كاوتش الصني سوبر صالون الجديده سئ جدا

**hossam_elwani** · 21-11-2012 06:21 PM

المشاركة الأصلية كتبت بواسطة dodyam

الاعتذار من شيم الرجال

بخصوص تغيير مقاس الكاوتش انا سألت مهندسين الصيانة فى السبع واوتو ايجيبت و افادوا ان العربية كده هتطلع من ضمان العفشة
فده اللى قلقنى مع اسباب اخرى خلتنى ما اغيرش على الرغم من ان اعضاء تانيين كبار غيروا مقاس الكاوتش فعلا الى 195/60 فانت وراحتك و ممكن تغير نوع الكاوتش بس بنفس المقاس الاصلى و ان كنت شخصيا مع انك تصبر على الكاوتش وابقى غيره على 25 و لا 30
ملحوظة انا عامل زى ما العضو الكريم قالك يعنى حاطط نتروجين و امامى 33 و خلفى 30

انت بتصدق كلامهم ياراجل كبر مخك

وبعدين المقاس 195 موصى بيه كحد اقصى وده كلام المصنع ومش حيأثر بأى شكل سلبى على العفشه يعنى كلامهم مش منطقى

شكلها عره قوى بالكاوتش الــ 185 انت عارف لوحد جرب 205 ومفيهوش مشكه اعتقد انه (الانسب شكلا)

لان العربيه كبيره والكاوتش صغير

**dodyam** · 21-11-2012 07:30 PM

المشاركة الأصلية كتبت بواسطة hossam_elwani

انت بتصدق كلامهم ياراجل كبر مخك

وبعدين المقاس 195 موصى بيه كحد اقصى وده كلام المصنع ومش حيأثر بأى شكل سلبى على العفشه يعنى كلامهم مش منطقى

شكلها عره قوى بالكاوتش الــ 185 انت عارف لوحد جرب 205 ومفيهوش مشكه اعتقد انه (الانسب شكلا)

لان العربيه كبيره والكاوتش صغير

لكن أنا سألت نيسان ايجيبت ما قدرتش اوصل لحاجة منهم و هأحاول أكلمهم تانى

بس يا حسام باشا انت بتقول موصى به من المصنع

هل ده بطريقة رسمية تتمسك عليهم وقت الجد لان فى الكتالوج مفيش غير مقاسين 15\65\185 والتانى 14\65\185

.

**Youssef.Awad** · 22-11-2012 12:02 AM

المشاركة الأصلية كتبت بواسطة dodyam

لكن أنا سألت نيسان ايجيبت ما قدرتش اوصل لحاجة منهم و هأحاول أكلمهم تانى

بس يا حسام باشا انت بتقول موصى به من المصنع

هل ده بطريقة رسمية تتمسك عليهم وقت الجد لان فى الكتالوج مفيش غير مقاسين 15\65\185 والتانى 14\65\185

.

وفيه مقاس كمان بينزل فى الخليج هو 175/70-14

وعلى فكرة بما ان المقاسات المذكورة كانت برضة بتنزل فى الصنى القديمة وشكل الرينو اسكالا اللى مانزلش مصر باسم صنى
اذن ينفع يركب لها 195/60-15 زى ما كان نازل فى السوبر صالون القديمة

**Ahmed.TV** · 22-11-2012 02:37 PM

حستاذنك طالما استلمت من موزع معتمد يبقا الموضوع ده حوصله الى المسئولين فى نيسان
وكمان ياريت حضرتك تقدم شكوى وتاخد رقمها .. متقفلش الخط معاهم الا لما تاخد رقم الشكوى

وان شاء الله خير

**Youssef.Awad** · 23-11-2012 09:55 PM

المشاركة الأصلية كتبت بواسطة dodyam

وهل السوبر صالون القديمة و الصنى الجديدة نفس العفشة

العفشة مختلفة لأنهم جياين مختلفين
لكن ابعاد الجنوط والاطارات واحد فى الاتنين

**Youssef.Awad** · 23-11-2012 09:58 PM

المشاركة الأصلية كتبت بواسطة ahmed.tv

حستاذنك طالما استلمت من موزع معتمد يبقا الموضوع ده حوصله الى المسئولين فى نيسان
وكمان ياريت حضرتك تقدم شكوى وتاخد رقمها .. متقفلش الخط معاهم الا لما تاخد رقم الشكوى

وان شاء الله خير

صاحب الموضوع كذب الخبر وده رده:

المشاركة الأصلية كتبت بواسطة ahmed452003

إ خواني أنا بعتذر جدا على اثارة البلبلة وعن الموضوع وبعترف اني تسرعت في قراءة تاريخ الانتاج لاني متعود انوا يكون اخر اربع ارقام ومتوقعتش انوا يكون الاربع ارقام الي قبلهم والخوف هو الي خلاني اتسرع لان التعويم على السرعات العاله جامد جدا ومبعرفش اتحكم في العربيه واسف على التأخير نظرا لظروف العمل انا عندي الكاوتش كله 3612 وبعتذر لنيسان ولو عوزين اعتذار رسمي انا مستعد ... بس يا اخواني في المجمل الكاوتش سىء جداااااا وصوته عالي وبيلم زلط وبيعوم في السرعات العالية وبكرر اعتذاري ليكوا لاني مدين لكم وللمنتدى ولقسم نيسان ولادارته لان المنتدى ساعدني في اختيار السيارة دي انا نويت اغير الكاوتش واركب مقاس 195/60r15 بس السؤال هل التغيير يؤثر على الضمان ؟ وبكرر اسفي .

برجاء تغيير عنوان الموضوع بما يدل عن محتواه الحقيقى ..

**Ahmed.TV** · 25-11-2012 02:43 AM

ههههههههههههه .. طب مش تقولوا ان الموضع اتحل

انا بعت لينك الموضوع للمسئولين فى مصنع نيسان وبعتلهم ميل .. وردوا عليه بميل .. وكانوا عايزين بيانات ورقم تليفون العميل

بس خلاص لما قريت ردكم .. بعت وقولتلهم العضو اعتذر لانه فهم قراءة الرموز خطا ..
وبعتلهم ومن زمان دايما بحكى على موضوع الكاوتش الماكسس انه سيئ .. ودايما ببعت تقارير الاعضاء اللى غيره الكاوتش الى بريدج ستون .. عشان يشوفوا الانطباعات على ارض الواقع

وعشان كدا عايزين انطباعتكم دايما

تحياتى