الموضوع: ارجوكم افيددونى بسرعة العربية ديه كده غالية قوى

المشاركة الأصلية كتبت بواسطة MohammedAladel

ودى إيه اللى بيغليها عن السيفيك العادية المشهورة ؟؟ موتورها أقوى يعنى ولا إيه بالظبط وهل كانت بتنزل وكيل ؟؟

الهوندا فى منها فئتين lxi , vti وهما فئتين بس اللى بينزلوا

ال lxi : كانت ب 158 الف جنية

ال vti : كانت ب 189 الف جنية بالفرش الجلد , و 178 من غير فرش جلد

طبعا المحرك هو هو بس بيزيد على السيارة اوبشن كتير اهمهم :

1- paddle shift

2- air bags 4

3- فتحة سقف

4- نظام vsa ( الثبات الالكترونى ) ( vehicle stability assist )

5- عرض استهلاك البنزين والمسافة والكمية المتبقية

6- dvd

7- multi function

8- مصابيح امامية تكيفية يعنى لما العربية تكون محملة كل الافراد الضوء يظبط الانوار على الطريق بحيث مايكونش ضارب فوق ومالوش اى لزمة

طبعا بجانب الاوبشن بتاع الرفاهية اللى موجود فى ال base line

واوبشن الامان ( abs- ebd- immoblaizer )

المشاركة الأصلية كتبت بواسطة hany63

بعد اذن سمسم بما اني راكبها
اولا ما فيهاش دي في دي
بتزيد الاتي :
جنوط اسبور اصلي
فتحة سقف
تكييف ديجيتال
٢ ايرباج اضافيه في الاجناب
شيفت في الطاره وده حكايه لوحده
طاره رياضيه جلد طبيعي
توصيلة ايبود و فلاشه
زينون اصلي
فوانيس شبوره
ملتي فنكشن
انذار اصلي
اشارات في المرايا
حلية شكمان
نواكل في الاجناب
عزل كبوت و شنطه
درجة حراره خارجيه و حساب استهلاك وقود
مع احترامي للي بيقول ميه الف ياريت يعرف هو بيقول ايه
و العربيه دي حاجه تانيه غير ال lxi كركوبه
من الاخر لو الفئه اللي فيها جلد طبيعي انت و شطارتك في الفصال اما لو من غير الفرش الاصلي نزل ٥ الاف

ياباشا ربنا يباركلك فيها

انا بس محبتش اضيف الاوبشن اللى هوندا متعودة علية , انا دخلتلة فى المفيد على طول

لان من المعروف ان هوندا بتنزل بنظام معين لا غنى عنة و والحاجات اللى بالنسبة لغيرها كماليات هية عندها اساسيات

بس انت بقى ضيفتة مش عايزين حد يتعقد اوى كدة

والف حمد لله على سلامتك ياباشا