الموضوع: لانوس 2008...بتأخر دواره

المشاركة الأصلية كتبت بواسطة amrelsaqqa

يا باشا انت مدوخ نفسك ليه ، الموضوع مش هيخرج عن طرمبة بنزين او رشاشات ابدأ بالاسهل والارخص لحد ما المشكلة تتحل

منظف دورة الوقود مالوش اي دعوة بالموضوع ده، ومش لازم استهلاك البنزين يزيد او الشكمان يهبب عشان تبقى رشاشات ( الكلام ده لو فيه مشكلة والعربية سخنة ) انما المشكلة والعربية باردة فعادى ممكن يكون رشاشات برضه واستبعد الموبينة وسلوك البوجيهات مؤقتا لان الموبينة بتعمل مشاكل والعربية سخنة في الغالب ، مش والعربية باردة

والله يا انت باشا
بس انا استعملت منظف الرشاشات مش منظف دورة وقود ...فهمنى؟ وهو بيتحط فى التانك مع البنزين...لكن لا حياة لمن تنادى..( انا كنت قولت انه منتجات ليكوى مولى ) مش عارف بقه نوعه مش حلو ولا اساسا المنظقات اللى بتضاف للبنزين عديمة الفايده....لكن انا اللى بدأت اشك فيه فعلا هى الطرمبه فمش عارف اغيرها ولو اغيرها هتبقى بكام ولا انضفها مثلا لو ينفع

المشاركة الأصلية كتبت بواسطة hanyaziz

معلشي احنا استبعدنا المارش لية مع انة ممكن يكون السبب لاني لو الاوتوماتك بتاعة او الترس ضعيف تحصل المشكلة دي عمتا ادي العربية الغيار الاول وشغل كونتاك خلي العربية تفط منك لو العربية دارت يبقي زي مقلتلك وحلها بسيط ركب كتاوت ع المارش بس خلي بالك وانت بتعمل الحكاية دي لتكون عربية واقفة قدامك لاني لما هتشغلها العربية هتنتر لانك هتكون مدي الغيار فممكن تخبط فيها

الساده الافاضل كافة المشاركين فى الموضوع اليكم ما تم
اولا تم الاستعانه بكهربائى لشكه فى البطاريه وقعد يدور فى العربيه مش عايزه تقوم وقالى انها مش بطاريه ولا فى الكهربا بشكل عام دى حاجه فى البنزين وقالى تعالى نروح لميكانيكى محترم وركب عشان يسوق جه يطلع العربيه بطلت منه ونطت من مكانها فقالى تعالى سوق انت رجلى مجزوعه وعملى فيلم الارض (: المهم روحت للميكانيكى.

روحت لميكانيكى كشف ع العربيه بالكمبيوتر وقالى الجهاز بيقول مفيش اخطاء وافتالى فتوه مقتنعتش بيها ان البوجيهات الجديده وخده رطوبه.

بس فى ملاحظه مهمه جدا انه فك واحد من اواشيط البطاريه وجرب شويه حاجات لكن دون فايده وركب الاوشاط تانى لكن مش بإحكام بس انا مخدتش بالى ساعتها .

تانى يوم بليل خرجت بالعربيه وركنت جنب الشغل وجيت ادور اخر اليوم العربيه لقيتها الكهربا فاصله خالص من العربيه حلو الكلام؟
يعنى مفيش كهربه وصله خالص بصيت ع البطاريه لقيت الاوشيت شكلها راكب كويس...بصراحه مهتمش ااكد عليها وحولت ازق العربيه قولت يمك البطاريه نامت.

دون فايده وفجأه لقيت نور التابلوه نور تانى...دورت العربيه لقيتها قامت زى الفل.

بصيت ع الاواشيط لقيت الاتنين مش متثبتين فى مكانهم وفيهم واحد تقريبا مقسوم بشكل غريب المهم اكدت عليها بشكل ما عشان ميفصلش وانا ماشى.

ركنت العربيه عند البيت وطلعت نمت وسبت العربيه يومين لانى كنت مبخرجش وكنت اجازه المهم نزلت تالت يوم وقولت اربط الاواشيط بالمفتاح عشان ميتكررش الموقف.

ربطها فعلا كويس وقولت اتوكل ع الله ودور...العربيه دارت مع اول تكه..استغربت جدا روحت مشوارى ورجعت وسبت العربيه لتانى يوم وكان الجو بليل ساقع طبعا كالمعتاد فى اليومين اللى قاتو ودورت تانى يوم اخر النهار...برده العربيه دارت مع اول تكه...

فانا مش عارف المشكله كانت فى تثبيت الاواشيط بشكل محكم لانى بعد تثبيتها بالمفتاح وربطها كويس جدا العربيه بقت تدور زى الفل مشاء الله

ولا القصه فى النطه اللى حصلت مع الكهربائى بالصدفه زى ما نصحنى احد الاعضاء هنا وهو الاستاذ هانى فى الاقتباس اللى فوق

لكن اللى انا ملاحظة ان المشكله اختفت والعربيه بقالها يومين تلاته بدور مع اول تدوير.. ولو انى خايف انها تكون سحابة تدوير وتعدى (:

وشكرا