اشكركم على الردود ياجماعة بس انا لسة تايه بسبب البطاريه وعلبة الفيوزات
عرض للطباعة
اشكركم على الردود ياجماعة بس انا لسة تايه بسبب البطاريه وعلبة الفيوزات
بص مهو لازم من المجازفة صدقنى سيبك من الصنايعيه حيدوخوك وطلعو عينك ناس عاوزة تشتغل روح اشترى دينمو استيراد ب 175 واى كهربائ يركبهولك وانشاء الله مشكلتك تنحل....*
اما عن علبة الفيوزات ياريت بس تقولنا قرفاك فيه ايه علبة الفيوزات انا مستعدين للمساعدة فى اى مشكله....*
انا معاك فى ان الدينامو دة شحنة ضعيف ومع قلة المشى وسعة البطارية الصغيرة مابتلحقش تشحن واعتقد انك حتلاقى عين البطارية دايما سوداء والحل؟
اشحن البطارية على التونجر شحن بطئ لمدة سعتين اولا وشوف حتعمل معاك اية بس افصل كابلات البطارية بليل لان ممكن يكون فية قفلة فى علبة الفيوزات اللى مدوخاك يكون بتفضى البطارية او فى الدينامو نفسة لان بطاريتك سعتها صغيرة بمعنى البطارية 70 امبير سعتها كبيرة مقارنة ب 40 امبير حوالى الضعف فتتحمل اى تسريب كهرباء فى السيارة اما بطاريتك فلو ولعت النور الصغير ساعتين حتفضى علشان كدة بننصح بالبطارية 70 امبير لتلافى اى مشاكل سواء فى شحن الدينامو او السيارة نفسها بالنسبة لعلبة الفيوزات ضحى شوية وهاتها استعمال لانها معقدة من الداخل واهم حاجة تجبها بفيوزتها والكتاوتات اللى موجودة بيها كاملة وخللى بالك من الموديل سنة كام كاربراتير ولا انشجكشن lx ولا glx لان كل موديل لية علبة فيوزات مختلفة حسب معلوماتى !!!
البطارية الجافة بتتشحن عادى بس على تونجر امبير واطى بطئ لمدة بتوصل ل4 ساعات لو البطارية فاضية تماما لان دينامو العربية مبيقدرش يشحنها مع المشى داخل البلد او فى السلانسية بمعنى لو خدت توصيلة ودورتها وسبتها تشحن ساعة على السلانسية البطارية مش حتلحق تشحن وحتفضى مع اول ضربة مارش ودة عن تجربة اما التونجر العادى بيشحنها بس بتسخن بسرعة فمحتاجه انك تفصلها من الشحن كل حوالى ربع ساعة علشان تبرد وترجع تشحنها تانى ودى طبعا شغلانة ولو اتسابت على شحن التونجر العادى ساعة ممكن بلوكتها تتحرق !