سلامو عليكو
يا جماعه انا معايا كيا سيراتو 2008 اخر حاجه ف الشكل القديم
المهم النهارده كنت ماشي عادي جدا وفجاه سمعت صوت كان في كرتونه علقت ف الاكصداام والعربيه كركرت جااااامد المهم كان ورايا واحد وانا كنت ف شارع جانبي ف اضطريت امشي مسافه 100 متر مثلا عشان اعرف اركن المهم طفيت العربيه ونزلت اشوف فيه ايه ملقتش حاجه قولت يمكن كرتونه ووقعت المهم رجعت تاني ادور العربيه دارت معايا وتمام والمسجل كمل عادي جدا
اه نسيت العربيه فتيس اوتوماتيك سيبترونيك المهم بجيب العربيه على الـ D الاقي العربيه مبتتحركي ادووس بنزين وازود لحد ما الـ rpm وصل لحد 3000 لفه قلت يمكن علق ولا حاجه طفيت وشغلت تاني كل حاجه تشتغل تمام والعربيه ما تتحركش اجيبها على الـ R وادوس بنزين تقوم العربيه ناطره لورا كان العربيه ع الـ p المهم طفيت ونزلت شيكت عالعربيه من تحال وشوفت الكبالن وبصيت ع الشاسيه كلو من تحت مالقيتش اي حاجه تلفت النظر .. المهم كلمت الميكانيكي مع العلم ان كان بيني وبين بيتي 4 شوارع بس المشكله ان العربيه واقفه ف مكان لو سيبتها فيه ممكن تتقلب او تتخبط المهم الميكانيكي جه بص ع العربيه وشيك ع زيت الفتيس لقاه مظبوط شيك ع الكهرباء تمام بص ع الكبالن كلو تمام صوت العربيه عادي بص من تحت تمااااام الجير بيتحرك ميه ميه كان مفيش حاجه بس العربيه مش راضيه تمشي قام رافع العربيه بالكوريك وداس بنزين لعل وعسى الكوتش يتحرك وهو ف الهوا مفيش اي بتنجان المهم جه يحرك الكوتش بايده كده مرضيش يلف كانو واخد غيار
قالي مفيش غير اننا نحل الكبالن ونزقها لحد البيت ونربط الكبالن تاني بس ده هاياخد 3 ساعات وزيت الكبالن هايقع ع الارض
وبعديها جالو تليفون واضطر يمشي
فضلت واقف مكاني 3 ساعات مستني اي ونش يعدي عشان يقطرهالي
مفيش اي حاجه
كلمت الدليل واخدت منهم رقم شركه وكلمتها وهاتك يا استغلال
المهم جت العربيه وجت ترفع عربيتي ع ضهر العربيه وانا قلبي بيتقطع لان الكوتشات الاماميه مسوجره وبيطلع العربيه بالزحف
المهم وصلنا عند البيت
وجه ينزل العربيه فك السلسله وهاتك يا صدمه العربيه مش راضيه تتعتع من ع ضهر العربيه ومش راضيه تنزل
المهم بعد عنا عرفنا ننزل العربيه ف نص الشارع
طيب يا جماعه عايزين نحضن العربيه واحد ناصح قال نشيلها ونقربها من الرصيف من قبل ما افتح بوقي كانو نفذو اصلا ومخدوش بالهم وطبقولي العربيه من المكان اللي فوق الكوتش اللي هو الرفرق وخلعو الاكصدام من مكانو
المهم ركنا العربيه ف مكانها ومن استغلال الشركه اللي قطرتلي العربيه خدو 150 جنيه
والمسافه والله كانت 7 دقايق انا حسبتوهم قسما بالله
المهم دلوقتي انا مش عارف اعمل ايه
هل الفتيس كده باظ ؟؟ ولا دي مشكله ف حته تاني
ف حد قالي شيك ع كهربه العربيه
واحد قال الريداتير وهاتك يا فتي ف بلد المليون مفتي
ممكن لو حد يعرف العيب فين يقولي لان الفتيس لو هايتغير انا ممكن ارمي العربيه ف النيل ارحملي من اني اشتري فتيس ب 13.000 جنيه استيراد
واسف لو طولت بس انا عشمان فيكم ان حد يدلني اعمل ايخ