في ملحوظة غريبة لقيتها وهي ان تحت الدواسة بتاعة كرسي السائق في اللانوس لقيت لون الأرضية غامق شوية ولما رفعت الدواسة لقيت عندي زيت خفيف جدا على أرضية السائق كلها فقط ، ولما حاولت اعرف مصدر الزيت ده فين لقيته بيطلع من المكان اللي طالعة منه حديدة اللي مرتبطة بالدريكسيون من جوه وطالعة لبرة وعاملة زي نصف كورة وكان عليها زيت كتير ، هو مكنش في زيت بينقط بس فيه اثر زيت خفيف ومليان تراب على الجزء المحمل عليه الماسورة بالكورة دي بس مش عارف ده طبيعي ولا في مشكلة

وعلى فكرة انا لاحظت ان زيت الباور بيقل حاجة خفيفة خالص يعني مقدار ربع المسافة بين Min و Max كل شهرين أو أقل من الربع بشوية

هل دي مشكلة تستدعي الحل ولا ده عادي في اي عربية لانوس

وهل المشكلة دي ممكن يكون سببها تحريك الدريكسيون الباور والمتور مش شغال ؟