الموضوع: هل صاج البى واى دىf3 معالج ضد الصدأ

بالظبط كدة .. اللي عاوز أوصله لحضراتكم أن دوكو الفابريكة مبيبقاش واخد معجون خالص زي ما هو موجود في الصورة التانية .. إنما طبقة فيلر خفيفة قبل طبقة الدهان .

الصورة الأولى عربية فابريكة (ومش عاوز أقول ماركة العربية) هي بالمناسبة سيارة صيني برضه .. ولكنها مشهورة أن صاجها ناشف ومحدش اتكلم عن الدوكو بتاعتها خالص ... ولو دققت في الصورة حتلاقيها واخدة طبقة فيلر بس مش اللون الأحمر .

أنا من وجهة نظري (وليس رأي بشكل جازم أن كلامي صحيح) أن ده حتى مش صدأ صريح .. لأن كلمة صدأ معناها تآكل الصاج أو مبادئ بارومة .. بس ممكن نقول أنها اللون الأصلي للصاج .

كلامي طبعاً يحتمل الصواب أو الخطأ .. وفي أنتظار تفسيرات أخرى لو حد عنده خبرة أكتر في مجال الدهانات والصاج .

وخبر كويس أن الونة راحت .. بس لازم نميز برضه بين الصوت "المميز" لكل مكنة في أي عربية .. وبين صوت طالع من الفتيس .. ومعتقدتش المدام حيكون عندها خبرة كافية لتمييز الفرق .

المشاركة الأصلية كتبت بواسطة lonedoctor

والله انا عندى الكورولا اتجرحت والصاج ظهر تحت البوية حاجة تانية خالص ومافيش اى صدى نهائى فى طبقة لونها ابيض او رمادى غامق زى ما هى من سنتين مثلا

ما هو ممكن تكون التجريحة دي يا دكتور ماكنتش عميقة بالدرجة الكافية أنها توصل للصاج نفسه زي ما في الصورة الأولى .

أنا كلامي مش دفاعاً عن العربية .. ولكن للوصول للحقيقة .. وخاصة أن خبرات أي فرد فينا بتختلف من واحد للتاني في تقييم الأمور .. يعني على سبيل المثال أستاذ/ علاء قال أن فيه بارومة أو صدأ في حوض سيارة كان بيعاينها في السوق .. على حين لو كان أخد باله شوية مكان الصدأ ده أو تقشير الدوكو جنب علبة زيت الباكم أو الباور مثلاً .. فممكن نستنتج أن أثناء تزويد السيارة بزيت الباكم وقع شوية في حوض العربية .. وكلنا عارفين زيت الباكم بيعمل أيه في الدوكو .. وده مجرد توقع مش أكتر ولا أقل .

المهم في الأخر نطلع بنتيجة صحيحة من خلال المناقشات دي .