تقريرى عن تسليح الكاوتش فى تاير منيا

**Baher_Algogary** · 18-11-2012 08:11 AM

السلام عليكم و رحمة و بركاته

نظرا لقلة مشاركاتى فقلت اصالحكم بكام تقرير كدا و الله المستعان

الحمد الله ربنا كرمنى و رحت تاير منيا لتسليح الكاوتش و قابلت المهندس محمد يسرى و هو شخصية محترمة و فاهمة جدا فى شغلها و قلت له توكل على الله و نعمل موضوع التسليح ده.
بعد ما فكينا الكاوتش قالى هو بيفضل انه يحط فى الكاوتشة 900 جرام مش 800 جرام كدا أامن و افضل هو طبعا مفيش مشكلة فى 800 جرام بس كدا افضل قلت له توكل على الله.
عملى التسليح و بعد كدا النتيروجين و الترصيص و سبب النيتروجين هو انه ما بيسخنش زى الهواء العادى انما مش هيفرق فى عفشة و لا حاجة.
بعد ما خرجت من عنده و انا فى الطريق لقيت الديكسيون بيرعش جامد لما بوصل ل 100 كيلو هو الوقت كان اتأخر فاتصلت بيه تانى يوم فرد عليا و قالى دى كدا مشكلة فى الترصيص و تعالى و انا اظبطها ليك علطول بأذن الله.
المهم رحت له تانى يوم هو مكنش موجود قابلنى اخ هناك فكوا الكاوتش و رصاصوه تانى و وبعدين الأخ اللى هناك جه معايا و قالى نجرب العربية علشان نطمن طلعنا على طريق طوالى و عدينا 100 ك و الحمد الله محصلش حاجة و رجعنا تانى.

ملخص التقرير

المعاملة : ممتازة و خصوصا من الأخ اللى انا بعتذر مش فاكر اسمه.

فنيا : جيدة و موضوع الترصيص هما قالوا ان دى غلطة اول مرة تحصل معاهم.

الاعتمادية : انا شايف ان الموضوع مفيد جدا.

**the_air_devil** · 18-11-2012 08:22 AM

رغم انك ماغيرتهوش بس اقدر اقوللك مبروك الكاوتش الجديد وربنا يرزقك خيرها ويكفيك شرها .... عايزين بقى صور ياجميل

**S O P H O S** · 18-11-2012 09:04 AM

مبروك التسليح

**ABO MALEK** · 18-11-2012 09:37 AM

عبارة عن ايه التسليح ده؟؟؟؟وكام تكلفته؟

**Baher_Algogary** · 18-11-2012 09:38 AM

الله يبارك فيكم
استاذى الفاضل هو مش هتفرق الصور لان الكاوتش من برة زى ما هو :)

**Baher_Algogary** · 18-11-2012 09:41 AM

التسليح عبارة عن جيل يتم وضعه على الكاوتش من الدخل على اساسا فى حالة لا قدر مسمار او حاجة دخلت فى الكاوتش الجل ده يسد الخرم ده ببساطة شديدة و ممكن تقارير الاخوة فى المنتدى بتشرح الموضوع بتفصيل