يا بشمهندس سمير :-
- مفيش شك انك من احسن منسقي الاقسام فى المنتدى و انك بقرار انسحابك (الخاطىء من وجهه نظرى) حتحرم اعضاء موجودين بالقسم و اعضاء جدد لسه هينضموا من مجهودك اللى انت بنفسك قلت انك بتقطتع جزء من وقتك انت اولى بيه سواء للراحه او العائله و مع دلك الوقت ده بتقدمه للاعضاء و المنتدى عن طيب خاطر و هدا المجهود مقدر و مثمن من جميع الاعضاء بما فيهم من تضايقت من ردودهم عليك .
- الاستاد semsem kane اعتدرلك لانه على المستوى الشخصى يحترمك (بغض النظر عن العربيات الان ) و الا مكنش اعتدر لانه لاحظ ان مشاركاته ازعجتك و اعتقد انه مكنش متعمد ان اراءه ممكن توصلك لهدا القرار و الا مكنش اعتدر .
- اعتقد يا بشمهندس بحكم سنك و منزلتك ان زى ما احنا بنتضايق من اسلوب ساخر ( غير مقصود به الاهانه ) يبقى واجب اننا نقبل الاعتدار ادا الاصغر سنا شعر بالخطأ و اعتدر
- و بعد كل هده التعليقات اعتقد انك لمست مدى حب الناس ليك فى المنتدى و احترامهم ليك و انا واحد منهم.
ولدلك رجاء شخصى منى كواحد على الاقل معجب باسلوبك و بموضوعاتك العدول عن قرار الانسحاب و اتمنى لحضرتك كل الخير .
المفضلات