خبر كويس ان شاء الله للى اشترى سيفيك 2012

**amgomaa** · 17-11-2012 09:00 PM

اللينك ده بيقول ان الشكل الجديد للسيفيك لامريكا فقط اما الشكل الاسيوى هو نفس الشكل اللى عندنا مفيش اى تغيير قريب يارب الخبر يطلع صح انا عارف ان ناس كتير عايزه الشكل يتغير بس مش ناقصه خساير ياااارب يكون صح
2013 Honda Civic US market minor facelift unveiled

**khaleddapino** · 17-11-2012 10:06 PM

على فكره الشكل الحالى مش وحش اووى كدا زى ما الناس بتقول
موديل 2012 بداء ينتشر فى بورسعيد و شوفتو فى الحقيقه اكتر من مره و اكتر من لون و ما شاء الله جااامد

**amgomaa** · 17-11-2012 10:25 PM

المشاركة الأصلية كتبت بواسطة khaleddapino

على فكره الشكل الحالى مش وحش اووى كدا زى ما الناس بتقول
موديل 2012 بداء ينتشر فى بورسعيد و شوفتو فى الحقيقه اكتر من مره و اكتر من لون و ما شاء الله جااامد

بالفعل العربيه قدامك على الحقيقه مختلفه عن الصور مش وحشه بل مقبوله جدا بس الحقبقه الشكل اللى قبليها احلى والفيس ليفت اللى نازل جديد برضه مش اللى جامد اوى يعنى

**abogharib** · 17-11-2012 11:59 PM

وايه الكويس فى الخبر ؟

**S O P H O S** · 18-11-2012 12:15 AM

هو حلو للي اشتري
لكن الي كان ناوي يشتري ما اظنش

**عمرو محمد جمال** · 18-11-2012 12:20 AM

المشاركة الأصلية كتبت بواسطة amgomaa

اللينك ده بيقول ان الشكل الجديد للسيفيك لامريكا فقط اما الشكل الاسيوى هو نفس الشكل اللى عندنا مفيش اى تغيير قريب يارب الخبر يطلع صح انا عارف ان ناس كتير عايزه الشكل يتغير بس مش ناقصه خساير ياااارب يكون صح
2013 honda civic us market minor facelift unveiled

علي فكره انا عربيه عاجبني شكلها جامد

**amgomaa** · 18-11-2012 02:21 AM

المشاركة الأصلية كتبت بواسطة abogharib

وايه الكويس فى الخبر ؟

الكويس فى الخبر انى اللى اشترى سيقيك 2012 مييجيش يلاقيها بقت شكل تانى فى 2013 يعنى اعتقد هيبقى ملهاش قطع غيار متوفره وسعر اعادة بيع فى الارض لان شكلها هيبقى مش مالوف و بالتالى مش مطلوب دى غير احساسك انك اشتريت عربيه على انها شكلها هيقعد 4-5 سنين تلاقيه فى اقل من سنه اتغير يعنى من الاخر يبقى اللى اشترى 2012 ابن البطه السودا

**amgomaa** · 18-11-2012 02:23 AM

المشاركة الأصلية كتبت بواسطة عمرو محمد جمال

علي فكره انا عربيه عاجبني شكلها جامد

قصدك اللى معاك واللى الفيس ليفت الجديد

**amgomaa** · 18-11-2012 02:30 AM

المشاركة الأصلية كتبت بواسطة s o p h o s

هو حلو للي اشتري
لكن الي كان ناوي يشتري ما اظنش

مهو اللى كان ناوى يشترى او اللى بيشترى هوندا مش لازم يبقى معاه عربيه شكلها جامد وانا للعلم بعت عربيه كورى موديل السنه اللى فاتت كنت شاريها زيرو خليجى وشكلها المفروض انه وهم بس صباح القرف تزييق وخبط فى الدركسيون حتى الكراسى تحس انها مفككه من بعض واشتريت الهوندا لانى عارف يعنى ايه هوندا وفى نفس الوقت اللى معاه الجيل التامن اللى فات اعتقد انه كشكل حتى احسن من الفيس ليفت الجديد يخليها معاه لحد العاشر واهى هانت كلها 2-4 سنين

**AHMED_HAMDY** · 18-11-2012 07:55 AM

بص 99% من الشعب كان معترض على الشكل الجديد وان القديم احسن وكدا بس بجد الشركه دي وعلامه ال H

اقتنعت مليون في الميه عمرها متعمل حاجه وحشه

العيوب اللي شوفتها 1- شكل افوانيس وراء وقدام ممكن اكثر حاجه خلتني اكرهها من الاول

بعد كدا لقيتها انتشرت في الزقازيق بكميه غريبه لغايه مدكتور في الجامعه كانت معاه نبيتي Vti

فضلت اشوفها حتة حتة عرفت بجد العربيه دي مش يتحكمم عليها بالانظر ولا بانها كدا بجد ماشاء الله ماشاء الله
ربنا يبارك لكل واحد ركبه بجد في كل حاجه فيها مضبوطه مفهاش اي عيوب بره ولا جوه
بس انا بضه لسه ان شكل الفوانيس ممكن يكون العيب الوحيد اللي مش محببني في العربيه

بس الثبات والتقفيل والعزل وكل حاجه تتخيله تحكم عليها ويس ومحدش برضه هيحكم على عربيه انها وحشه من شكل فوانيسها !!!!