هل صاج البى واى دىf3 معالج ضد الصدأ

**ahmed1981** · 13-12-2012 03:50 AM

أضيف حاجة مهمة
لو كانت ال إميجراند7 emgrand 7 موجودة أوتوماتيك
كنت جبتها طبعاً لأنها مكسرة الدنيا خارج مصر
لكن مش عارف التجمييع المحلي هيعمل فيها إيه

**bassem.naguib** · 13-12-2012 08:27 AM

المشاركة الأصلية كتبت بواسطة ahmed1981

مبدئياً أنا بتكلم عن الأوتوماتيك
نفس الحكاية

المشكلة إن أسعار العربيات في الطالع
مش عارف ليه
البروتون ساجا كانت ضمن الإختيارت لكن سعرها زاد 5000 جنيه
وأصبح سعرها 79500 جنيه وهو نفس سعر اللوجان الرسمي
بس الساجا 1300 سي سي
الأفيو أنا مستبعدها تماماً مسألة مبدأ ( لن أشتري سيارة موديل 2013 بموتور موديل 1999 أو أقدم )
أنا بقى مستغرب رأيك ده .. لأن اللوجان نفس الموضوع في تكنولوجيا الموتور .
البي واي دي إف3 كويسة وممكن تدخل في النقاش لكن مقارنة باللوجان تعتبر غالية لكن معذورة لأن اللوجان بدون جمارك
ومشاكل التقفيل فيها كثير
والصيني منها شفتها خارج مصر وبرضه كان تقفيلها مش قد كده
تمام .. واللوجان برضه ليها مشاكل في التقفيل على ما أعتقد .

دخلت الجن2 في الإختيارات ولكن برضه سعرها زاد ووصل 99500 جنيه
وخاماتها الداخلية أقل من اللوجان أو مساوي لها
تمام هي والبيرسونا ... وأعتراضي عليهم أن الصالون بتاعم ضيق .. بالإضافة لاستهلاك البنزين الملحوظ نسبياً.
السريون سعرها أصبح 103500 جنيه (غالية جداً)

الخلاصة إني في النهارية رايح على اللوجان وتحديداً الساندريو (لوجان هاتش باك)

السندريو شكلها من الأمام أكثر تميزاً
بالتوفيق إن شاء الله .. ومتنساش طبعاً تعمل استخارة .
وبرضه ساعدني برأيك

ههههههههههه .. أساعدك برأيي .. ما أنا برضه في نفس الحيرة .. ولكن ما توصلت إليه بالرينج ده هو حاجة ياباني مستعمل .. وأنا بقلق من المستعمل جداً خاصة لو اتوماتيك .

**bassem.naguib** · 13-12-2012 08:35 AM

المشاركة الأصلية كتبت بواسطة ahmed1981

أضيف حاجة مهمة
لو كانت ال إميجراند7 emgrand 7 موجودة أوتوماتيك
كنت جبتها طبعاً لأنها مكسرة الدنيا خارج مصر
لكن مش عارف التجمييع المحلي هيعمل فيها إيه

حتنزل أتوماتيك على بدايات العام القادم .. بس للأسف حيكون 1800 سي سي .. وده طبعاً مش مناسب في ظل الحوارات الخاصة برفع الدعم عن البنزين .

وخلي بالك مواصفات العربية خارج مصر غير مواصفات العربية اللي بتتجمع في مصر .

ما تفتقره السيارة عن مثيلاتها بالخارج :

فتحة سقف .
إيرباج جانبية .
GPS .
نظام مراقبة ضغط الإطارات .
طارة مالتي فنكشن .

http://www.nilemotors.net/Nile/316840-a.html

**ahmed1981** · 16-12-2012 03:45 AM

توجد نقطة مهمة يجب أن أوضحها بخصوص مقارنة أي عربية باللوجان أو السندريو لأنهما بدون جمارك حسب إتفاقية أغادير

اللوجان سعرها الحقيقي بالجمارك هو نفس سعر الهيونداي أكسنت آر بي
يعني سعرها الحقيقي يتجاوز 100000 جنيه
وبالتالي في أي مقارنة مع سيارة أخرى لابد أن تضع هذه النقطة في حسابك

-
-
-

المشاركة الأصلية كتبت بواسطة bassem.naguib

الأفيو أنا مستبعدها تماماً مسألة مبدأ ( لن أشتري سيارة موديل 2013 بموتور موديل 1999 أو أقدم )
أنا بقى مستغرب رأيك ده .. لأن اللوجان نفس الموضوع في تكنولوجيا الموتور .

موتور اللوجان الأوتوماتيك هو موتور ميجان 2 موديل 2002

موتور الأفيو هو نفس موتور اللانوس وإنتاج التسعينات مش عارف السنة بالظبط

المشاركة الأصلية كتبت بواسطة bassem.naguib

البي واي دي إف3 كويسة وممكن تدخل في النقاش لكن مقارنة باللوجان تعتبر غالية لكن معذورة لأن اللوجان بدون جمارك
ومشاكل التقفيل فيها كثير
والصيني منها شفتها خارج مصر وبرضه كان تقفيلها مش قد كده
تمام .. واللوجان برضه ليها مشاكل في التقفيل على ما أعتقد

من وجهة نظري الخاصة تقفيل اللوجان أفضل من البي واي دي

المشاركة الأصلية كتبت بواسطة bassem.naguib

ما توصلت إليه بالرينج ده هو حاجة ياباني مستعمل .. وأنا بقلق من المستعمل جداً خاصة لو اتوماتيك .

اللي يقدر على الزيرو ويجيب مستعمل بيندم
وأنا شخصياً غلطت الغلطة دي زمان ومش ناوي أكررها تاني
__________

هذا الأسبوع ألقيت نظرة على البريليانس FRV
الشكل جميل جداً
التقفيل معقول
سعر الأوتوماتيك معقول 86000 جنيه

أسوأ حاجة هي الخامات الداخلية رديئة ورخيصة
حتى كرسي السائق لا يمكن تحريكه لأعلى ولأسفل

والحقيقة القرار خدته داخل المعرض برفض البريليانس تماماً لأن الرينو السندريو خامتها أفضل بكثير

الحقيقة أنا قريب من السندريو بسبب أنها من الأمام بها الشكل الجديد اللي نزل بره للإتنين (سندريو ولوجان)
لكن الوكيل محتفظ بشكل اللوجان القديم في موديلات 2013 رغم إنه من أكبر عيوبها

آخر حاجة ممكن أفكر فيها قبل الشراء إني هشوف الدايهاتسو سيريون وإن كانت غالية
لكن الياباني كعبه عالي برضه
والغريب إنك لو قارنت حجم السندريو وحجم السريون من الخارج ستجد السندريو أكبر
لكن ستجدهم من الداخل بحجم واحد تقريباً

Daihatsu Sirion - Specifications

Sandero - specifications

ربنا يوفقنا للخير

**bassem.naguib** · 16-12-2012 08:17 AM

موتور اللوجان الأوتوماتيك هو موتور ميجان 2 موديل 2002

متأكد من الموضوع ده .. لأنه على حد علمي أن موتور اللوجان بصفة عامة هو موتور ميجان 1

ومع ذلك أنت حسمت قرارك في اخيار سيارة أوتو فئة هاتش باك .. أنا المشكلة معايا أني مش عاوز هاتش باك .. فمازلت في نفس الحيرة .

وربنا يوفقك للخير إن شاء الله .

**bassem.naguib** · 16-05-2013 05:56 PM

المشاركة الأصلية كتبت بواسطة tarekhassan88

السلام عليكم

هل يوجد جديد بالنسبه للموضوع ده لانى بصدد شراء سياره بى واى دى ان شاء الله

استاذ باسم هل حضرتك تابعت هذا الموضوع فى الاجتماعات ام لا و ما هو رايك الان

وسؤال رخم هو حضرتك اشتريت عربيه نوعها ايه

رأيي قلته لحضرتك في المشاركة دي :
http://www.nilemotors.net/Nile/3874989261-post8.html

أنا لسه ربنا مأردش وأشتريت حاجة لسه نظراً لظروف خاصة .. فمأجل الموضوع ده شوية .. وسؤالك مش سؤال رخم ولا حاجة .. على الرحب والسعة يا باشا .. ولو ربنا أراد وحضرت مقابلة من مقابلاتنا .. الكلام فيها بيكون باستفاضة وعكس الكلام على المنتديات لأن الشرح بيكون عملي وبالتجربة والرؤية .. وليس مجرد كلام .