رابطه حاجزي الاسترا

**dozo** · 20-11-2012 11:10 AM

المشاركة الأصلية كتبت بواسطة schumy

هو موضوع الدرج ده ضايقني انا كمان وقفلني خالص من العربيه بس هي العربيه دي بصراحه الناس بهدلتها اخر بهدله ولم سالت مسئول المبيعات قالي ان واحد بيتفرج على العربيه كسرو ولولا اني كنت متفرج على العربيه في فره المهندسين اول منزلت وعارف انها مش كدة خالص عمري مكنت حجزتها وفي كمان حاجه مضايقاني عندي احساس ان تقفيل الحوض بتاع العربيه مش مستوى عربيه الماني ابدا لا في غطا على وش الموتور ولا في كفر للبطاريه بصراحه شكله معجبنيش خالص حتى علقت عليه للراجل بتاع المبيعات وقلتله ده العربيات الكوري شكل الحوض احسن من كدة بكتير انته معايا في النقطه دي ولا لا

الفوكاس و الفانتازيا مفيهمش cover للموتور و تستلم على خير ان شاء الله

**okacha** · 21-11-2012 03:26 AM

كان عندى بس سؤال انا صاحبى معاه الاسترا الهاتشباك و كان بيعمل صيانه ال 20000
و كان بيسأل الناس هناك فى التوكيل عن العربيه و قالوله ان الشكوى الرئيسيه من العربيه هيا الفتيس
وانه استجابته مش كويسه و مش كويس مع العربيه و لا الموتور؟!
هل الكلام ده صحيح و لا عشان انا كنت عايز احجز و الصراحه كتر الكلام و الاشاعات مخلينى قلقان
و كمان لما عرفت موضوع الانتظار 75 يوم فمش عارف اخد قرار :(
ياريت حد يكون جرب العربيه سواء هاتشباك او سيدان و يقولنا تقييمه لأداء العربيه و الموتور و الفتيس على الطريق عامله ايه؟

**hammad2010** · 21-11-2012 03:34 AM

طيب ما تسأل صاحبك على اداء العربية معاه هو عامل ازاى وايه الحاجات اللى لاحظها فيها او ممكن يكون اشتكى منها وضايقته وخصوصا انك زى مابتقول ان هو مشى بيها حوالى 20000 كيلو فاكيد وحتما انه قدر يقيمها ويحكم عليها خلال الفترة دى وارجو سرعة الرد منك

**okacha** · 21-11-2012 05:32 AM

سالته فعلا و هو قالى عادى اداء العربيه كويس بس مش للجرى و الشد
و فعلا نقلاته محسوسه بس بعد 80 بتبقى افضل كأداء و سحب
بس تحت ال 80 مش قد كده
و هو نفسه مبقاش عارف ده عيب فى الفتيس و اتصلح فى السيدان و لا هو الفتيس فعلا كده و هو هو اللى فى السيدان؟!

**dede_dodo88** · 21-11-2012 07:55 AM

لأ هو الفتيس مفيهوش عيب ولا حاجة..
بالعكس.. النقلات smooth مش محسوسة و مفيهاش نتش..
هو مشكلته بس انه مش بتاع تسارع..

**zemo_awy** · 21-11-2012 11:07 PM

طيب اخبار ارتفاعها عن الارض ايه عشان المطبات العالميه العاليه اللى عندنا فى مصر

**tamohsen** · 22-11-2012 12:07 AM

المشاركة الأصلية كتبت بواسطة medo2_0

انا حاجز اوبل استرا كوزمو ونيسان قشقاى اللى هتوصل فيهم الاول هتبقى عربيتي ربنا يسهل بقى :)

وانا كمان زيك بالظبط
ربنا يرزقنا باللي فيه الخير :018a1d~146:

**okacha** · 22-11-2012 01:04 AM

المشاركة الأصلية كتبت بواسطة dede_dodo88

لأ هو الفتيس مفيهوش عيب ولا حاجة..
بالعكس.. النقلات smooth مش محسوسة و مفيهاش نتش..
هو مشكلته بس انه مش بتاع تسارع..

ميرسى على مشاركتك بس يعنى قصدك انه مش بتاع تسارع انك لو حبيت تطلع من عربيه مش هتسعفك و لا ايه؟لانى بجد مش فاهم النقطه دى خالص و للاسف مفيش تست درايف قريب فى منصور :(

**احمد فهمى** · 22-11-2012 02:13 AM

المشاركة الأصلية كتبت بواسطة kingrab

وأنا كمان شوفتوا ... بس أنا مش لاقى معارض عارضه الكوزمو خالص ..
وكمان موضوع الكنبة الخلفية ده ياجدعان مش ضيقة أوى يعنى إلا إذا رجعت كرسى السائق على الآخر .. أنا طولى 190 سم ومكنتش محتاج أرجع كرسى السائق للآخر .. وقعدت ورا وكانت كويسه إلى حد ما .. لكن ده قصاد مساحة تخزين فى الشنطة وهميه بصراحة .. الشنطة كبيرة أوى.
بس إنتو مش ملاحظين إن الكبوت خفيف شويتين ؟؟؟؟

مبروك يا باشا والكبوت طبعاً خفيف عشان الامونيا مش صاج زى الفيكترا سي والبي ام وده افض من الصاج طبعاً