الموضوع: الحمد لله اشتريت التمبرا بس يا فرحة ما تمت

التنتيش اسبابه كتيره جدا
ممكن تنظيف رشاشات
موبينه
سلوك بوجيهات
فلتر بنزين
ممكن حضرتك تراجع على الكلام ده عند اى ميكانيكى بس يكون كويس مش شرط بتاع تمبرا يعنى
وورا حديقه بدر اسمع ان فى صنايعيه شطار اسأل حواليك معارفك وهما هيدلوك او انتظر رد اخواننا هنا
ومبروك عليك السياره وهيا دى ضريبه المستعمل لازم تتعب شويه فى الاول

المشاركة الأصلية كتبت بواسطة hashimcac

بسم الله الرحمن الرحيم و السلام عليكم يا كل الاعضاء الكرام والجدعان اوي
ويشرفني انضمامي لرجالة التمبرا المحترمين جدا

انا عايز رائيكم ومساعدتكم في موضوعي وهو :
انا بعد فترة كبيرة من البحث علي فيات تمبرا علي النت وفي سوق مدينة نصر للسيارات ربنا وفقني يوم الجمعة 16/11/2012 ولاقيت تمبرا عجبتني وطبعا انا حبتها من كلام رجالة التمبرا عنها .
العربية في الرخصة موديل 1993 بس الازاز كله مكتوب علية 0002 يعني موديل 1992
وهي كانت داخلة معاقين وفكت حظر من سنه تقريبا
واللي اشتريتها منه كان اخو المعوق خدها منه اول ما فكت حظر من سنه بعقد مسجل ومفيهاش توكيلات قاللي انها بمواصفات الماني وه باعها لانه شغال في شركة بترول في السودان وراكنها من غير ما يستفاد منها... وكان ماسك في سعرها قوي كان طالب 33500 وخلصناها بالعافية 32000 واشتريتها بعقد علي طول وهي فيها رخصة سنه
العربية 1600 سي سي هاف انجيكشن بموتور فيات لانشيا وده مكتوب علي الغطا البلاستيك اللي علي الموتور
العربية مش مكيفة وعداددها ديجتال وكلها شغاله
فيها 2 ازاز كهربا وباور والدريكسيون متحرك
وفيها فتحة سقف كهربا بحالة ممتازة وفوانيس شبورة مش شغاله والاستبن الاصلي وكاسيت عادي
الصالون حالتة جيده جدا وطبعا بتاع الفبريكة محتاج بس تنضيف بسيط و هي اصلا فبريكة دواخل والحوض والشنطة ممتازين ورشه نضافة والدهان الخارجي حالتة ممتازة
الخلاصه : العربية ماشاء الله اسد واقف وواسعة جدا وفخمة ومريحة جدا
واللي باعها قاللي انه شاددها من فترة قريبه لانه ركنها سنه ومغير حاجات كتير زي المساعدين وطقم شمبر للموتور وقاللي متعملش فيها اي حاجة هي مش محتاجة شئ
المشكلة هي :
بعد ما خدنا العربية ومشينا من السوق نجربها لاقيتها جميلة فعلا قمت مخلص واديته الفلوس وبعد ما مشي بصيت علي مؤشر البنزين لاقيت مفيش بنزين اصلا قمت داخل بنزينة ومفول ب 104 جنية والله بنزين 92 وانا كان معايا قبلها شاهين 1300 سي سي وكنت بفولها ب 35 جنية بالكتير ههههههه
المهم بعد ما خرجت من البنزينه لاقيت العربية بتنتش جامد و مبتسحبش وفي صهد طالع علي من التابلوة وانا سايق ... ركنت وبصيت علي الموتور لاقيته سخن جدا بصيت علي قربة المية وزوتها كانت محتاجة مية وبرضه لسة السخونية والتنتيش وطلعت حكاية السخونية بعد ما اتعذبت بيها ووقفت مني ان الترموستات كانت مش شغالة والمروحة كانت مبتشتغلش اتوماتيك و اتصلت باللي باعهالي وقاللي شغلها يدوي من زرار ليها في الدريكسيون وعملت كدة لحد ما ظبطت الترموستات واشتغلت ما كنتش بايظه ولا حاجة واشتريت غطا للقربة لان غطاها كان بينفس بخار فالمية كانت بتنقص بسرعة و راحت مشكلة السخونه والحمد لله
مشكلة التنتيش بقي روحت للميكانيكي قاللي عايزة طقم بوجيهات وجبت طقم بوجيهات فرنساوي وركبه والمشكلة راحت والحمد لله
روحت ع البيت وركنت العربية وتاني يوم ختها ورايح الشغل اخر النهار لاقيت مشكلة التنتيش رجعت تاني ومفيش سحب خالص .
و مش عارف اعمل اية
في من اصحابي اللي قاللي ظبط الكهربا بتاع العربيه واللي قاللي ظبط الهاف انجيكشن وفي ميكانيكي قاللي اقلبها كربراتير وانا مش عارف اعمل اية ومحتاس وزعلان جدا


ارجو منكم المساعدة يا تري المشكة فين في العربية وياريت لو حد يعرف ميكانيكي تمبرا كويس جنبي يدلني انا ساكن ناحية حديقة بدر في جسر السويس

وعايز افهم حاجة اذا كانت المشكلة اللي في العربية مش مشكلة بوجيهات
لية بقي لما غيرت البوجيهات راحت المشكلة مؤقتا رغم ان حاجة تانية هي اللي بايظه في العربية ومتعملش فيها حاجة لسة

شكرا ليكم مقدما
واسف للاطالة

اولا اهلا بحضرتك فى عالم التمبرا - عربية محترمة وربنا يبارك ليك فيها
و متقلش بعون الله الى انت عايزة هتلاقية
وكل اخواتك الى معاهم التمبرا مشتركين فى جروب على الفيس بوك
خاص بالتمبرا والى انت ةعايزة هتلاقى بعون الله
واكثر من صديق بعتلك دعوة وتشرفنا
ام بخصوص المشاكل الى عندك الاخ mado83 اعتقدك ادك مفتيح الحل
نبتدى واحدة واحدة
انت حطيت ب 102 بنزين عشان التنك هنا حوالى 63 لتر تنك الشاهين كان 40 لترا
النقط التانية السخونة الى طالعة عاليك هتلاقيها بسبب عدم وجود لباد العزل تحت الدريكسيون
عند اى سروجى يظبتهولك
كل التمبرا مواتيرها مكتوب عليها لانشيا واغلب قطع الغيار هتلاقيها عليها محفور علامة الانشيا
فوانيس الشبورة يا مفصولة كهرباء ( اى كهربائى يعملهلك)
يا ام المبة محروقة ( المبة عاملة 10 جنية )
التنتيش ابتديها من اول سكة البنزين
1- فلتر بنزين عايز يتغير ( تحت التنك فى بطن العربية ) تجيب بتاع الشاهين الانجكشن بيركب عليها عامل من 15 الى 20 جنية - متنساش فلتر الشاهين الانجكشن
2- فلتر الهوا عايز ينظف
3-تنظيف الهاف انجكشن بمنظف الكربيرايتير
4- التاكد من فيوزات طرمبة البنزين - عشان لو مشعرة ممكن تنتش
5- التاكد من فيشة بلاطة فيوز الامان لطرمبة ( فيوز مكون من مادة صينى بشكل البلاطة لونة ابيض موجود فى بعض الموديلات الانجكشن وانت واقف قدام العربية على ايدك الشمال فى صدر العربية )
الفيشة ساعات بتهز وبتفصل كهرباء الموتور
6-ترمستوتات المروحة الاصلى عاملة حوالى 100 جنية وممكن تعديل وتركيب بتاعت الشاهين
وانا لا افضل ذلك(احسن اداء اداء الفبريكة )
7-انا معايا هاف انجكشن ذيك واغلب الميكانيكى بيقولولى غير يا بية وخليها كربيراتير
بختصار الانجكشن يكسب من ناحية
الناحية الاول قلة الاعطال
الناحية التانية كلة على بعضة كامل بفيشة (250ج ) يبقى انهى الاحسن
بيقوللك كربيراتير عشان يعرفوا يخربوا فى كويس
دا الى انا فاكرة لغاية دلوقتى
واى حاجة انا تحت امرك حتى لو عايز نتقابل انا اعتبر قريب منك
ناحية مدينة السلام
وربنا يبارك ليك فيها ويديك خيرها ويمنع عليك شرها

المشاركة الأصلية كتبت بواسطة ahmed_gamal777

اولا اهلا بحضرتك فى عالم التمبرا - عربية محترمة وربنا يبارك ليك فيها
و متقلش بعون الله الى انت عايزة هتلاقية
وكل اخواتك الى معاهم التمبرا مشتركين فى جروب على الفيس بوك
خاص بالتمبرا والى انت ةعايزة هتلاقى بعون الله
واكثر من صديق بعتلك دعوة وتشرفنا
ام بخصوص المشاكل الى عندك الاخ mado83 اعتقدك ادك مفتيح الحل
نبتدى واحدة واحدة
انت حطيت ب 102 بنزين عشان التنك هنا حوالى 63 لتر تنك الشاهين كان 40 لترا
النقط التانية السخونة الى طالعة عاليك هتلاقيها بسبب عدم وجود لباد العزل تحت الدريكسيون
عند اى سروجى يظبتهولك
كل التمبرا مواتيرها مكتوب عليها لانشيا واغلب قطع الغيار هتلاقيها عليها محفور علامة الانشيا
فوانيس الشبورة يا مفصولة كهرباء ( اى كهربائى يعملهلك)
يا ام المبة محروقة ( المبة عاملة 10 جنية )
التنتيش ابتديها من اول سكة البنزين
1- فلتر بنزين عايز يتغير ( تحت التنك فى بطن العربية ) تجيب بتاع الشاهين الانجكشن بيركب عليها عامل من 15 الى 20 جنية - متنساش فلتر الشاهين الانجكشن
2- فلتر الهوا عايز ينظف
3-تنظيف الهاف انجكشن بمنظف الكربيرايتير
4- التاكد من فيوزات طرمبة البنزين - عشان لو مشعرة ممكن تنتش
5- التاكد من فيشة بلاطة فيوز الامان لطرمبة ( فيوز مكون من مادة صينى بشكل البلاطة لونة ابيض موجود فى بعض الموديلات الانجكشن وانت واقف قدام العربية على ايدك الشمال فى صدر العربية )
الفيشة ساعات بتهز وبتفصل كهرباء الموتور
6-ترمستوتات المروحة الاصلى عاملة حوالى 100 جنية وممكن تعديل وتركيب بتاعت الشاهين
وانا لا افضل ذلك(احسن اداء اداء الفبريكة )
7-انا معايا هاف انجكشن ذيك واغلب الميكانيكى بيقولولى غير يا بية وخليها كربيراتير
بختصار الانجكشن يكسب من ناحية
الناحية الاول قلة الاعطال
الناحية التانية كلة على بعضة كامل بفيشة (250ج ) يبقى انهى الاحسن
بيقوللك كربيراتير عشان يعرفوا يخربوا فى كويس
دا الى انا فاكرة لغاية دلوقتى
واى حاجة انا تحت امرك حتى لو عايز نتقابل انا اعتبر قريب منك
ناحية مدينة السلام
وربنا يبارك ليك فيها ويديك خيرها ويمنع عليك شرها

متشكر جدا جدا علي ردك
وده المتةقع من رجالة التمبرا المحترمين
وان شاء الله هراجع عل كل اللي انت قولته وربنا يسهل وتروح مشكلة التنتيش ده

بس كنت عايز اعرف رائ حضرتك في السعر اللي خلصتها بيه 32000 يا تري كتير والا كويس

وشكرا جزيلا مرة تانية

المشاركة الأصلية كتبت بواسطة hashimcac

متشكر جدا جدا علي ردك
وده المتةقع من رجالة التمبرا المحترمين
وان شاء الله هراجع عل كل اللي انت قولته وربنا يسهل وتروح مشكلة التنتيش ده

بس كنت عايز اعرف رائ حضرتك في السعر اللي خلصتها بيه 32000 يا تري كتير والا كويس

وشكرا جزيلا مرة تانية

على اية ان تحت خدمتك فى اى وقت لوجة الله
ان شاء الله هتروح
طلما انت مقنع بالعربية يبقى السعر تمام
مش هيفيديك لو قلت قليل والا كتير
ربنا يبارك ليك فيها ويمنع عنك شرها