الدش وفيه ناحيه الكونكتور ميل والتانيه فاملي لو رحت اي محل مختص بالشبكات هتلاقيه عنده

**Egyzizo** · 20-11-2012 04:16 PM

أنا عندى TP link وشغال معايا له سنتين كويس جداً ولا بيهنج ولا بيقطع ولا حاحة
أنا عارف انه مش أحسن الأنواع جنب اللى بتقولوا عليه ، بس حبيت أنقل خبرتى.

أول ما اشتريته كنت حاطه فى البلكونة ، وجه عليه مياه من الأمطار (مياه بطين) بعد 3 شهور من الاستخدام ، وفصل طبعاً ، فقلت أجرب الضمان (استهبال يعنى من ناحيتى) ، بس فوجئت انهم صلحوه ورجعوه زى الفل بدون أى تكلفة.