الموضوع: رجاء استشارة فى موضوع المهر و الشبكة و المؤخر

المشاركة الأصلية كتبت بواسطة ahmodium

كل حاجه بالاتفاق

بس عايز نصيحتي

مفيش اجدع من الشرع

العريس اللي بيجهز كل حاجه

ماتتخضش

صدقتي

لو جهزت انت كل حاجه على قد امكانياتك

هاتدفع اقل من ما تعمل الحاجه بالنص

لأن لما هاتعمل الحاجه بالنص

بيكون الحمل أخف

فهاتجيب هاجات اغلى

فبدل ما هاتجيب تلفزيون 21 بوصه مثلا

هاتجيب تلفزيون 29 سوبر فلات

وبدل ما عاتشتري سفره مثلا ب 10000 ج هاتجيب سفره ب 16000 مثلا


أنا طبعا عملت زي ما كل الناس عملت والنص بالنص

بص لو كنت انا اللي فرشت كل حاجه من الاول للاخر

كنت هاصرف نفس اللي صرفته

100 % والله

أهم حاجة التوفيق بين الشرع و العرف في الأمور دي و الاتفاق على كل حاجة من قبل قراية الفاتحة عشان فيه ناس بتأجل الدخول في التفاصيل دي لحد قرب كتب الكتاب و ترك المسائل عايمة كده بيعمل مشاكل و فيه بيسيبوا بعض بسبب الاختلاف على الأمور بعد خطوبة لأكتر من سنة و بيكونوا خلاص داخلين على كتب كتاب.

ربنا يوفقك يا رب للزوجة الصالحة و يرزقك الخير :)

المشاركة الأصلية كتبت بواسطة OlaOsman

أهم حاجة التوفيق بين الشرع و العرف في الأمور دي و الاتفاق على كل حاجة من قبل قراية الفاتحة عشان فيه ناس بتأجل الدخول في التفاصيل دي لحد قرب كتب الكتاب و ترك المسائل عايمة كده بيعمل مشاكل و فيه بيسيبوا بعض بسبب الاختلاف على الأمور بعد خطوبة لأكتر من سنة و بيكونوا خلاص داخلين على كتب كتاب.

ربنا يوفقك يا رب للزوجة الصالحة و يرزقك الخير :)

+1000000000000

أنا لا خاطب و لا حاجه بس من كتر أصحابي اللي اتجوزوا أو لسه مخطوبين شايف ان أفضل حاجه الاتفاق على كل شئ في البدايه خالص ...... أي حاجه مهما كانت صغيره ممكن تعمل مشاكل لو مكنتش واضحه من الأول

و ربنا يكرمنا جميعا

المشاركة الأصلية كتبت بواسطة atamim

الحقيقة مكنتش اعرف الموضوع دا

طيب لو الراجل اتوفى قبل الزوجة بيسقط ولا بيخصم من التركة؟

لا يسقط الا في حالة واحدة فقط وهي ان الزوجة تسامح فيه لكن لو مكانتش سامحت فيه وحصل وفاة للزوج يخصم من التركة قبل توزيعها ومالوش دعوة بورث الزوجة سواء الربع او الثمن عشان كده لازم يخصم قبل توزيع التركة تماما ولو لم يتم خصمه بيكون دين عليه طبعاً ويُسأل عنه يوم الحساب.

فعلا بالنسبة للكلام اللي حضرتك ذكرته بيبقي بالإتفاق يعني مفيش قاعدة ثابتة ولا مبلغ ثابت ويفضل زي ماقالت علا ان الاتفاق على كل شئ وكل التفاصيل يكون قبل عقد القران وقبل الخطوبة كمان عشان ميحصلش لاقدر الله مشاكل وينتج عنها فسخ خطوبة او طلاق لا قدر الله.