الموضوع: استرا او فانتازيا عشان اجيب من الاخر

يعنى انا دلوقت اجيب ايه توكيل منصور بقى حلو كده ولا ايه النظام ؟؟؟؟!!!!!!!
الفلوس بتاكلنى يا ناس !!!
و الله احلف عليهم و انزل اجيب لانوس ولا لانسر و اهى حاجه الواحد مايخافش و هو سايقها فى البلد الكاتيانه دى و سواقينها سواقين بطيخ اللى يمد بوز العربيه الاول يعدى الاول

اخى فى الحيرة و التيه العظيم اللى احنا فيه دلوقت انا جالى راى محترم تانى و حبيت انقله هنا ليك ولاى حد يدخل يمكن الاقى تعليق مختلف ::--
علشان ماعقدلكش الموضوع
الفتيسات الأتوماتيك الجديدة لا تستخدم الزيت في نقل الحركة ( ده غير زيت تزييت التروس ) و لكن تستخدم الكلاتش (نفس اسطوانة الدبرياج المستخدمة في المانيوال -- بس بدل ما تدوس برجلك علشان تنقل --في ميكانيزم يقوم بفصل الدبرياج علشان العربية تنقل ) ده في حالة الأسترا اسمه ايزي ترونيك
ميزة النوع ده انه بيديلك نفس قوة سحب المانيوال --- عيبه انك بتحس بالنقلة ( زي ما يكون واحد مبتديء بيسوق عربية مانيوال ( علشان كده بقول مش حلو في السواقة )
ليه بقي اخترعوا الفتيس ده ؟ علشان يزودا كفاءة العربية ويقللوا استهلاك البنزين ويقللوا الانيعاثات الكربونية اللي بيدفعوا عليها ضرايب زيادة في اوروبا

طب اوبل بس الي عملت كده ؟
لأ كل شركة عملت كده -- بيجوا عملت كده - ستروين عملت كده - فولكس عملت كده --بس فولكس علشان تلافي عيب الأحساس بالنقل عملت ال DSG الي هو بدل مايكون اسطوانة واحدة هناك اسطوانتين واحدة للنقلة للفردي والتانية للزوجي -- وده اللي سبب مشاكلها في مصر
في لسه شركات بتستخدم الأتوماتيك القديم زي بيجو اللي نازل مصر -- أوكتافيا -- وده اللي ما فيهوش مشاكل

فاللي بحاول اقولوهولك ان الايزي ترونيك هو فتيس من الجيل الأخير بس أحساسه كسائق مش حلو لأن مازال نقلة اسطوانة الدبرياج عن طريق الميكانيزم مش زي نقلة رجلك وحساسيتها

اما عن الفانتازيا فالشكل الجديد حينزل في نص 2013 وحيكون أطول ب 20 سم علشان ينافس فئة العربيات ألأعلي ( زي السوبيرب -- بيجو 508 - باسات ) وده مش حتلاقيه لأنه لسه مانزلش بس مجلة أتوكار نوهت عنه ( ممكن تدور عليه علي الموقع بتاعهم whatcar.com )


انا كان عندي الأسترا السيدان القديمة (المستوردة) و عطل فيها حساسين -- واحد كان باين قوي والتاني ما عرفوش انه بايظ الأ قرب ما كنت ببيع العربية (بعد 6 سنسن ) وكان حساس هوا وتمنه كان 2000 جنية ( وكان المفروض يتغير في الضمان ) -- الشنطة طبعا أصغر من ألفانتازيا -- شنطة الأوكتافيا أكبر شنطة علي الأطلاق ( ما فيش أكبر منها)


المختصر :

العربيتين حلوين بس :

الفانتازيا شكلها أكبر -- أعتمادية أحسن من أوبل عن تجربة - تكنولوجيا أقدم بس ممتازة فهتمشي ببنزين 92 من غير مشاكل -- اوكتافيا اللي موجوده دلوقت 2013 هي هي ال A5 2005 ماعدا الكماليات وتغيير في الشكل الخارجي -- فهي محرك MPI والفتيس التيبرونيك (الي بتنزل بره محرك تيربو TSI وفتيس DSG )
الاسترا أحدث بس قطع غيارها أغلي واعتماديتها أقل

وبرضه شوف الريفيو في اتوكار عن العربيتين ( بس مش حتلاقي السيدان فشوف الهتشباك )

وبرضه شوف البروشور بتاعها بيقول نوع الفتيس ايه ( ما تعتمدش علي البياع قوي لأنه ممكن مايعرفش ايه الفرق )[/QUOTE]

الى هنا ينتهى الراى اللى انا بقلك عليه و بعد كده تعليقى عليه :---
تعالى يا عم gladiator شوف الاراء و التعليقات ....... اللى حاسبها صح الراجل ده
ريحنى و حسسنى ان الفانتازيا عربيه حلوه فى حاجات كتير و تخلى الواحد يتغاضى عن الاوبشن الزياده اللى فى الاسترا رغم ان esp حاجه مهمه جدا ( ولكن مش مهم هو من امتى الحاجات دى بتفرق معانا )
هو انا بصراحه ارتحت للفانتازيا
بس انت يا عم gladiator اللى كل ما الفانتازيا تخش دماغى تقوم انت مطلعهالى تانى من جوه و تخلينى محتار
ايه رايك ... انت شاكلك ميال للاسترا ... تروح تجيب الاسترا و لو عجبتك تقولى اقوم اجيب واحده زيها و لو ماعجبتكش اقوم انا اجيب الفانتازيا .؟؟!!! هاااا قولت ايه ؟؟!!

السلام عليكم
الفانتازيا بيركبها نا مزله من مرسيدس وعربيه حدوده
انا معاك في الكماليات بتقلل من الزهقك فالعربيه
لكن المقارنا تكون بين استرا و فوكس وانترا مثلا
الكوري اثبت كفائه كفايه ان الاوبترا 90 الف في 2010 دلوقتي 107 في سمير ريان وعي نفس العربيه
لو انت مصمم علي العربيه الكامله شوف الفوكاس لما سالت علي قطع الغيار الاصلي زي اللانسر الاصلي وعربيه كل الناس بتشكر فيها

انا لو مكانك اجيب فانتازيا واستغني عن الكماليات ولو مش حغير اجيب الكامله قسط وفي معارض كتير بتقسط بدون تامين وفايده قليله
فلوسك في الفانتازيا انشاء الله تكون مضمونه والكامله منها بتتخطف و مطلوبه خصوصا بعد مشكله الجيتا الجديده

المشاركة الأصلية كتبت بواسطة mohmdabdo

السلام عليكم
الفانتازيا بيركبها نا مزله من مرسيدس وعربيه حدوده
انا معاك في الكماليات بتقلل من الزهقك فالعربيه
لكن المقارنا تكون بين استرا و فوكس وانترا مثلا
الكوري اثبت كفائه كفايه ان الاوبترا 90 الف في 2010 دلوقتي 107 في سمير ريان وعي نفس العربيه
لو انت مصمم علي العربيه الكامله شوف الفوكاس لما سالت علي قطع الغيار الاصلي زي اللانسر الاصلي وعربيه كل الناس بتشكر فيها

انا لو مكانك اجيب فانتازيا واستغني عن الكماليات ولو مش حغير اجيب الكامله قسط وفي معارض كتير بتقسط بدون تامين وفايده قليله
فلوسك في الفانتازيا إن شاء الله تكون مضمونه والكامله منها بتتخطف و مطلوبه خصوصا بعد مشكله الجيتا الجديده

استغنى عن الكماليات ليه يعم هو انا لاقى الفلوس فى الارض D:
بهزر معاك بس
بجد مش عارف اعمل اية !!

يا صحابى يا اهلى يا جيرانى و انت كمان يا gladiator انا عايز اخدكم و ننزل نشوف العربيات بكره فى المعرض بتاع سمير ريان او معرض الاقصى موزع و مركز صيانه معتمد بكره اجازه و ننزل كلنا نتفرج و اهو ساعتها التعليقات تبقى live و نقدر نقيم صح بس على العموم ان شاء الله انا بكره هانزل اتفرج على العربيتين

المشاركة الأصلية كتبت بواسطة dede_dodo88

هي المعارض دي في القاهرة مش كده ؟!..
لو أتفقتم مع بعض أنا ممكن أجيلكم لو الظروف سمحت..

بص يا سيدى gladiator من سوهاج و انا من بنى سويف و انت منين بقى؟؟؟

الموضوع شكله مش هايتظبط
الحيره يا اخى فى الله الحيره ...الحيره... الحيره

لسه واحد مدينى حته رد علشان الاسترا مخلينى بلف حوالين نفسى