قانو المرور الجديد ( المثلث و شنطة الطوارئ)

**atlas_u** · 12-07-2008 11:16 PM

السلام عليكم

شباب بما اننا علي مشارف اول اغسطس و قانون المرور الجديد و ال اجبر كل السيارات ع ان لازم يكون فيها مثلث اشارة و شنطه طوارئ طبية سواء عند الترخيص او ف اي كمين (زي الطفاية)

- حد يعرف اجيب منين شنطة الطوارئ دي؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
- متهيألي ان المثلث ها يبقي موجود ف التوفيقية و لو حد عارف فين يقول.
( تقريبا ف حد مهم عندو مصنع شنطة الطوارئ دي و عرف يصرفها ازاي)
و بارك الله فيكم

**م/محمد صلاح** · 12-07-2008 11:31 PM

انت بتتكلم جد؟
انا اول مره اسمع حكاية المثلث وشنطة الطوارئ دى هو ده بجد يعنى انت متاكد من كلامك؟

واللى مايكونش معاه الحاجات دى هايعملو فيه ايه؟

الله يخليك لو لقيتهم ابقى قوللى الاقيهم فين

**vet mitcho** · 12-07-2008 11:42 PM

المشاركة الأصلية كتبت بواسطة MiMo

انت بتتكلم جد؟
انا اول مره اسمع حكاية المثلث وشنطة الطوارئ دى هو ده بجد يعنى انت متاكد من كلامك؟

واللى مايكونش معاه الحاجات دى هايعملو فيه ايه؟

الله يخليك لو لقيتهم ابقى قوللى الاقيهم فين

غرامة 300 جنيه

**atlas_u** · 12-07-2008 11:57 PM

المشاركة الأصلية كتبت بواسطة vet mitcho

غرامة 300 جنيه

لا يا باشا مش للدرجه دي

عقوبة عدم و جود شنطة الاسعافات الاولية او المثلث العاكس :

- اما خمسين جوند
- او سحب الرخصة لمدة لا تقل عن شهر
- او الاتنين لو الضابط كان حابك اوي

**WalidAdel** · 13-07-2008 12:47 AM

طيب علي العموم بقي طالما جبتوا السيره دي
الاسعار دي ليسه طازه من التوفيقيه و الله اعلم بقي
المثلث : اللي هوه زي اللي بينزل في اللانسر الخليجي بيتطبق و شنطه بلاستيك دا 27.5
شنطة الاسعاف بقي في ب 30 و 40 جنيه دي العاديه و في نوع تاني شكل الشنطه جامد طحن ب 55 بس النكته بقي اللي قريتها علي الشنطه دي ان ليها تاريخ انتاج و صلاحيه سنه من تاريخ الانتاج ليه معرفش تقريبا و الله اعلم الشاش لما بيقعد فتره بيبوظ طبعا بهزر بخصوص الشاش لكن مش بهزر بخصوص تاريخ الانتاج و الصلاحيه و الشنطه دي من البلاستيك كده و شكلها شيك تمشي تتأمع بيها و ليها شنطة قماش و حوار كده و طبعاً مليانه
و ربنا معانا بقي و مع الحكومه ال تيييييت تييييييت دي

**elrasy** · 13-07-2008 12:59 AM

هوة المثلث دة اية لازمتة وبيستخدم ازاى

**hamada1970** · 13-07-2008 03:32 AM

أنا لسه جايب هيونداى النترا خليجى GLS وجاى معاها المثلث العاكس الذى يوضع على مسافة 10 م من السيارة فى حالة الطوارىء عند تعطل السيارة على الطريق وكذلك شنطة الأسعافات الأولية وتحتوى على 8 قطع قطن بالعدد وقطعتان شاش مفرود ولفتان شاش و 4 قطع بلاستر يد بس كده .
على فكرة شنطة الأسعافات مجرد شنطة بلاستيك حمراء تغلق بسوستة والمثلث يتم طيه فى حالة عدم الأستخدام ويكفى ان السيارة الخليجى تاتى بكل كمالياتها ليس كتوكيل مصر مع الأسف:embarrassed2:

**m_aash** · 13-07-2008 10:42 AM

أرجو من إخواننا الأطباء اللى معانا فى المنتدى يشرحولنا إيه هى شنطة الطوارئ و المكونات الأساسية اللى لابد أن تكون موجودة بها حتى لا نتوسع فى إضافة مكونات او نقلل من المكونات الضرورية.

**Islam_galal** · 13-07-2008 01:05 PM

الموضوع ده فيه محتويات الشنطة
http://www.nilemotors.net/Nile/showthread.php?t=31467

منقول من موقع الإدارة العامه للمرور

الموضوع: قانو المرور الجديد ( المثلث و شنطة الطوارئ)

LinkBack

أدوات الموضوع

عرض

قانو المرور الجديد ( المثلث و شنطة الطوارئ) - انشر الموضوع فى :

-

-

-

-

المواضيع المتشابهه

اخر اخبار المثلث و شنطة الاسعافات

شنطة الإسعافات و المثلث !!!!!!!!!!

شنطة الاسعاف و المثلث بتوع المرور

حصريا و نهائيا شنطة الاسعاف المعتمدة من وزارة الصحة و المرور و المثلث ( عرض مصور )

الكلمات الدلالية لهذا الموضوع

المفضلات

المفضلات

ضوابط المشاركة