عرض للطباعة
انا كنت فاتح حساب قديم فى البنك الاهلى المصرى وسحبت كل اللى كان فية وسيبتة مفتوح بقالة كام سنه ولقيتهم باعتين ليا جواب بيقولوا فية انى عليا فلوس مصاريف ادارية ولازم اسددها علشان اقفل الحساب
انتوا ايه رايكوا انفضلهم وللا ادفع الفلوس علما بأن الحساب ميلزمنيش فى تلاتين الف جزمة وياترى فيها اى حاجة جنائية ولا حاجة ؟
ياريت اللى عندة معلومة يفيدنى
كراي فقط
حضرتك استفد من الحساب وخت حقوقك كاملة وفلوسك
يبقي اقل تقدير تدفع الفلوس دي وهي مش هتكون كتيرة
بس علي الاقل متحسش ان في اي حد ليه عندك اي شئ ..
المشكلة انك لو ما دفعتش هيسجلك عند البنك المركزى انك فى القوائم السلبية وممتنع عن السداد
فا يا تسوى معاهم ودى....عن طريق انك تدخل وتقابل مدير البنك......وانت وحظك....يا إما تكبر وتدفع (وده رأى) وتريح دماغك
السلام عليكم ورحمه الله
حساب البنك لما مبيبقاش فيه فلوس خلال فتره زمنيه معينه ولاتوجد حركه عليه يتم اغلاقه
لكن المطالبه بمصاريف اداريه بدون ان يكون هناك فلوس فى الحساب هذه نكته جديده
البنك لن يستطيع الشكوى للبنك المركزى ولاحاجه لانك لم تاخذ فلوس منهم
اذهب الى مدير البنك وتكلم معه من مركز قوى وهدده انت بانك سوف تشتكيه لللاداره العليا والبنك المركزى ولاتقلق من شى
واخبرنا بالتطورات معك
يعني على حسب اللي فهمته أنه مجرد حساب مفيهوش رصيد يعني لا كارت أئتمان و لا قرض..
فلو زي ما انا فاهم و أنت سايب الحساب مفيهوش فلوس كذا سنة و مش فارق معاك أصلاً فنفض تماماً و متروحش تعمل أي حاجة و هما هيتضروا يقفلوه و الموضوع مفيهوش أي حاجة جنائية..
ياباشا هو ده حساب جاري ولا حساب ادخار
ولا حساب ائتمان زي كريديت كارد او خلافه؟
نفضلهم ومتروحش لو مش همك الحساب خاااااااااالص لأنك ممكن تحتاجه بعد كده لو مش فاتح واحد تانى وحد جه يحولك فلوس عليه
فلو مش محتاجه يبقى سيبك منهم
ادفعلهم علشان متنزلش بلاك ليست فى البنك المركزى
و علشان دا دين عليك كمان
كان واجب انك تروح تقفل الحساب لما سحبت الفلوس
المفروض ان الحساب لما ميتعملش عليه عمليات فى فتره معينه يحددها البنك (احيانا سنه او سنتين) بيتحول لحساب Dormant أي يتم تجميده لحين ظهور صاحب الحساب والمفروض كل بنك له سياسه فى التعامل مع النوع ده من الحسابات اللي هتحتاج تعرفها الاول قبل ما تقرر هتعمل ايه فى الموضوع.
هو لو حساب توفير فالبنك مش هيعرف ياخد المصاريف دي طول ما مفيش فلوس في الحساب.. بس لو حساب جاري البنك هياخد المصاريف حتى لو مفيش فلوس في الحساب و هيقلبك الحساب و هيبقى في كده عليك unauthorized overdraft و هيفضل كده فترة لحد ما الحساب يتقفل و تتبلغ بلاغ ليستد في المركزي ... فلو كده يبقى تروح تدفع الفلوس دي احسن..
زى ما قال معظم الأعضاء...........روح أدفع علشان متنزلش فى القايمة السوادء بتاعة البنك المركزي
ده غير أن كل بنك بيحدد مصاريف معينة و حد أدني للحساب........لو الحساب قل عنها بيبتدي ياخد منك مبلغ شهري............بتفرق من بنك للتاني و من نوع الحساب.
انا كان عندى حساب فى cib وسحبت كل الى فيه و مستخدمتهوش لمدة سنة و بعد كده جيت احط فلوس فيه لقيته اتقفل و عاوزنى افتح حساب جديد
مصاريف الحساب فى البنوك سنويا او نصف سنويه بتيقى كلام فاضى 80 90ج
روح ياباشا واتكلم بقللب جامد انك مصفر الحساب ومعلوش شغل ولا سحب ولا ايداع وادخل لمدير الفرع واتكلم معاه
ولا تقلق خالص بس الاحسن انك تروح فعلا عشان زى ماقالو الاخوه كده بعد كده ممكن تكون عاوز اى حاجه كريديت كارد او قرض او اى حاجه هيرفضو
روح ومتقلقش وتفاوض معاه
وطمنا عليك وباخر التطورات
انا بقى عندى نفس المشكله وخايف حبيت اعمل شهادات بلاتينيه لو حد يعرفها اللى هيا فيدتها 11.5 المهم قالولى لازم تفتح حساب وفتحت حساب واعطونى كارت فيزا وحساب جارى المهم كل ماتنزل ارباح على الشهاده دى هيا ب 1000 يروحو واخدين الفلوس فا دلوقتى انا ناوى اسحب الشهاده دى والحساب فى مبلغ حوالى 10 جنيه وطبعا السنه الجديده جايه ومش هيبقى فى مبلغ يغطى مصاريف البنك ما الحل ؟؟؟؟ واسف على الاطاله
الحل إنك تروح البنك ده يوم الأحد وقلهم أنا عايز أقفله خالصاقتباس:
المشاركة الأصلية كتبت بواسطة ahmed air
يقولك ما تخليه انت خسران إيه؟ قله لأ أصل فيه كذا حساب وأنا مش محتاج ده
بس كدة
واتأكد إنه قفل الحساب لأنهم ساعات بيريحوا نفسهم ويسحبوا الفلوس اللي انت حاططهم في الحساب يديوهلك بس يخلوا الكسور (مثلا حسابك x و 13 قرش) فيدوك الx ويخلوا ال13 قرش وبكدة يفضل الحساب مفتوح باسمك فاتأكد إنهم صفروا الحساب خالص وقفلوه خالص
اقفل الحساب الجارى لان مصاريفه كل ثلاثه شهور - الغى الكرديت كارد الذى اعطوه لك.اقتباس:
المشاركة الأصلية كتبت بواسطة khaled online
دع حساب التوفير فقط لان مصاريفه تقريبا 40 جنيها مره واحده سنويا
ربنا يخليكم يا جماعه بجد
الحساب بيبقى عليه مصاريف ادارية سنوية
لو ما دفعتشهاش بتتكوم بالسالب حتى لو مش حساب قرض
و لو ما دفعتش ... أسمك هاينزل عند البنك المركزي في القوائم السلبية (المديونة ) و هاتتعب في اي تعاملات بعد كدا لو عايز تتعامل مع بنوك .
فالأفضل ليك أنك تدفع و ده لمصلتحك .
كل البنوك بتعمل كدا