50 قتيل منهم 48 طفل و 15 مصاب ..حادث قطار اسيوط المرعب

**wawoo** · 17-11-2012 01:18 PM

يونس درويش ارتفع عدد ضحايا حادث قطار أسيوط، الذى وقع صباح اليوم السبت، إلى 50 قتيلا و15 مصابا، معظمهم أطفال، وبينهم مدرستين وسائق الأتوبيس.

وكانت قرية المندرة التابعة لمركز منفلوط بأسيوط، قد استيقظت صباح اليوم، على حادثة مفجعة، بعد اصطدام قطار، كان فى طريقه إلى أسوان قادما من القاهرة، بأتوبيس مدارس "دار حراء" الخاصة بمدينة منفلوط.

وعلمت "الشروق" أن عامل المزلقان بالقرية، كان نائما وقت وقوع الحادث، وفر هاربا بعد الحادث مباشرة.

مستغربين لية ما هى الحكومة مهتم بغلق المحلات 10 مساء ....و غلق المواقع الايباحية ...

انما تهتم بتطوير النقل و الموصلات ..تهتم بخدمة الناس ..تهتم بالرقابة على الموظفين اللى مسؤلين عن ارواح الناس ....تهتم بالمرور و الداخلية تشوف شغلها فى تطبيق قانون المرور ...متلاقيش

السيد رئيس الوزراء زار غزة على رئيس وفد طويل عريض من الوزراء..و عدد القتلى هناك 15

عندك هنا 50 قتيل يا سيادة رئيس الوزراء حتعمل اية .....

حسبى الله و نعم الوكيل ..لله الامر من قبل و من بعد ..ربنا يصبر اهل الاطفال الضحاية الابرياء ..

**pro_samir** · 17-11-2012 01:25 PM

حسبنا الله

ربنا يرحمهم ويصبر أهلهم

**shaddadfalcon1** · 17-11-2012 01:32 PM

اخيييييييييييه علي الناس اللي بتحول اي حاجه في الدنيا لمهاجمة مرسي وحكومته
بجد بقت حاجه مقززه

بدل ماندعي بالرحمه اللموتي والصبر لاهاليهم لا يبقي مرسي وهجووووووووووووووم

**eng.m7md.ali** · 17-11-2012 01:46 PM

المشاركة الأصلية كتبت بواسطة shaddadfalcon1

اخيييييييييييه علي الناس اللي بتحول اي حاجه في الدنيا لمهاجمة مرسي وحكومته
بجد بقت حاجه مقززه

بدل ماندعي بالرحمه اللموتي والصبر لاهاليهم لا يبقي مرسي وهجووووووووووووووم

امال ندعي على مين غير الحكومة؟
مين المسئول الاول والاخير في الحادثة دي؟

**yaserbasha2000** · 17-11-2012 01:46 PM

انا لله وانا اليه راجعون

ربنا يرحمهم و يصبر اهاليهم
فيه اسر فقدت اطفالها بالكامل الواحد مش عارف يبقوا عاملين ازاي

للاسف الحكومه مش لوحدها المسئوله

الاهمال اللي شعبنا بيعشقه
الاستسهال و الفهلوه اللي بتخلي اي حد ممكن يسوق اتوبيس فيه 50 روح و ساعات مبيكونش معاه رخصه كمان ( انا مره راكب ميكروباص علي طريق 100 كيلو سفر و بعد ما اتحركنا خدت بالي ان السواق مجبس ايده بكلمه الناس قاتلي رزقه يا استاذ حرام عليك فسكت)
تدني حال اغلب العاملين علي المزلقنات و انهيار حقيقي للامكانيات او التطوير (لاحظوا ان اكتر من 80% من موازنة اي حته حكومية في البلد بتكون للمرتبات)

الحكومه دي او الادراه اللي بتحكم - من الاخر الاخوان - حقهم ياخدوا فرصه عادله 4 سنين او 5 سنين يشتغلوا براحتهم و بعدها نقيمهم لكن مينفعش نقييم ادائهم علي الحوادث اللي بتحصل بعد شهور من حكمهم .

لكن الصح اننا نراقب و نقييم قرارتهم و طريقه تعاملهم مع الازمات

لكن مش عدل انهم يتحملوا مسئوليه حاجه زي دي , و لا الوزير نفسه يتحملها غير بعد سنه او سنتين من وجوده في الوزراة

**wawoo** · 17-11-2012 01:56 PM

المشاركة الأصلية كتبت بواسطة yaserbasha2000

لكن الصح اننا نراقب و نقييم قرارتهم و طريقه تعاملهم مع الازمات

لكن مش عدل انهم يتحملوا مسئوليه حاجه زي دي , و لا الوزير نفسه يتحملها غير بعد سنه او سنتين من وجوده في الوزراة

اتفق معاك يا اخ ياسر فى مستوى المسؤلية .....و لكن يجب ان يكون فى ارهصات و مقتدمات ان الحكومة مهتمة فعلا
بتحسين حياة المواطن ..

هذا هو المطلوب فقط فى هذة المرحلة....ان يكون هناك خطة معلنة للقضاء على معاناة المواطنين و تطوير كل ما يمس ارواحهم و ممتلكاتهم ..

انما للاسف انا مش شايف اى خطة و مافيش اى تحرك حقيقى للاهتمام بكل هذا ....هو دة موطن المشكلة فى رايى الشخصى .....

**akmm** · 17-11-2012 02:14 PM

الرحمه والمغفره للجميع المتوفى والمصاب واحنا كمان ... ولك الله يامصر .

**adel_2346** · 17-11-2012 02:23 PM

المشاركة الأصلية كتبت بواسطة shaddadfalcon1

اخيييييييييييه علي الناس اللي بتحول اي حاجه في الدنيا لمهاجمة مرسي وحكومته
بجد بقت حاجه مقززه

بدل ماندعي بالرحمه اللموتي والصبر لاهاليهم لا يبقي مرسي وهجووووووووووووووم

من فترة مش بعيده كان اى حاجه بتحصل كان الاخوان بيلومو مبارك
وكان حجتهم دايما هى نفس الحوادث دى
فرقت ايه اما نلوم مرسى

او يمكن تنفيس عن الاحباط الى عملوه لينا من مجلس شعب لحكومه معندهاش اى تخطيط

**shaddadfalcon1** · 17-11-2012 02:47 PM

المشاركة الأصلية كتبت بواسطة eng f3lix

امال ندعي على مين غير الحكومة؟
مين المسئول الاول والاخير في الحادثة دي؟

نلوم المسئول سواء كان السواق اللي كسر المزلقان او الخفير اللي مش شايف شغله او المحاظفه او اللي مش حطه حواحز او مهما كان المسئول

مش كل حاجه تحصل نقول مرسي والأخوان ولما الأخوان يجيو يعمول حاجه نقول بيكوشو وبياخونو
مرسي مش هيعدي علي المزلقانات ويتاكد ان الغفير قاعد ومحدش بيعدي

الكلام مش موجه ليك باياشا عشان مزتعلش لكن الكلاملا متوجه للي عايزين جنازه ويشبعو فيها لطم