عرض للطباعة
السلام عليكم
شباب بما اننا علي مشارف اول اغسطس و قانون المرور الجديد و ال اجبر كل السيارات ع ان لازم يكون فيها مثلث اشارة و شنطه طوارئ طبية سواء عند الترخيص او ف اي كمين (زي الطفاية)
- حد يعرف اجيب منين شنطة الطوارئ دي؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
- متهيألي ان المثلث ها يبقي موجود ف التوفيقية و لو حد عارف فين يقول.
( تقريبا ف حد مهم عندو مصنع شنطة الطوارئ دي و عرف يصرفها ازاي)
و بارك الله فيكم
انت بتتكلم جد؟
انا اول مره اسمع حكاية المثلث وشنطة الطوارئ دى هو ده بجد يعنى انت متاكد من كلامك؟
واللى مايكونش معاه الحاجات دى هايعملو فيه ايه؟
الله يخليك لو لقيتهم ابقى قوللى الاقيهم فين
غرامة 300 جنيهاقتباس:
المشاركة الأصلية كتبت بواسطة MiMo
اقتباس:
المشاركة الأصلية كتبت بواسطة vet mitcho
لا يا باشا مش للدرجه دي
عقوبة عدم و جود شنطة الاسعافات الاولية او المثلث العاكس :
- اما خمسين جوند
- او سحب الرخصة لمدة لا تقل عن شهر
- او الاتنين لو الضابط كان حابك اوي
طيب علي العموم بقي طالما جبتوا السيره دي
الاسعار دي ليسه طازه من التوفيقيه و الله اعلم بقي
المثلث : اللي هوه زي اللي بينزل في اللانسر الخليجي بيتطبق و شنطه بلاستيك دا 27.5
شنطة الاسعاف بقي في ب 30 و 40 جنيه دي العاديه و في نوع تاني شكل الشنطه جامد طحن ب 55 بس النكته بقي اللي قريتها علي الشنطه دي ان ليها تاريخ انتاج و صلاحيه سنه من تاريخ الانتاج ليه معرفش تقريبا و الله اعلم الشاش لما بيقعد فتره بيبوظ طبعا بهزر بخصوص الشاش لكن مش بهزر بخصوص تاريخ الانتاج و الصلاحيه و الشنطه دي من البلاستيك كده و شكلها شيك تمشي تتأمع بيها و ليها شنطة قماش و حوار كده و طبعاً مليانه
و ربنا معانا بقي و مع الحكومه ال تيييييت تييييييت دي
الاسعار الطازة اكتر ان سعر المثلث 15 جنيه من التوفيقية لسه جايبوا النهاردة و اللي لاحظته ان في ناس بيشتروا بالكرتونة " تقريبا تجار"
اما موضوع شنطة الاسعاف ب 40 جنيه و فيها شوية حاجات تعملها 10 جنيه لذا قررت اشتري شنطة اللانش بوكس بتاعة الاطفال و اجيب شوية حاجات احطها جواها احسن منها ابقى عارف فيها ايه
بس كده
هوة المثلث دة اية لازمتة وبيستخدم ازاى
أنا لسه جايب هيونداى النترا خليجى GLS :3gears:وجاى معاها المثلث العاكس الذى يوضع على مسافة 10 م من السيارة فى حالة الطوارىء عند تعطل السيارة على الطريق وكذلك شنطة الأسعافات الأولية وتحتوى على 8 قطع قطن بالعدد وقطعتان شاش مفرود ولفتان شاش و 4 قطع بلاستر يد بس كده .
على فكرة شنطة الأسعافات مجرد شنطة بلاستيك حمراء تغلق بسوستة والمثلث يتم طيه فى حالة عدم الأستخدام ويكفى ان السيارة الخليجى تاتى بكل كمالياتها ليس كتوكيل مصر مع الأسف:embarrassed2:
أرجو من إخواننا الأطباء اللى معانا فى المنتدى يشرحولنا إيه هى شنطة الطوارئ و المكونات الأساسية اللى لابد أن تكون موجودة بها حتى لا نتوسع فى إضافة مكونات او نقلل من المكونات الضرورية.
الموضوع ده فيه محتويات الشنطة
http://www.nilemotors.net/Nile/showthread.php?t=31467
منقول من موقع الإدارة العامه للمرور
المثلث ده يستخدم في حالة لاقدر الله و السياره تعطلت على طريق مظلم حضرتك بتحطه على مسافة من ظهر السياره علشان تنبة السيارات القادمة من الخلف حتى لايحدث استطدام لاقدر الله...و في بعض السيارات بينزل المثلث راكب في سقف الشنطة زي المرسيدس و كل اللي بيعمله صاحب السياره في حالة تعطلها انه بيفتح الشنطه يبقى المثلث في وش الناس اللي جايه من الخلف....و الله اعلم
اقتباس:
المشاركة الأصلية كتبت بواسطة elrasy
طب و الشنطة دي تتجاب منين؟
يا هاتعملها بنفسك يا هتجيبها من التوفيقيه ب 55 جنيه