موكب الرئيس يتحدي موكب الـ 30عام

**mishoooonline** · 14-11-2012 11:38 PM

{حكمت فعدلت فأمنت فنمت ياعمر} ماهي قصة هذه المقوله لسيدنا عمر رضي الله عنه؟؟؟؟
قدم المرزبان (رسول كسرى) الى المدينة يريد مقابلة امير المؤمنين عمر رضي الله عنه
فأخذ يبحث عن قصر الخلافة وهو في شوق الي رؤية ذلك الرجل الذي اهتزت خوفا منه عروش كسرى وقيصر...
ولكنه لم يجد في المدينه قصرا ولا حراسا فسأل الناس :
أين أمير المؤمنين عمر؟ فقالو لاندري ولكنه لعله ذاك النائم تحت الشجرة
فلم يصدق الرجل ماسمع فذهب اليه فإذا به
عمر رضي الله عنه قد افترش الأرض والتحف السماء وعليه
بردته القديمه
فوقف المرزبان مشدوها مستغربا وقال قولته المشهوره :
(( حَكَمت ... فعَدلت ... فأمِنت ... فنِمت ... ياعمر ))

الحكمة "ان الرئيس اللي المفروض ان هو مؤمن مبيطبقش الكلام اللي ربنا امرو بتنفيذه /لسه ف ظلم +قهر +فساد+رشوة+محسوبية+عصبية للناس اللي هو منهم"
وعلشان كدا مش حاسس بالامان وخايف ع حياتو ونسي قول الرحمن
بسم الله الرحمن الرحيم
"أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ"
صدق الله العظيم

**Youssef.Awad** · 14-11-2012 11:38 PM

عادى جداااا
دول اقل من 25 عربية نصهم عالاقل حراسة شخصية وتشويش على اتصالات ومتفجرات
يا عم بيشوى ده رئيس اعفن بلد فى العالم بيكون موكبه اكبر من كده هههههههههههههه
وبداية الاصلاح هو التخلص فورا من ال6 مليون موظف العاملين بالحكومة والتخلص من فسادهم الادارى !!!

**damasry** · 14-11-2012 11:59 PM

الكوبونات ها تكون 1500 ليتر سنويا وليس شهريا بالتأكيد

**mishoooonline** · 15-11-2012 12:13 AM

تعرفو ان ف لعب ف اسعار البنزين واسعار الغاز علشان العمولات
احنا ل انتجنا البنزين هيبق تكلفة الانتاج تقريبا مساوية لسعرو الحالي ع اقصي تقدير
لكن اللي بيحصل ان احنا بنبيع خام وهما يكررو واحنا نشتري المكرر "80/90/92/95/سولار"
هل تعلم ان تكلفة الغاز 45 قرش ويباع لاسرائيل ب12قرش وسعرو عالميا بين65 سنت و1 دولار واحنا هنا نتحمل الفرق "دعم اسرائيل مش مصر " وكمان لما تيجي تركب غاز تدفع 2000ج
وبدل مايشغل مصانع بالغاز ومحطات الكهربا بيشتري مازوت ومشتقات بترولية باسعار عالمية مش بالتكلفة لانو مبينتجش مقابل ياخد عمولات
هل تعل ان مصر بتسورد طن القمح ب 450 دولار وترفض شراء القمح المصري ب 300 ج من الفلاح

**abdulkhaleq** · 15-11-2012 12:18 AM

والله انا شايف ان مرسي المفروض يخسس ويروح بيتهم بعجله
بس ياريت تكون عجله عاديه مش بسرعات
عشان الاخ الفاضل صاحب الموضوع يرتاح

سؤال على جنب
يعني ايه (زعر) ؟؟
اصلي دورت عليه في الفيديو ملقيتوش

يارب ارحمنا يا أرحم الراحمين

**mishoooonline** · 15-11-2012 12:21 AM

وبالنسبة للي بيقول ان ده اول رئيس مدنى وخلصنا من حكم العسكر
هي مش حكاية حكم العسكر لكن حاية واحد بيحب البلد
مين اللي بنا السد العالي اللي حافظ ع منسوب المياه
ومين اللي امم قناه السويس
مين اللي ساعد علي استقلال مصر
مين اللي بنا المصانع اللي اغلبها لسه شغال لحد دلوقتى
مين اللي عمل التامين الصحي

..... جمال عبد الناصر ... وهو رجل عسكري لكن كان بيدور ع مصلحة الوطن بالرغم من بعض الاخطاء التى ارتكبها ولذا سامحة الشعب علي هذه الاخطاء
لكن قولي مرسي عمل اي فعلا وحسيتو ف الواقع مش كلام ف الهوا
او اي خطتو "عمال يقول نهضة -5000عالم-دي ارادة شعب-مفيش نهضة"

**mishoooonline** · 15-11-2012 12:22 AM

للاسف هما سعو للسلطة لمجرد اشباع الرغبة ف الحكم مش مساعدة الشعب او بناء وطن

**besso** · 15-11-2012 12:25 AM

بالنسبه لى حال البلد فعلا انا مش حاسس بتغيير
بس انا بردو على قد ما انا عازره على قد ما انا بلوم عليه انا لسه مش شايف حتى ولو خطه اقتصاديه بسيطه او افكار على الورق كل اللى انا بشوفه ان فيه خطوات بطلع فجأه يعنى افتتاح المصنع الفلانى يمضى عقد مش شركه كذا

بالنسبه للحكومه عماتا انا مش شايف فيها اى تفكير ثورى حتى
اه هما بيحاولو يفتحوا ملفات الفساد وده شىء جميل جدا ويارب يكمل على خير بس ده العادى من اى رئيس كان هايمسك بداله بعديا عن الفلول طبعا
(من الاخر انا شايفها حكومه عاديه)وربنا معاهم

حكايه البنزين دى مش هاتتحل الا لما البنزين يباع بسعره العالمى زى باقى الدول المحترمه والعربيات تباع بالسعر العالمى بردو
كده البنزين عمره ما هايتسرق ويتباع بره وحتى لو اتسرق مش مشكله لانى كده كده مش هابقى خسران حاجه علشان انا بعته بسعره الحقيقى

ويتم عمل نظام لتكهين السيارات القديمه من اول مثلا موديل 80 وانت نازل وتعملها اعاده تدوير (نستفاد بالمعادن فى حاجه تانيه)
ويبقى فيه دعم على السيارات اللى تحت 2000cc