الموضوع: استفسار يا رجاله الريو عاجل جدا جدا

فى الأول بس فيه حاجه مهمه أنك لو أول مره تسوق أوتو (زى حلاتى) حتقعد أسبوع كده مضايق
بمعنى أن الأوتو مش بتاع شد و جرى ,فلو أنت بتاع شد و جرى يبقى تجيب مانيول و خلاص

نبجى بقى للمهم
العربيه جميله و ناعمه جدا فى السواقه ,
سحبها حلو و خصوصا لو حتقلبها steptronic حتلاقيها معاك شد و حرق زى منت عايز
بس فى كتير قالولى أن كتر النقل بيت المانيوال و الأوتو العادى غلط (الله أعلم)

أستهلاك البنزين
على حساباتى جوه البلد بتعمل حوالى 10 ليتر لكل 100 كيلو و لو طريق مفتوح التنك بيعمل معايا حوالى 500 كم و ممكن أكتر على سرعه 110 ,120
فى كلام هنا فى المنتدى عن البوجيهات الراديوم, أنشاء الله حجربها فى صيانه ال 5000 ( أنا عامل 4000 يعنى على أول الشهر كده حروح أغير البوجيهات و حجرب)
بالتكييف أو من غيره أستهلاك البنزين مش فارق كتير ,أنا بحس بكده بس محسبتهاش

التكيف بيأثر على سحب العربيه بس برضه عادى, العربيه برضه بتجرى مفيش مشاكل

العفشه أكيد أنعم من الجيتز كمان الثبات فارق جامد عن الجيتز
السرعه على 140 لحد 160 (مجربتش بعد كده ) تمام بكون ماشى مش خايف من السرعه ( الجيتز كان أخرى 140 و بالقى العربيه بتطير)

الأضائه أنا شايفها ممتازه بليل ( الجيتز لما كنت بسافر بيها كنت دايما بشغل النور العالى علشان الأضائه مكنتش كويسه ,بس الريو الأضائه أقوى بكتير و أخرى بشغل النور العادى)

لو عندك أى أسئله أنا تحت أمرك
ممكن برضه نتقابل و تجرب العربيه مفيش مشاكل

أه عندى حاجه غريبه أن درج الطابلوه أحيانا بيفتح مع الطرق المكسره أوى ( تقريبا ديه حاجه من الأوبشنز الى نازله فى العربيه ) حقلهم عليها فى صيانه ال 5000

المشاركة الأصلية كتبت بواسطة mohab555

حبيب قلبي ربنا يخليك يا كبير معلش هتقل عليك و كام سؤال كده كمان عشان اطمن و اتكل علي الله و انا ضميري مرتاح

١- الاداء بتاع الموتور في فرق ملحوظ بينه و بين الجيتز ؟؟؟ و تأثير التكييف عليه زي الجيتز برده ولا اكتر ؟؟ التأثير فى الريو أكتر بالتكييف و خصوصا أنها أوتو
أداء الموتور كويس و مش حتحس بفرق (
getz 105 hp
rio 109 hp
٢ - الفرامل بتاعتها كويسه ولا الجيتز احسن ؟؟ الفرامل فى الجيتز مكانتش وحشه بس الريو أحسن خصوصا أن الجنط 15 فعامل الأحتكاك أكتر
٣- التكييف اخبار التسقيع ايه ؟؟ ضعيف ولا تلاجه ري الجيتز ؟؟؟ التكييف أحسن من الجيتز بكتيييير ,على واحد بيكون كويس أوى
٤ - انت حطيت السوفت وير الجديد ولا الحمد الله العربيه مظبوطه ؟؟ لأ قالولى فى التوكيل العربيه مظبوطه
معلش والله انا عارف اني تعبك معايا بس انت سيد العارفين موضوع انك تشتري عربيه ده مش سهل ابدا
انا سوقت كذا عربيه اوتو ( النترا ٢٠٠٦ - النترا ٢٠٠٩ - تريوس ٢٠١٢ - نوبيرا - لانسر بومه ٢٠٠٨ - رينو ميجان ) مش اول مره و نظامي في المشي مش شد و حرق بس لو هجري هجري في طريق فاضي و بخلي العربيه تاخد راحتها في الجري ..

برضه لو حابب تجرب العربيه أنا تحت أمرك