الموضوع: موكب الرئيس يتحدي موكب الـ 30عام

كنت عايز اضيف حاجة للناس اللى بيهاجموه والناس اللى بيأيدوه

اولا البلد فى حكم 30 سنة وللاسف كانت نهايتهم زفت اقتصاديا وسياسيا واجتماعيا

ثانيا مفيش رئيس حتى لو كان سوبر رئيس يحكم بلد 30 سنة يعنى عمرنا مرة ما شوفنا رئيس مجلس ادارة شركة منتخب لمدة 30 سنة لو عنده افكار اكيد هاتخلص فى 30 سنة ده النبى نفسه صلى الله الله عليه وسلم فى فترة رسالة من سن 40 الى سن 63 سنة يعنى 23 سنة .

ثالثا اى موظف بيتعين فى شركة على سبيل المثال الشركة اللى انا شغال فيها رأس مالها 36 مليون دولار فترة الاختبار للموظف 6 شهور .
مع العلم ان ان هناك قاعدة ادارية للناس اللى درسوا فى كليات تجارة السنة الاولى انه كلما ارتفع المستوى الادارى كلما كانت مدة التخطيط اطول بمعنى

ان الموظف يمكن ان تعرف وتقيمه فى شهر او اثنين او ثلاثة

المدير يزيد ليكون 6 او 8 شهور

المدير العام يصل الى عام مثلا

مدير القطاع يزيد قليلا

رئيس مجلس الادارة يصل الى اكثر من عام

رئيس الجمهورية عدة اعوام

لأنه بمنتهى البساطة كيف يستطيع انسان واحد على وجه الارض يغير دولة دخل الفساد فى جميع مجالتها

اجتماعيا كم طفل شارع موجود الآن فى الشارع

اقتصاديا الدخل القومى للفرد وصل لكام فى العام طبعا ده غير عجز الموازنة السنوى

ده غي رالمظاهرات الفئوية لزيادة الاجور طب هيجيب منين ؟

مش لازم نفكر قبل ما نعمل مظاهرة هو لايملك عصا سحريا

سياسيا العلاقات الدولية وصلت الى اسوا وادنى مستوى لها

ثقافيا جميع القنوات الفضائية تقدم افلام زبالة افلام جنسية لو لم يكن بها مناظر خارجة فتجد بها ايحاءات جنسية

البرامج كلها بتطلع عشان تحقق اعلى مشاهدة عشان تحقق اعلى اعلانات فتجد الشتائم والوقيعة على الهواء مباشرة والاتهامات على الهواء حتى لو كانت باطلة المهم ان المشاهد يتفرج وبس

30 محافظة او اكثر لم تخلومحافظة واحدة من الفساد ده كله بخلاف افعال الفلول اللى طبعا مش هيسكتوا عشان اللى كان بيستفاد ايام مبارك مش لاقى دلوقتى قالك فيها لاخفيها

وطبعا بعض البسطاء من الناس بتسمع اى كلام عن مرسى والاخوان وممكن يكونوا متعلمين وجامعيين بس بيضحك عليهم سواء اعلاميا او على المستوى الشخصى تسمع اى كلام زى مرسى بقاله دلوقتى 4 شهور عمل فيهم ايه ؟

يعنى رئيس دولة منتظر انه يغير كل الموظفين الفاسدين ويجيب موظفين صالحين وامناء وبعدين يشتغلوا وينتجوا ويبعوا وبعدين نصرف الارباح للدولة كلها بعد 4 شهور ؟

طبعا ده مستحيل التغيير ياتى فى كل قطاع رويدا رويدا قطاع الامن عمره ما هيتغير فى 4 شهور قطاع الاقتصاد نفس الموقف القطاع الاجتماعى القطاع السياسى

يا اخوانى الفضلاء انا مش اخوانى لكن لازم كلنا نصبر 4 سنين ده حتى المدير الفنى لفريق كرة القدم بيقولوا دايما مش هنحاسب بالقطعة هنحاسب فى اخر الموسم

عايزين احنا نحاسب فى منتصف الفترة الرئاسية طبعا هيكون ظلم لاى رئيس حتى لو كان بل جيتس عبقرى الحاسب الالى

لازم نصبر ونستنى وان شاء الله نتفائل خير

يايها الذن امنوا اصبروا وصابروا ورابطوا واتقوا الله ) صدق الله العظيم

المشاركة الأصلية كتبت بواسطة semsem kane

بقول اية ياجماعة ماتهدوا نفسكوا كدة , والموضوع مش محتاج مشاحنات اصلا , احنا كلنا مصريين وفى مركب واحدة واللى هيعود بالخير عليك هيعود بالخير علينا والعكس

المفروض كل واحد يعرض وجهة نظرة والتانى يأما يتقبلها او ينتقضها بكل احترام , لان الحوار بالاسلوب دة هيوصلنا لحرب اهلية لان كتير من المصريين بيعملوا زيكوا كدة بالظبط عشان واحد عايز مرسى او مش عايزة, عايز الناس كلها تقولة برافو واحنا معاك يابرنس

مرسى لية 4 سنين نشوف فى اخرها انجازتة ونحدد بالعقل والمنطق اذا كان هيستمر او لأ , لكن راجل ماسك بقالة 5 شهور ولسة ماكملهمش كمان وعايزين تحاسبوة على بلد فاسدة من 30 سنة

لو واحد حب يبنى عمارة من اول وجديد بعد ماتهددت , هيقعد سنة , مابالك بقى اللى بيقوم دولة واقعة من زمان

على فكرة انا ابطلت صوتى فى الانتخابات عشان محدش يقول حاجة , انا بتكلم كلام عام على اى حد سواء كان مرسى او غير مرسى , هو مش هيكون ساحر اول مايمسك البلد هيخليها دهب

دة كلام الناس المحترمين اللى بتفهم

المشاركة الأصلية كتبت بواسطة hossam165

http://www.youtube.com/watch?feature=player_embedded&v=j--l-s7uh1e
ده فيديو لموكب اوباما سيبك من كل مافيه انا هتكلم بس علي عربيته لوحدها ولكم ان تتخيلو الكاديلاك ديه هتبقي بكام مش حتت مرسيدس
قوة الكاديلاك تكمن في محرك الديزل (6.5 ليتر) وشاحن ضخم يسهل حركتها بسرعة. بالرغم من ذلك فإن سرعتها القصوى لا تتجاوز 60 ميلا في الساعة وتستغرق 15 ثانية فقط للوصول لهذا المعدل
رولز رويس فانتوم مصممة على شكل هيكل شاحنة جنرال موتورز وتزن 6350 كلغ، ويمكن القول أنها واحدة من أكبر السيارات على الطريق بالمقارنة بالسيارات الأخرى التي يصل وزنها إلى 2550 كجم فقط.
هيكل السيارة مصنوع من الفولاذ ، والألمنيوم والتيتانيوم والسيراميك.
يصل سمك زجاج السيارة إلى 5 إنشات. ويفتح الشباك الأمامي فقط ليتمكن السائق من اجراء محادثات مع جهاز الخدمة السرية أو لدفع الرسوم. كما أنها مغلقة بإحكام لضمان حمايتها من أي هجوم كيماوي
الكاديلاك مزودة بوحدات أكسجين خاصة بها في حالة الطواريء.
pa - السيارة تشبه المدرعة العسكرية حيث يصل سمكها إلى 8 بوصات ووزنها يماثل طائرة بوينج 747.
أبواب السيارة سميكة جدا حتى يستطيع الرئيس التحدث بحرية دون سماع الضوضاء الخارجية
الجانب السفلي من السيارة مدعم بنظام يحميها من الهجمات بالقنابل
خزان الوقود يحوي مانعا للتسرب ومزود بمادة الفوم التي تمنعه من الانفجار حتى في إذا تعرض لضربة مباشرة
هناك نوعان من الثقوب في المصد الأمامي يمكن أن ينبعث منها الغاز المسيل للدموع وقنابل الدخان والنار
يوجد في الكاديلاك نظام فيديو بالأشعة تحت الحمراء ليتمكن سائق السيارة من القيادة وسط الدخان، وبها أيضا كاميرات للرؤية الليلية للقيادة في الظلام من دون اضواء.
- سيارة أوباما تحمل عادة علمين: العلم الأمريكي والرمز الرئاسي، وعندما يزور الرئيس دولة أخرى، يستبدل رمز الرئاسة بعلم الدولة المستضيفة
السيارة تحتوي على نظام فعال لمكافحة الحرائق
يوجد في السيارة دائما بنك للدم يخص الرئيس، كما تتبعه أينما ذهب سيارة إسعاف خاصة
أوباما يحصل على سيارة ليموزين رئاسية مرة كل أربع سنوات ويتم تسليم القديمة الى نائب الرئيس ورؤساء الدول الزائرين
سيارة أوباما بها 7 مقاعد في المقدمة تقابلها 3 على الجانب الآخر، وفي الوسط يوجد 3 مقاعد أخرى، وفي الخلف يوجد مقعدان أحدهما للرئيس والآخر لمن يكون برفقته
وسائل الرفاهية متاحة لأوباما داخل السيارة، فهي مزودة بمشغل اسطوانات وبها شبكة من الاتصالات الإلكترونية المتطورة لتبقيه على اتصال مباشر مع هواتف البيت الأبيض والانترنت.
تشمل أنظمة الدفاع بندقية مضخة جاهزة للعمل في حجرة بجانب السائق
إطارات السيارة مصنوعة من مادة مطاطية قوية بديلة للصلب، وكذلك بها حواف من الصلب تمنع انزلاق السيارة في حالة فقدان أحد الإطارات
وعلى عكس السيارات الرئاسية السابقة، فإن هذه الكاديلاك ليس لها إسم معين

تسلم يا باشا علي المعاومات الجميله دي
اهو يبقي طلعنا من الموضوع بمشاركه مفيده