اقتباس المشاركة الأصلية كتبت بواسطة tarek_rcc مشاهدة المشاركة
اولا حيي حضرتك على اسلوبك الراقى بالحوار ....
ثانيا: موضوع الكوبونات دى ها يديك حوالى 1500لتر شهريا يعنى 50لتر يوميا ودى يدى 500كم يوميا معقول جدا ....واللى حابب يزود يبقى بالسعر الحر ....

1- جاب للبلد استثمارات ب200مليار جنية من الصين وقطر و ..... فى 5 شهور بس
فين دول يا فندم يعني قصدي لسه البطاله مقلتش لسه حال الفرد صعب و عايشين علي الحديده و ابتدينا نشوف الاسلوب اللي -لا تعليق عليه- انى اجي علي الفرد اللي طافح الكوته و اهريه دفع من كل اتجاه الناااااس تجيييييييييييييييييب منيييييييييييين نشحت مثلا -طب مين اللي هيشحتنا بقي -
انا مع حضرتك تمااام انه فعلا لسة ما فيش تغيير واضح بس يا جماعة احنا لازم نصبر على الاقل سنة ونشوف مش 4-5 شهور وكلهم مشاكل
2- شال المجلس العسكرى اللى حكم مصر من 1952 واصبح عندنا ريس مدنى مش عسكرى
على فكره الموضوع ده مش انجاز لان لما اترمى كلام كده ان طنطاوى اتمنع من السفر و لما مش عارف مين قال احنا مش زي طنطاوي و المجلس العسكري نتعزل بسهوله الجيش قام و ابتي كلام يظهر عن انقلاب عسكري و ده رعب الرئاسه طبعا طلعوا بسرعه ينفوا ان المشير السابق مش ممنوع من السفر و لطفوا الجو مع الجيش و قصدي من المثال ده ان لو كان طنطاوى عايز يقلب البلد كان قوم الجيش علي الرئاسه مثلا ...
الجيش المصرى اكثر من محترم ولو كان عايز يخربها كان خربها من 25 يناير
3- بيحاول جاهد القضاء على الفساد اللى هايوفر لميزانية الدولة مليارات ( بس فيه ناس مش عايزة الكلام دة ) اقصد فتح ملفات الفساد ..
مين يكره كده ياريت نلاقي فلوس الدوله مين يكره نحاكم الفاسدين...
المطالبين بعدم اقاله النائب العام وملفات الفساد مالى مكتبه
4- استرد 11 مليار جنية من الفاسدين وبالطريق 50 مليار اخرى
ودة مش دفاع عنه لانه عندة اخطاء بالجملة بس العذر انة لسة ريس (جديد) بس عنده النية بالاصلاح
وربنا يولى من يصلح حالنا يا رب
تحياتى
كلنا مش بنكره مرسي لله في لله احنا كارهين الوضع السيء و حالنا في حكمه بالتالي بينعكس عليه و علي فكره انا مش ليبرالي و لا علماني و لا فلول ..
تبقى أخوانى ههههههههههه
انا مواطن نفسي اشوف رئيسى بيعمل خير لبلده و همه مصلحة افراد شعبه مش عصرهم من كل حاجه و شيل الدعم من عليهم و نفسى على مستوي الافراد بقي ان احنا منشككش في بعضنا و اني اقول لحد يا فلول و الحد يرد يقولي يا اخواني نفسي الموضوع يبقي اتنين عايزين يقوموا بلدهم و مختلفين في الطريقه مانش الاقي واحد من المزعوم انهم اصحابي يقولي اصلك بتحقد علي مرسي -حصل فعلا الكلام ده- و كأني كنت بنافسه علي الكرسي و خده مني سبحان الل
طبعا يا صديقى فيه انقسام كبيير حاليا ... لكن العقل بيقول ادى الراجل فرصة ولو ما نجحش بعد سنه حتى يبقى كلنا نطالب باقالته ونجيب حد تانى وبرضة نساند التانى لما ينجح مش كدة برضة ....تحياتى
اولا ربنا يخليك و شكرا علي ذوقك ,,,, ثانيا حضرتك متأكد من ان ال 1500 لتر شهريا علشان انا اللي كنت فاهمه انها 1500 لتر سنويه يعني بمعدل 5 لتر يوميا او اقل شويه كمان بس لو 50 لتر يوميا ده يبقي رضي قووووووووووي