الموضوع: المراية الضم ........... من الآخر

المشاركة الأصلية كتبت بواسطة m7mdwagih

علشان تغير ماتور الطرمبة لو عطلت منك

بس عطل ماتور طرمبه البنزين ده شيء نادر جداً انه يحصل
ليه بقى رافعين سعر القطعه اللي بتفك طرمبه البنزين طالما مفيش عليها طلب جامد يعني
ولا الميجان فيها مشكله متكرره في ماتور طرمبه البنزين ؟؟؟؟؟

مفيشهاش مشكلة متكررة ولا حاجة بالعكس دا طرمبتها معمرة جدا وكويسة بس فيه ناس بتقصر معاها فى تأخير تغيير الفلتر دا بيضعفها فمع الوقت بتبدأ تتعب

وبتديك انذار صوت موتورها يعلى ... تقطع كل فترة بعدين تقطع كل شوية بعدين تقطع كل مترين تمشيهم وتحتاج تغير الموتور الأصلى عضو اشتراه ب 220 جنيه
وفيه صينى ب 70

المشاركة الأصلية كتبت بواسطة mohammedaladel

مفيشهاش مشكلة متكررة ولا حاجة بالعكس دا طرمبتها معمرة جدا وكويسة بس فيه ناس بتقصر معاها فى تأخير تغيير الفلتر دا بيضعفها فمع الوقت بتبدأ تتعب

وبتديك انذار صوت موتورها يعلى ... تقطع كل فترة بعدين تقطع كل شوية بعدين تقطع كل مترين تمشيهم وتحتاج تغير الموتور الأصلى عضو اشتراه ب 220 جنيه
وفيه صينى ب 70

طب معلش هتقل على حضرتك بس كنت عاوز استفسر
العربيه دي عيوبها ايه بالظبط عشان في عليها كلام كتير والواحد مش عارف ايه الصح في الكلام ده

أنا سعيد إنك سألتنى السؤال دا

عربية زى أى عربية بطول ما هى ماشية على الطريق هتحتاج صيانة .... أنا شايف انها عربية ممتازة وفيها فن عالى جدا فى تصنيعها

أصعب حاجة فيها الكهرباء

قول لى بس ايه العيب اللى انت مقلق منه وأنا أوضح لك أكتر لأنى معايا السيارة وكل مادا بتعلم فيها حاجة جديدة


لكن بصفة عامة هى غلسة شوية شويين تلاتة فى صيانتها وعشان تصلح حاجة فيها أو تفك حاجة هتلاقى لكل حاجة طريقة مختلفة وفى كل حاجة فكرة .... عشان كدا شايفها غلسة شوية
يا راجل عشان أفك ا لمساعد فكيت كل العفشة والكوبلن ! كل دا عشان المساعد ليه أداة معينة بترفعه لفوق عشان تقدر تفكه بدون فك باقى أجزاء العفشة

المشاركة الأصلية كتبت بواسطة mohammedaladel

أنا سعيد إنك سألتنى السؤال دا

عربية زى أى عربية بطول ما هى ماشية على الطريق هتحتاج صيانة .... أنا شايف انها عربية ممتازة وفيها فن عالى جدا فى تصنيعها

أصعب حاجة فيها الكهرباء

قول لى بس ايه العيب اللى انت مقلق منه وأنا أوضح لك أكتر لأنى معايا السيارة وكل مادا بتعلم فيها حاجة جديدة


لكن بصفة عامة هى غلسة شوية شويين تلاتة فى صيانتها وعشان تصلح حاجة فيها أو تفك حاجة هتلاقى لكل حاجة طريقة مختلفة وفى كل حاجة فكرة .... عشان كدا شايفها غلسة شوية
يا راجل عشان أفك ا لمساعد فكيت كل العفشة والكوبلن ! كل دا عشان المساعد ليه أداة معينة بترفعه لفوق عشان تقدر تفكه بدون فك باقى أجزاء العفشة

شوف يا سيدي
انا على اخر السنه كده ان شاء الله ناوي اجيب عربيه مستعمل
وعجباني الميجان والسينيك
بس السينيك مفيش عنها اخبار كتير عشان مش منتشره
اما الميجان بقى من زمان وانا بسمع ان فيها مشاكل في الجيربوكس الاوتوماتيك (قلت بلاش اتوماتيك نجيب مانيوال)
وبعدين بعد كده سمعت ان فيه مشكله في علبه الفيوزات الخاصه بالعربيه وتم حلها بدأ من موديل 2007 (قلت ماشي ابقى أدور على موديل 2007 وبلاش منه اللي قبل كده)
وبعدين لقيت الموضوع ده اللي بيتكلم عن مشكله شائعه في مرايه العربيه
فده خلاني اقلق من الرينو شويه عشان انا كده كل شويه اسمع عن مشكله جديده
بس بشكل عام بسم الله ماشاء الله العربيه شكله جميل جداً وامكانياتها ممتازه وسعرها حلو بس لأن انا هشتري مستعمل فبدأت أخاف من المشاكل الكتير دي لاني مش هشتري عربيه زيرو وهاخد بالي منها من الاول انا هشتري من حد ممكن يكون مش مهتم بالعربيه واشتريها منه اقابل مشاكل ملهاش اول من اخر عشان كده كنت عاوز اشتري عربيه تكون اعطالها مش كتير عشان مدوخش معاها

بالنسبة للفتيس ماشى معايا 121 ألف كيلو بدون مشاكل الحمد لله ... ومقضيها كيك داون على طول وبحرق على الغيارات ولسة زيت المصنع بتاعه متغيرش
بالنسبة للفتيس مشاكله زى مشاكل أى فتيس أوتو

حكاية المراية الضم دى حاجة بسيطة وبتحصل فى أى عربية لما تكون المراية مفتوحة ويجى حد يقفلها بالعافية بإيده بيتكسر جواها زى ترس وبيتغير عادى وترجع زى ما كانت

بالنسبة لعلبة الفيوزات هتتأقلم معاها عادى يعنى حتى لو باظ فيها حاجة هتتغير بسهولة

يعنى لو لقيت 2005 بحالة كويسة نصيحة هاتها

المشاركة الأصلية كتبت بواسطة mohammedaladel

بالنسبة للفتيس ماشى معايا 121 ألف كيلو بدون مشاكل الحمد لله ... ومقضيها كيك داون على طول وبحرق على الغيارات ولسة زيت المصنع بتاعه متغيرش
بالنسبة للفتيس مشاكله زى مشاكل أى فتيس أوتو

حكاية المراية الضم دى حاجة بسيطة وبتحصل فى أى عربية لما تكون المراية مفتوحة ويجى حد يقفلها بالعافية بإيده بيتكسر جواها زى ترس وبيتغير عادى وترجع زى ما كانت

بالنسبة لعلبة الفيوزات هتتأقلم معاها عادى يعنى حتى لو باظ فيها حاجة هتتغير بسهولة

يعنى لو لقيت 2005 بحالة كويسة نصيحة هاتها

1000 شكر يا باشا
بصراحه انت طمنتني
بس متعرفش اي حاجه عن الرينو السينيك
عشان مش لاقي حد بيتكلم عنها خالص وبصراحه هي عجباني اوي
وخاصه اني معايا ماتريكس وعارف قيمه ان الواحد يبقى معاه عربيه mpv