الموضوع: كاوتش الصني سوبر صالون الجديده سئ جدا

يا ريت صاحب الموضوع يطمنا على موضوع التاريخ

المشاركة الأصلية كتبت بواسطة ahmed452003

إ خواني أنا بعتذر جدا على اثارة البلبلة وعن الموضوع وبعترف اني تسرعت في قراءة تاريخ الانتاج لاني متعود انوا يكون اخر اربع ارقام ومتوقعتش انوا يكون الاربع ارقام الي قبلهم والخوف هو الي خلاني اتسرع لان التعويم على السرعات العاله جامد جدا ومبعرفش اتحكم في العربيه واسف على التأخير نظرا لظروف العمل انا عندي الكاوتش كله 3612 وبعتذر لنيسان ولو عوزين اعتذار رسمي انا مستعد ... بس يا اخواني في المجمل الكاوتش سىء جداااااا وصوته عالي وبيلم زلط وبيعوم في السرعات العالية وبكرر اعتذاري ليكوا لاني مدين لكم وللمنتدى ولقسم نيسان ولادارته لان المنتدى ساعدني في اختيار السيارة دي انا نويت اغير الكاوتش واركب مقاس 195/60r15 بس السؤال هل التغيير يؤثر على الضمان ؟ وبكرر اسفي .

الاعتذار من سمة الرجال

الوجه المشرق في الموضوع انك خليت كل الناس تشوف تواريخ االإنتاج وتتأكد بنفسها انه تمام


أما عن التعويم, أنصحك تخلي الضغط 33 قدام و 30 ورا وتملاه نايتروجين, خد بالك انه بييجي من المصنع على 40 وده السبب الرئيسي للتعويم


هو كاوتش سيئ إلى حد ما لكنه قابل للتعايش معاه, ولو سكتك ومشاويرك كتير اصبر عليه لحد ماتغيره, ولو مش مستحمله هات المقاس اللي انت ذكرته فعلاً


أما عن تأثير استبدال الكاوتش على الضمان, لأ مش بيؤثر لأنه قطعة استهلاكية وأصلاً غير مشمول بالضمان ومش هايفرق في حاجة, هايفرق لو انت عملت تعديل في الطنابير وخرط وشغل صنايعية في منطقة العفشة وما شابه ذلك


حتة التعويم دي مش بتحصل وانا كل فترة باجي في حتة فاضية تماماً واجري بشدة وافرمل مرة واحدة باجرب الاتزان والسيطرة على العربية والآي بي إس, ومش موجودة لا على سرعات عالية ولا منخفضة, هي بتكون موجودة لو انت فرملت بشكل جامد جداً على سرعة عالية جداً وانت مش موجه الدركسيون بشكل مستقيم وفي عربية مافيهاش إي بي دي زي نيسان صني .... أعتقد فيه حاجة غلط زي ماذكرت فوق ان الكاوتش ضغطه مش مظبوط

المشاركة الأصلية كتبت بواسطة ahmed452003

إ خواني أنا بعتذر جدا على اثارة البلبلة وعن الموضوع وبعترف اني تسرعت في قراءة تاريخ الانتاج لاني متعود انوا يكون اخر اربع ارقام ومتوقعتش انوا يكون الاربع ارقام الي قبلهم والخوف هو الي خلاني اتسرع لان التعويم على السرعات العاله جامد جدا ومبعرفش اتحكم في العربيه واسف على التأخير نظرا لظروف العمل انا عندي الكاوتش كله 3612 وبعتذر لنيسان ولو عوزين اعتذار رسمي انا مستعد ... بس يا اخواني في المجمل الكاوتش سىء جداااااا وصوته عالي وبيلم زلط وبيعوم في السرعات العالية وبكرر اعتذاري ليكوا لاني مدين لكم وللمنتدى ولقسم نيسان ولادارته لان المنتدى ساعدني في اختيار السيارة دي انا نويت اغير الكاوتش واركب مقاس 195/60r15 بس السؤال هل التغيير يؤثر على الضمان ؟ وبكرر اسفي .

حصل خير يا أستاذ أحمد بس ياريت نتروى قبل من هاجم ونعمل موضوع بعنوان ضخم ذى حضرتك ما عملت ودى سمعة شركة كبيرة ذى نيسان وتلاقى ناس ملهاش فى الموضوع داخلة تنهش فى الشركة والعربية وتسؤ وتشمت شماته السنين الحمد لله وقدر الله وما شاء فعل مبدئيا حضرتك ظبط ضغط الكاوتش امامى 33 وخلفى 30 وحط نيتروجين هيظبط معاك وممكن التعايش معاه لو مش هتقدر تستحملة ممكن تغيرة وتركب 195-60-15 وده المقاس المسموح به دون التأثير على العفشة والأتزان ولك تحياتى