لو الفكره دي نجحت تبقى مشكلة فرامل اللانوس أتحلت و ببلاش
السلام عليكم
منتدي الدايو و الشيفروليه
جايلكم طازه من قسم السيات (بعد ما بعت عربيتي الأبيزا 1994)
لقسم الدايو (بعد ما اشتريت لانوس 2 2003 من 10 أيام)
بفكره جامده
و أسمحولي أحكيلكم الحكايه بالتفصيل
قريت عن مشكلة فرامل اللانوس و لمست ده بعد ما ركبتها فعلا
الموضوع كالأتي:
1- ركبت 132-2000 و كانت الفرامل الخلفيه ديسكات و فرامل العربيه كانت سيئه جدا
2- ثم مازدا 323 مو 1982 و برضه الخلفيه ديسكات و الفرامل كانت عالشعره
3- ثم أبيزا 1994 و برضه الخلفيه ديسكات و الفرامل كانت عالشعره
4- ثم اللانوس
.
.
المهم نستنتج الأتي :
الفرامل الخلفيه لما تكون ديسكات مش شرط تبقى الفرامل ضعيفه بدليل المازدا و الأبيزا كانوا بيقفوا على أي سرعه بدون حدفه ولا زحف ولا أي مشاكل
.
.
لكن خلينا بقى في 132 شويه
- العربيه دي كانت فراملها زفت و غيرت كل حاجه فيها لحد ما وصلت انه ليس في الأمكان أحسن مما كان و استسلمت للوضع
- لكن الكورونا بتاعتها باظت بعد شويه و لما رحت اشتري كورونا كامله لقيت بتاعت أرجينتا و الراجل قالي ان الفرق الوحيد بين كورونة الأرجنتا و 132 وصلة عامود الكردان الخلفيه أقصر فلازم تاخدوها مع الكورونا
- و بعد ما ركبت الكورونا مشكلة الفرامل أتحلت لوحدها
- و بعد ما ركبت الكورونا بفتره الفرامل هربت و كان السبب خرير زيت باكم من ماستر الفرامل الخلفي يمين فقولت أجيب 2 جداد غيرهم
- المفاجأه بقى أن المساتر ملقيتش زيهم عند بتوع الفيات فقولت للميكانيكي، بص فيهم و قالي دول مش بتوع فيات دول بتوع بيجو 505 و دول أكبر من بتوعها و دول اللي خلوا الفرامل أتظبطت
- بس و عنها لقيتهم عند بتوع البيجو فعلا و بالمقارنه كده لقيتهم أتخن من مساتر الفيات لكن بيركبوا بنفس المسامير بدون أي تعديلات
طب ليه منجربش الموضوع ده في اللانوس، هيكون أوفر بكتير من التعديلات السابقه
بس المشكله مساتر أيه اللي ممكن تركب مكان مساتر اللانوس بدون تعديل
ياريت لو حد من الأخوه الخبراء يساعدنا في الموضوع ده و نجرب ............ يمكن تنفع
و انا لو وصلت لجديد هاقولكم على طول
تحياتي
و السلام
