السلام عليكم
اخوانى الكرام .....الاستاذ/ باسم
من مده شهر كتبت الموضوع فى منتدى للسيارات شهير .... ولم يرد على احد لاننى كنت قد قرات من خلال مواقع للسيارات كثيرة على النت ان السيارة f3 كانت تاتى من الصين معالجة ضد الصدأ ...
ولكن بعد تجميعها فى مصر اصبحت لاتدهن او نقول يوجد عدم اهتمام لدهانها بالشكل الامثل المتعارف عليه عالميا ....ومن مده اسبوعان تقريبا لى صديق بيبحث عن سيارة يشتريها فذهبنا سوق السيارات
فوجدنا بعض السيارات f3 للبيع وعند فحص الصاج والحوض ..... يوجد صدأ او بداية بارومة مع ان السيارة كانت موديل 2010 وكذلك يوجد تقشير فى الدهان وتجد فيه صدا ... شىء محير جدا ...سيارة اخرى 2011 العتب ملى بالصدا والبارومة وكلاه ..وعند نهاية الابواب
وعند السؤال لبعض الاصدقاء وجدنا صديق يعرف احد العاملين بشركة الامل ...فقال له ان السيارة البى واى دى f3 من احسن السيارات واقواها وانها جميله من جميع النواحى ....ما عدا وده اللى قالوا لصديقنا ان العمال لاتهتم بدهان الشاسية بمانع الصدا وانه يوجد مسدس واحد للرش يتم تبادله بينهم .وان طبقة الدهان المانعة للصدا يتبقى ضعيفة جدا ويعتبر اللون النهائى للسيارة وكانه على الصاج مباشرتا..وان السيارة سريعة الصدا لو حدث للون اى خدش .....
والحقيقة يا اخوانى انا من ساعة ما سمعت الحوار ده وانا متعكنن وزعلان جدا ...لاننى حابب السيارة دى جدا وكان نفسى اجيبها !!!! طبعا الكلام كتير علشان كده قلت ياريت كل الاعضاء اللى عندهم السيارة من سنتين مثلا يشوفوا موضوع الصدا وا كان فى بارومة فى الاماكن اللى اتكلمنا عليها فى اول الموضوع ..... عاوزين نطمن يا جماعه ....( ويارب يكون كل اللى سمعته غلط)
المفضلات