الموضوع: موكب الرئيس يتحدي موكب الـ 30عام

بالنسبه لى حال البلد فعلا انا مش حاسس بتغيير
بس انا بردو على قد ما انا عازره على قد ما انا بلوم عليه انا لسه مش شايف حتى ولو خطه اقتصاديه بسيطه او افكار على الورق كل اللى انا بشوفه ان فيه خطوات بطلع فجأه يعنى افتتاح المصنع الفلانى يمضى عقد مش شركه كذا

بالنسبه للحكومه عماتا انا مش شايف فيها اى تفكير ثورى حتى
اه هما بيحاولو يفتحوا ملفات الفساد وده شىء جميل جدا ويارب يكمل على خير بس ده العادى من اى رئيس كان هايمسك بداله بعديا عن الفلول طبعا
(من الاخر انا شايفها حكومه عاديه)وربنا معاهم

حكايه البنزين دى مش هاتتحل الا لما البنزين يباع بسعره العالمى زى باقى الدول المحترمه والعربيات تباع بالسعر العالمى بردو
كده البنزين عمره ما هايتسرق ويتباع بره وحتى لو اتسرق مش مشكله لانى كده كده مش هابقى خسران حاجه علشان انا بعته بسعره الحقيقى

ويتم عمل نظام لتكهين السيارات القديمه من اول مثلا موديل 80 وانت نازل وتعملها اعاده تدوير (نستفاد بالمعادن فى حاجه تانيه)
ويبقى فيه دعم على السيارات اللى تحت 2000cc

الناس الى بتنتقد و مش عاجبها العجب مع ان ايام مبارك مكنش حد بيقدر يتكلم اصلا

افترضنا ان مرسى اتشال و الاخوان مشو خالص مين الى هيمسك بداله؟ و هيقدر يعمل ايه فى وقت قد ايه فى نفس الظروف الى احنا فيها دى؟ و يا ترى هيكون الكل موافق عليه ولا هناك معارضة و ده طبيعى لان احنا مبيعجبناش العجب؟

خلاص احنا فى وضع لازم نقبله و ندعى ربنا انه يتعدل و نحاول نصلح من نفسنا لان اى حد هيجى مش هيقدر يعمل اى حاجة طول ما هناك معارضة و انتقادات مستمرة

وعلى فكرة انا منتخبتش مرسى فى الجولة الاولى و انتخبته فى الاعادة قدام شفيق

المشاركة الأصلية كتبت بواسطة mishoooonline

وبالنسبة للي بيقول ان ده اول رئيس مدنى وخلصنا من حكم العسكر
هي مش حكاية حكم العسكر لكن حاية واحد بيحب البلد
مين اللي بنا السد العالي اللي حافظ ع منسوب المياه
ومين اللي امم قناه السويس
مين اللي ساعد علي استقلال مصر
مين اللي بنا المصانع اللي اغلبها لسه شغال لحد دلوقتى
مين اللي عمل التامين الصحي

..... جمال عبد الناصر ... وهو رجل عسكري لكن كان بيدور ع مصلحة الوطن بالرغم من بعض الاخطاء التى ارتكبها ولذا سامحة الشعب علي هذه الاخطاء
لكن قولي مرسي عمل اي فعلا وحسيتو ف الواقع مش كلام ف الهوا
او اي خطتو "عمال يقول نهضة -5000عالم-دي ارادة شعب-مفيش نهضة"

مين قالك ان الشعب سامح جمال عبد الناصر؟
بالنسبة لى شايف ان جمال عبد الناصر " علية من الله ما يستحقة " هو الى دمر مصر واقتصاد وجيش مصر
وخلانا شحاتين بعد ما كنا مداينين انجلترا والجنية كان اعلى من اى عملة اجنبية تانية
من اول ثوره 52 ومصر مشافتش غير الجوع والفقر والمرض
حسبى الله ونعم الوكيل فى كل من تسبب فى الى حصل للبلد من تخلف ورجعية وجهل

المشاركة الأصلية كتبت بواسطة eng.m mahran

الناس الى بتنتقد و مش عاجبها العجب مع ان ايام مبارك مكنش حد بيقدر يتكلم اصلا

افترضنا ان مرسى اتشال و الاخوان مشو خالص مين الى هيمسك بداله؟ و هيقدر يعمل ايه فى وقت قد ايه فى نفس الظروف الى احنا فيها دى؟ و يا ترى هيكون الكل موافق عليه ولا هناك معارضة و ده طبيعى لان احنا مبيعجبناش العجب؟

خلاص احنا فى وضع لازم نقبله و ندعى ربنا انه يتعدل و نحاول نصلح من نفسنا لان اى حد هيجى مش هيقدر يعمل اى حاجة طول ما هناك معارضة و انتقادات مستمرة

وعلى فكرة انا منتخبتش مرسى فى الجولة الاولى و انتخبته فى الاعادة قدام شفيق

فيه ناس ميهمهاش الا المعارضه الجوفاء
انما يحاولوا اصلاح البلد ,,
يعنى الناس العجيبة الى لسه بتتكلم فى حوارات عقيمة من صنف مرسى وحش و ميصلحش و و و و,,,, ماخلاااااص دا رئيس مصر شئتم ام ابيتم .
ليه بقى الكلام فى الفاضى؟ ,,تضييع وقت وخلاص؟

والله هو لو التوبيك ده عن ((الموكب )) ...

فــ الموكب عادي جدا ....
.