الموضوع: تقريرى عن تركيب فرش فى جينز كار

السلام عليكم و رحمة الله و بركاته

اولا
اعتذر لقلة مشاركتى فى المنتدى و لكن الحمد الله الصقور قايمين بالواجب
ثانيا
الحمد الله ربنا كرمنى و عملت فرش فى جينز كار فكنت حابب اشارك اخوانى
ثالثا التقرير
الحمد الله بعد فترة طويلة من الانتظار حتى اتيح لى الوقت و العزيمة انى اعمل الفرش من ساعت ما قررت انى اعمله ساعت ما قابلت الحاج احمد مشعل فى لقاء الصقور فى الحديقة الدولية و كنت معاه على نفس التربيزة و قعدنا نتكلم حوالى ساعة و هو شخصية محترمة فعلا.
المهم رحت قبل العيد قابلت عبد الله مشعل و الصراحة ماشاء الله هو كان فاكرنى و اتفقت معاه على انى اعمل فرش للسيارة و فرش للأرضية بما اننا هنفك الكراسى و الكنب فبالمرة بعد ما اختارت نوعية الجلد سواء للفرش او للأرضية.
احترت فى اختيار الألوان هى العربية سودا و الفرش بيج فمكنش ينفع اسود فقلنا خليها بيج و الحواف فيرانى بس بعد كدا قابلت الحاج احمد و للأسف مفتكرنيش كان الله فى عونه هيفتكر مين ولا مين المهم استشرته قالى عاوز من الأخر قلت له اكيد قالى الاورجينال كله بينزل لون واحد و بيتم اللعب فى الخياطة فنصيحتى لون واحد و نخلى الخياطة فيرانى مثلا قلت ماشى توكل على الله.
اتفقت معاه على اليوم و الساعة و كانت الساعة 2 الظهر الحمد الله جيت فى الميعاد كان فى عربيتين هما شغالين فيهم و كان فى عربية جت معاية فى نفس الميعاد ركنا بعيد شوية عن المحل و بعدين فكوا الكراسى و الفيبر بتاع العربية كلها و بعد كدا قفلت العربية.
و قابلت فى هذه الأثناء الحاج احمد مشعل و حسين باشا اخى الكريم و للأسف برضو مكنش فاكرنى قاعدنا مع بعض شوية و بعد كدا حسين باشا استأذن و مشى.
بعد حوالى 3 ساعات جه واحد و بدأ ياخد مقاسات الأرضية هو للأسف ساعتها بدأت الدنيا تتظلم و الركنة كانت فى حتة ظلمة بس فتحنا نور الصالون بعد كدا بحوالى ساعة جه العامل و بدأ فى تركيب الارضية ثم تركيب الفيبر خدت منه حوالى ساعة.
المهم بعد ما خلص تركيب الارضية ركب الفيبر و لكن للأسف مرجعش زى ما كان مكنش مظبوط عموما على قد ما قدر قفله كويس
و بعد كدا تم تركيب الكراسى و الكنبة هو الصراحة الجلد نفسه ماشاء الله كويس و تقفيله ممتاز ربنا يبارك بس هو الخياطة الدبل فى رأيي المتواضع كان المفروض يكون الفرق بين الغرزة و الغرزة اوسع شوية زى الاورجينال و لكن ماشاء الله بردو كويس و مشيت حوالى 10 و نصف يعنى حوالى 9 ساعات و شكرا

ملخص التقرير

الأرضية : بلاش تفك الفيبر و تركب ارضية خصوصا لو العربية جديدة و هات دوسات نظيفة و كدا كفاية جدا

الفرش: التقفيل كويس ماشاء الله بس حاول توصيه انه يظبط الغرز اوسع شوية

المعاملة: ممتازة و خصوصا من الحاج احمد مشعل