انتظروا فضيحة الصني على صفحات صوت الأمه غدا الأحد

**loai-omar** · 13-07-2008 04:15 AM

انا عملت سكان للصفحة عشان ايلي ماقدرش يجيب الجريدة

مع الاعتذار لردائة السكانر

**محمد ابراهيم 1** · 13-07-2008 04:24 AM

بكره المعلوم يندفع
وحتلاقى الجرنال كتب إن إتضح للجريده إن صاحب العربيه مغيرش الزيت من ساعه ما اشتراها وانه كان بيحطلها فى التنك مازوت
وإن الأمانه الصحفيه بتقتضى تصحيح الخبر بنفس الحجم وفى نفس المكان
العربيه مغرقه الدنيا وزى الفل والشكاوى منها كلها كلام فارغ وعيوب هايفه جدا زى موكيت الأرضيه و البطاريه مش جافه

**loai-omar** · 13-07-2008 05:31 AM

يا جماعة الكلام ايلي مكتوب عن العربية دي صح

و انا كتبت قبل كده عنها ...

مش معني ان الرداياتير مخروم و العربية تسخن تجيب ماتور!!!!

هوا دا ايلي بنرغي فيه ... مافيش ادعاء ولا كلام من دا

العربية 2006 جابت ماتور اول ما المياه خلصت

و المفروض يتحمل نصف قيمة الماتور الجديد و هيا 2006

سوء استعمال ايه ايلي يخليها تجيب ماتور عشان مياه من غير حتى ماتجيب وش

**Tamer-Ezzat** · 13-07-2008 06:34 AM

أكيد الموضوع دة حيسمع فى مبيعات نبسان على الاقل خلال الشهر دة

ومش حيخلص على اعتذار - دى الدنيا حتتقلب على صوت الامة ,,,

أمال غبور نعمل فيه ايه ,,, دة المفروض يتفضح فى الوقائع المصرية ,,,

**loai-omar** · 13-07-2008 08:07 AM

المشاركة الأصلية كتبت بواسطة t5554983

أكيد الموضوع دة حيسمع فى مبيعات نبسان على الاقل خلال الشهر دة

ومش حيخلص على اعتذار - دى الدنيا حتتقلب على صوت الامة ,,,

أمال غبور نعمل فيه ايه ,,, دة المفروض يتفضح فى الوقائع المصرية ,,,

يا باشا تتقلب على صوت الأمة ليه

دي وقائع الاحداث ايلي حصلت مع السيارة دي..

**ahmedfd** · 13-07-2008 08:48 AM

في الكاتالوج بتاع أي عربية بيتكتب صراحة إن السائق لازم يتابع مؤشرات التابلوه و فيه مؤشرات تعني تنبية و مؤشرات تعني خطر و يجب التوقف فوراً حتى عمل الإصلاح...
يعني حتى لو عيب صناعة أدى لحدوث سخونة في المحرك فالمفروض إن السائق يتوقف طبقاً لتعليمات الإستخدام و الشركة ملزمة بمعالجة العيب ده.
الخلاصة إن لو العيب فعلاً عيب إستخدام فأعتقد إن زميلك كده شهر بالشركة بغرض الضغط عليهم و لو العيب فعلاً منهم فيستاهلوا.
من أفسد شيئاً أصلحه ... دي القاعدة
بالنسبة لصوت الأمة فطبعاً حملة مرسيدس مش محتاجة تعليق .. الناس شكلها كدة عايزة تعمل شغل إعلانات و الناس عصلجوا معاهم و أدي نيسان كمان في الطريق.
و الله أعلم.

**ahmad--ezzat** · 13-07-2008 10:22 AM

ليا مهندس زميلى فى الشغل معاة صنى 2007 تجميع محلى وزوجتة معاها ميجان موديل 2006 والحقيقة يا جماعة بيشتكى من تقفيلها جامد وبيشكر فى الصنى مع انها تجميع محلى . انا بس عايز اعرف اصدق مين؟ واكدب مين؟

**sab3aawy** · 13-07-2008 10:33 AM

ده ردى المتواضع على مقال صوت الامة، ارجو الإطلاع:

http://nilemotors.net/Nile/showthread.php?t=31983

**S H @ F T** · 13-07-2008 03:20 PM

المشاركة الأصلية كتبت بواسطة loai-omar

يا جماعة الكلام ايلي مكتوب عن العربية دي صح

و انا كتبت قبل كده عنها ...

مش معني ان الرداياتير مخروم و العربية تسخن تجيب ماتور!!!!

هوا دا ايلي بنرغي فيه ... مافيش ادعاء ولا كلام من دا

العربية 2006 جابت ماتور اول ما المياه خلصت

و المفروض يتحمل نصف قيمة الماتور الجديد و هيا 2006

سوء استعمال ايه ايلي يخليها تجيب ماتور عشان مياه من غير حتى ماتجيب وش

أرجو انك تقرا شوية عن أسلوب عمل المحرك قبل ما تقول الكلام اللي مالوش معنى ده
ولو تعرف أي حد بيفهم في العربيات هيقولك ان ده طبيعي في أي عربية

**Ramy.Gamal** · 13-07-2008 06:27 PM

هى نيسان فعلا بقت مبتصنعش الصنى فى اليابان يا اما صنى كورى بتنزل لدول الخليج والشرق الاوسط يا اما صناعه امريكى وبتنزل تحت اسم سينترا .انا الحقيقه معرفش مصنع نيسان مصر بيجيب قطع غيار يابانى وشكل قديم ازاى اذا كان مصنع اليابان مبيصنعش الصنى اساسا