ما نسبة ما يأخزة المأذون من المهر

**شريف** · 14-11-2012 02:54 PM

السلام عليكم

ما نسبة ما يأخزة المأذون من المهر مقدم و مأخر 2% ولا 7% و لا 10%
و اية صحة الورقة اللي بتتكتب بالمبلغ دة بديل عن الكتابة في عقد الزواج و لتوفير نسبة ما يأخذة المأذون و اساسا مدة صحة ان المأذون ياخذ اتعابة كاملة زائد نسبة كمان من المهر مفروض شرعا المهر كامل للزوجة دة عرف دة و لا نسمية اية !!!!!!!!!!!!!!

**احمد المصرى** · 14-11-2012 03:39 PM

انا مش فاهم انت تقصد ايه بس ال بيحصل ان الماخر ال انت بتكتبه المازون بياخد عليه نسبه مش منه

بمعنى انك لو كاتب ماخر 15 الف مثلا هيقولك هاخد 500 جنيه دى اتعاب المازون مش بياخد 500 من 15 الف لا دول اتعاب غير ال 15 الف خالص

هو مش بياخد حاجه من المهر ولا من الماخر ولكن بياخد حسب الماخر لا اكثر

**احمد المصرى** · 14-11-2012 04:02 PM

بس كدا كتير جدااااااااااااااااااا 70 جنبه على الالف يعنى لو كاتب 15 الف ياخد 1050 جنيه كتير اوى

**khaled_legend** · 14-11-2012 05:07 PM

انا داخل اقول جمله واحده "متتجوزش احسنلك"

**yaserbasha2000** · 14-11-2012 05:59 PM

"كل زوج جديد يدفع 1.5% عن المائة جنيه الأولي من قيمة المهر المقدم والمؤخر و2% فيما زاد عن المائة جنيه هذا إذا كان المهر مسمي ويدفع جنيهين عن المهر اذا كان غير مسمي في الوثيقة ومبلغ 15.5 جنيه قيمة وثائق الزواج وتحصل لوزارة المالية و50 جنيها لصندوق تأمين الأسرة.. الوزير أشار أيضا أن القوانين تحدد بوضوح الرسوم المستحقة علي الزواج والطلاق"

ده كان تصريح لوزير العدل في 2010 و مأظنش فيه قوانين اتعدلت في الفتره دي

**abogogo** · 14-11-2012 06:05 PM

المأذون بياخد من 7% الى 10% من المؤخر او حسب الاتفاق ( مقاولة) ... أما بالنسبة للورقة اللى بتكتبها دي إسمها قائمة المنقولات ممكن يتحط فيها بزيادة بدلاً من أن يكون المؤخر كبير ...
لكن معلومة غائبة عن كثير من الناس .... المؤخر ده بيعتبر دين على الزوج لازم يسدده إلى زوجته في حياتها أو تسامح الزوجه الزوج إذا مات ...!! وإلا أعتبر دين في رقبة الزوج ولذلك إذا توفى الزوج يخصم مبلغ المؤخر من الميراث ثم يقسم الميراث بعد خصم المؤخر ... وألف مبروك ربنا يتمم بخير ... وتقبل تحياتي