حصل معايا موقف في الصيف وان ترموستات العربية كانت مهيسة والمروحة فضلت شغاله بتاع خمس دقائق او اكتر بعد لما طفيت العربية و مشيت وكنت سامع صوت المروحة وانا واقف في البلكونة. المهم مخرجتش بالعربية يومين و جيت ادورها مفيش صوت مرش روحت للكهربائي البطارية نايمة دورنها. لأنا البطارية زي الفل وسبتها كام يوم و البطارية شغالة كويس. الكهربائي عرض عليه فكرة قالي ممكن اخليلك المروحة تفصل لما انت تبطل العربية مع مقتاح الكونتكت قولتله ده مفهوش خطورة قالي لأ. سألت الميكانيكي بتاعي لأ مفهوش حاجة.
المهم عملة كده ومشيت بيها بتاع 3 شهور و مرة وحد من يومين كده لقت المورحة مش بتشتغل بصت لقيت السلك بتاع المروحة ملمس و سايح منه سنه بسيطة. المهم روحت لكهربائي تاني قالي السلك عندك ضعيف بتاع المروحة لازم تغيره وتركب كتاوت على المروحة عشان الكهربا بتاعت مفتح الكونتكت ده ضعيفه مينفعش المروحة تبقى شغالة عليها المهم عمل كده. وانا دلوقتي ماشي بالحل ده . بس انا شايف ان الموضوع كله عك في عك لأن مشفتش عربية المروحة بتقفل مع الكونتكت و في نفس الوقت انا غيرت الترموستات ديه اكتر من مرة وجبت غالي ورخيص وتلاقيها لأما تشتغل بدري فحت وتقريبا مبتفصلشي او تعلق زي اللي حصلي او تشتغل على 100 . انا عايز رأيكم؟