ركبت الميزان

**AYMANEZZE** · 13-11-2012 02:19 PM

السلام عليكم
امبارح ركبت الميزان عند مركز عندنا فى صقر قريش فى المعادى الجديدة مركز كويس واللى شغال فيه واحد كان شغال فى توكيل السبع زهراء المعادى واسعارهم كويسة جدأ ومخدتش وقت فى التركيب والحمدالله بس محستش بالفرق الجامد يمكن يبان فى السفر والملفات اكتر المهم الصنايعى قالى محتاج تغير مقصات فقالى ممكن تغيرهم تايوانى لان الاصلى فى التوكيل الجوز بالضريبة بحوالى 1200 جنية وفعلآ سالت التوكيل انما التايوانى فى حدود 400 جنية الجوز بصراحة فرق شاسع بس سؤالى هل المقصات التايوانى دى كويس ولا ايه هل حد جربها ياريت الافادة.

**Land_Cruiser** · 13-11-2012 02:34 PM

خليك فى الاصلى بالذات فى المقصات و بلاش تايوانى لانه مش هيستحمل البهدله و شويه و هتلاقيك عايز تغيره و هتدفع مصنعيه تركيب تانى ده غير المقلب اللى ممكن يعملوه فيك و انت ماشى و تلاقيهم باظوا مثلا. ممكن تجيب نمره حد من موزعين قطع الغيار المعتمدين زى محمد جابر اللى فى شارع دمشق و تسأل عندهم عن الاسعار للمقصات الاصليه احتمال تكون ارخص شويه من التوكيل

**moumen_hs** · 13-11-2012 02:59 PM

الف مبروك ياباشا بس عايزين نعرف التكلفة ومصنعية تركيب الميزان

**AYMANEZZE** · 13-11-2012 04:16 PM

الف مبروك ياباشا بس عايزين نعرف التكلفة ومصنعية تركيب الميزان
شكرأ ياباشا
بنسبة للتكلفة
الميزان الحديد وعدد 2 قفيز وعدد 4 مسامير ب 200 جنيه من الحرفين عدد 2 تيش الميزان أو (بيضة الميزان) والمسامير بتاعتهم وكذلك الصواميل والاطباق دول جبتهم جديد من عند الخواجة اللى فى البحر الاعظم ب 80 جنيه صناعة تايوانى ( كل تيش فى كيس مقفول فى المسامير والكاوتشات والاطباق بتاعته ) المصنعية 70 جنيه

**Sehsss** · 13-11-2012 06:59 PM

مبرووووووك.. أنتم السابقون، أنا والله الحاجة عندي في البيت وما فيش وقت أركبهم.. بس أنا بفكر أركبهم في السبع

**Sehsss** · 13-11-2012 08:20 PM

[quote=aymanezze;3874633982]

المشاركة الأصلية كتبت بواسطة sehsss

مبرووووووك.. أنتم السابقون، أنا والله الحاجة عندي في البيت وما فيش وقت أركبهم.. بس أنا بفكر أركبهم في السبع
شكرأ ولكن السبع التركيب عندهم غالى فى حدود 300 او 400 جنيه

ماهو بيقولك في التليفون 400 ولما تروح بتوصل لـ225 جنيها